ଦୁର୍ବଳ ହେଉଛି 'ବାତ୍ୟା ଜୱାଦ': ଜାଣନ୍ତୁ, କଣ କହିଲେ SRC ?
ବାତ୍ୟା ‘ଜୱାଦ’ ଧୀରେ ଧୀରେ ଦୁର୍ବଳ ହେଉଛି । ଆସନ୍ତାକାଲି ମଧ୍ୟାହ୍ନରେ ପୁରୀ ପହଞ୍ଚିଲା ବେଳକୁ ଏହାର ତୀବ୍ରତା କମିଯିବ ବୋଲି ଆକଳନ କରାଯାଇଛି। ପୁରୀ ଛୁଇଁଲା ବେଳକୁ ପବନର ବେଗ ଘଣ୍ଟା ପ୍ରତି ୬୦ରୁ ୭୦ କିମି ରହିବ।
ଭୁବନେଶ୍ୱର: ବାତ୍ୟା 'ଜୱାଦ' ଧୀରେ ଧୀରେ ଦୁର୍ବଳ ହେଉଛି । ଆସନ୍ତାକାଲି ମଧ୍ୟାହ୍ନରେ ପୁରୀ ପହଞ୍ଚିଲା ବେଳକୁ ଏହାର ତୀବ୍ରତା କମିଯିବ ବୋଲି ଆକଳନ କରାଯାଇଛି। ପୁରୀ ଛୁଇଁଲା ବେଳକୁ ପବନର ବେଗ ଘଣ୍ଟା ପ୍ରତି ୬୦ରୁ ୭୦ କିମି ରହିବ। ଏ ନେଇ ସଦ୍ୟ ସୂଚନା ଦେଇଛନ୍ତି ସ୍ୱତନ୍ତ୍ର ରିଲିଫ୍ କମିଶନର (ଏସ୍ଆର୍ସି) ପ୍ରଦୀପ ଜେନା।
'ବାତ୍ୟା ଜୱାଦ'କୁ ନେଇ କଣ କହିଲେ SRC ?
- ଗୋପାଳପୁର ଠାରୁ ୩୧୦, ପୁରୀରୁ ୩୯୦, ପାରାଦ୍ୱୀପରୁ ୪୭୦ କି.ମି ଦୂରରେ ରହିଛି ।
- ଘଣ୍ଟାକୁ ୬ କିଲୋମିଟର ବେଗରେ ସ୍ଥଳଭାଗ ମୁହାଁ ହେଉଛି ।
- ଆଜି ରାତି ୯ଟାରୁ ମଧ୍ୟରାତ୍ରୀ ଭିତରେ ଦିଗ ବଦଳାଇବ ।
- ଆସନ୍ତାକାଲି ମଧ୍ୟାହ୍ନ ବେଳକୁ ପୁରୀ ଉପକୂଳରେ ପହଞ୍ଚିବ ।
- ଲ୍ୟାଣ୍ଡଫଲ ବେଳକୁ ତୀବ୍ର ଅବପାତର ରୂପ ନେବ ।
- ଏହି ସମୟରେ ଘଣ୍ଟାକୁ ୬୦ରୁ ୭୦ କିଲୋମିଟର ବେଗରେ ପବନ ବହିପାରେ ।
- ଜୱାଦ ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ଆରମ୍ଭ ।
- ଆଜି ଗଞ୍ଜାମ, ପୁରୀ ଓ ଖୋର୍ଦ୍ଧା ଜିଲ୍ଲାରେ ଅତିପ୍ରବଳ ବର୍ଷା ହୋଇପାରେ ।
- ପବନ ବେଗ କମିବା ଆକଳନ ଥିବାରୁ ଭିତ୍ତିଭୂମି କ୍ଷତିଗ୍ରସ୍ତ ହେବା ଆଶଙ୍କା କମ୍ ।
- ପ୍ରବଳ ବର୍ଷା ଯୋଗୁଁ ଫସଲ ବିଶେଷ ଭାବେ କ୍ଷତିଗ୍ରସ୍ତ ହେବ ।
- ଧାନ ଓ ପନିପରିବା ଚାଷ ବିଶେଷ ଭାବେ କ୍ଷତିଗ୍ରସ୍ତ ହେବ ।
- ୭ ଦିନ ମଧ୍ୟରେ କ୍ଷୟକ୍ଷତି ଆକଳନ କରାଯିବ।
- ଆସନ୍ତାକାଲି ସନ୍ଧ୍ୟା ସୁଦ୍ଧା ଓଡ଼ିଶା ଉପକୂଳ ଅତିକ୍ରମ କରି ସାରିଥିବ ।
- ୦.୫ ମିଟର ଅଥାର୍ତ ପାଖାପାଖି ଦେଢ ଫୁଟ ଉଚ୍ଚର ଜୁଆର ଆସିପାରେ ।
- ଆଜି ଜୁଆର ଠାରୁ ଆସନ୍ତାକାଲି ୦.୫ ମିଟର ଜୁଆର ଅଧିକ ଉଠିପାରେ ।
- ଏଯାବତ ଦେଢ ହଜାର ଲୋକଙ୍କୁ ସ୍ଥାନାନ୍ତରଣ କରାଯାଇଛି ।
- ପ୍ରଭାବିତ ଜିଲ୍ଲାରେ ୩ ଶହ ଗର୍ଭବତୀ ମହିଳାଙ୍କୁ ହସ୍ପିଟାଲ ନିଆଯାଇଛି ।
- ବର୍ଷା, ପବନ ବେଳେ କେହି ବାହାରକୁ ଯାଆନ୍ତୁ ନାହିଁ ।
Click it and Unblock the Notifications
Sign in with Google