ଓଡ଼ିଶା ଗସ୍ତରେ ଆସିବେ ଦିଲ୍ଲୀ ବାଚସ୍ପତି ବିଜେନ୍ଦର ଗୁପ୍ତା

ଓଡ଼ିଶା ଗସ୍ତରେ ଆସିବେ ଦିଲ୍ଲୀ ବାଚସ୍ପତି ବିଜେନ୍ଦର ଗୁପ୍ତା । କାଗଜବିହୀନ ବିଧାନସଭା ପ୍ରକ୍ରିୟାର ଅଧ୍ୟୟନ କରିବେ । ତେବେ ଜାତୀୟ ଇ-ବିଧାନ ଆବେଦନ ପ୍ରକ୍ରିୟା ମାଧ୍ୟମରେ କାଗଜବିହୀନ ଏବଂ ଡିଜିଟାଲ ବିଧାନସଭା ପ୍ରକ୍ରିୟା ଗ୍ରହଣ କରିଥିବା ଅନେକ ରାଜ୍ୟ ମଧ୍ୟରୁ ଓଡ଼ିଶା ଅନ୍ୟତମ ।

ସୂଚନା ଅନୁସାରେ, ଦିଲ୍ଲୀ ବିଧାନସଭାର ବାଚସ୍ପତି ବିଜେନ୍ଦର ଗୁପ୍ତା ଏହି ଉଦ୍ଦେଶ୍ୟରେ ତିନି ଦିନିଆ ଓଡ଼ିଶା ଗସ୍ତରେ ଆସିବେ । ଏପ୍ରିଲ ୧୫ରୁ ୧୭ ଯାଏଁ ସେ ଓଡ଼ିଶାରେ ରହିବେ। ଦିଲ୍ଲୀ ବିଧାନସଭା ସଚିବାଳୟର ଜଣେ ଅଧିକାରୀଙ୍କ ପକ୍ଷରୁ ମିଳିଥିବା ସୂଚନା ଅନୁସାରେ, ବାଚସ୍ପତିଙ୍କ ଗସ୍ତର କାରଣ ହେଉଛି ନେଭାକୁ ପ୍ରଭାବଶାଳୀ ଭାବରେ କାର୍ଯ୍ୟକାରୀ କରିବା ପାଇଁ ଓଡ଼ିଶା ଦ୍ୱାରା ଗ୍ରହଣ କରାଯାଇଥିବା ସର୍ବୋତ୍ତମ ଅଭ୍ୟାସ, ପ୍ରଯୁକ୍ତିବିଦ୍ୟା ଢାଞ୍ଚା ଏବଂ କାର୍ଯ୍ୟକ୍ଷମ ମଡେଲଗୁଡ଼ିକୁ ବୁଝିବା ।