ଜାରି ରହିଛି ବାତ୍ୟା ମିଗଜୋମର ଲ୍ୟାଣ୍ଡଫଲ ପ୍ରକ୍ରିୟା; ରାଜ୍ୟର ୫ ଜିଲ୍ଲାରେ ପ୍ରବଳ ବର୍ଷା

Published: Tuesday, December 5, 2023, 18:01 [IST]

ଜାରି ରହିଛି ବାତ୍ୟା ମିଗଜୋମର ଲ୍ୟାଣ୍ଡଫଲ ପ୍ରକ୍ରିୟା । ଆନ୍ଧ୍ର ପ୍ରଦେଶରେ ଏହାର ପ୍ରଭାବରେ ଆନ୍ଧ୍ରପ୍ରଦେଶ ଓ ତାମିଲନାଡୁରେ ପ୍ରବଳ ବର୍ଷା ହୋଇଛି । ସେହିପରି ରାଜ୍ୟରେ ବର୍ଷା ଜାରି ରହିଛି । ମାଲକାନଗିରି, ଗଜପତି, ରାୟଗଡା, ଝାରସୁଗୁଡା, ସମ୍ବଲପୁରରେ ବର୍ଷା ହୋଇଛି ।

ଆସନ୍ତାକାଲି ପର୍ଯ୍ୟନ୍ତ କୋହଲା ପାଗ ଜାରି ରହିବ । ବାତ୍ୟା ମିଗଜୋମର ପ୍ରଭାବରେ ଜିଲ୍ଲାରେ ସାମାନ୍ୟ ବର୍ଷା ଓ କୋହଲା ପାଗ ସାଂଗକୁ ଆକାଶ ମେଘାଚ୍ଛନ୍ନ ରହିଛି । ସମୁଦ୍ର ମଧ୍ୟରେ ୩୫ରୁ ୪୫ କିଲୋମିଟର ବେଗରେ ପବନ ବହିବ । ଓଡ଼ିଶାରେ ବାତ୍ୟାର ପ୍ରଭାବ ନହେଲେ ମଧ୍ୟ ବର୍ଷାର ପ୍ରଭାବ ଦେଖିବାକୁ ମିଳିଛି ।

ବାତ୍ୟା ମିଗଜୋମ ସ୍ଥଳଭାଗ ମୁହାଁ ହବାପରେ ମାଲକାନଗିରି, କୋରାପୁଟଓ ରାୟଗଡା ଜିଲ୍ଲା ଗୁଡିକୁ ୟେଲୋ ୱାର୍ନିଂ ସୂଚନା ଦେଇଛି ପାଣିପାଗ ବିଭାଗ । ଏହାକୁ ନେଇ ମାଲକାନଗିରି ଜିଲ୍ଲା ପ୍ରଶାସନ ସମସ୍ତ ପ୍ରାକ ପ୍ରସ୍ତୁତି ସାରି ସଜାଗ ରହିଥିବା ସୂଚନା ଦେଇଛନ୍ତି ଅତିରିକ୍ତ ଜିଲ୍ଲାପାଳ ।

ଆଜି ରାଜ୍ୟର ୯ଟି ଜିଲ୍ଲାରେ ପ୍ରବଳ ବର୍ଷା ନେଇ ଚେତାବନୀ ଦିଆଯାଇଛି । ତିନୋଟି ଜିଳ୍ଲାକୁ ଅରେଞ୍ଜ ଓ ୫ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ମାଲକାନଗିରି, କୋରାପୁଟ, ରାୟଗଡା ରେ ୭ରୁ ୨୦ ସେଣ୍ଟିମିଟର ବର୍ଷା ନେଇ ଆକଳନ କରିଛି ପାଣିପାଗ ବିଭାଗ ।

ଗଜପତି, ଗଞ୍ଜାମ, ନବରଙ୍ଗପୁର, କଳାହାଣ୍ଡି, କନ୍ଧମାଳକୁ ୟେଲୋ ୱାର୍ଣ୍ଣିଂ ଜାରି ହୋଇଛି । ଆସନ୍ତାକାଲି ୮ଟି ଜିଲ୍ଲାରେ ବର୍ଷା ନେଇ ଜାରି ହୋଇଛି ୟୋଲୋ ୱାର୍ଣ୍ଣିଂ ।

ଏହି ବାତ୍ୟାରେ ଏପର୍ଯ୍ୟନ୍ତ ୯ ଜଣ ଲୋକଙ୍କ ମୃତ୍ୟୁ ଘଟିଛି। 'ମିଗଜୋମ'ର ପ୍ରଭାବ ଓଡ଼ିଶାରେ ସେତେଟା ପଡି ନ ଥିଲେ ମଧ୍ୟ କେତେକ ଜିଲାରେ ମଧ୍ୟ ବର୍ଷା ଲାଗି ରହିଛି ।

ଆନ୍ଧ୍ର ଉପକୂଳ ବାପଟଲାରେ ସ୍ଥଳଭାଗ ଛୁଇଁଲା ମିଗଜୋମ । ସ୍ଥଳଭାଗ ଛୁଇଁବା ସମୟରେ ଘଣ୍ଟାପ୍ରତି ପବନର ବେଗ ୯୦ରୁ ୧୦୦ କିଲୋମିଟର ରହିଛି । ସର୍ବାଧିକ ୧୧୦ କିଲୋମିଟର ପର୍ଯ୍ୟନ୍ତ ପବନର ଝଟକା ଲାଗିପାରେ ।

ଏହାକୁ ଦୃଷ୍ଟିରେ ରଖି ଗଜପତି ଜିଲ୍ଲାରେ ଆସନ୍ତାକାଲି ପର୍ଯ୍ୟନ୍ତ ସମସ୍ତ ସ୍କୁଲକୁ ଛୁଟି ଘୋଷଣା କରାଯାଇଛି । ସମୁଦ୍ର ଅଶାନ୍ତ ଥିବାରୁ ମତ୍ସ୍ୟଜୀବୀଙ୍କୁ ୬ତାରିଖ ଯାଏଁ ସମୁଦ୍ର ଯିବାକୁ ବାରଣ କରାଯାଇଛି ।

Published On December 5, 2023