ରେଭେନ୍ସା ଫେରିଲେ କଟକ ଡେପୁଟି ମେୟର
ମଙ୍ଗଳବାର ଯେତେବେଳେ 21 ବର୍ଷ ବୟସ୍କା ଦମୟନ୍ତୀ ମାଝି ରେଭେନ୍ସା ବିଶ୍ୱବିଦ୍ୟାଳୟର କରିଡରରେ ପହଞ୍ଚିଥିଲେ । ସେତେବେଳେ ତାଙ୍କୁ ଅଭିନନ୍ଦନ ଜଣାଇବା ପାଇଁ ଭିଡ ଜମାଇ ଥିଲେ ଶହ ଶହ ଛାତ୍ରଛାତ୍ରୀ ।
କଟକ: ସକାଳର ସୂର୍ଯ୍ୟ କିରଣ ସହ ଚଳଚଞ୍ଚଳ ହୋଇଯାଏ ରେଭେନ୍ସା ବିଶ୍ୱବିଦ୍ୟାଳୟ କ୍ୟାମ୍ପସ । ନିଜ ନିଜ ହଷ୍ଟେଲରୁ ବହି ବ୍ୟାଗ ଧରି କ୍ଲାସ ବାହାରି ଆସନ୍ତି ଛାତ୍ରଛାତ୍ରୀ । କ୍ୟାମ୍ପସ କରିଡରରେ ପରସ୍ପରକୁ ଦେଖି ଖୁସି ହୁଅନ୍ତି । ହେଲେ ଗତକାଲି (ମଙ୍ଗଳବାର) ଯେତେବେଳେ 21 ବର୍ଷ ବୟସ୍କା ଦମୟନ୍ତୀ ମାଝି ରେଭେନ୍ସା ବିଶ୍ୱବିଦ୍ୟାଳୟର କରିଡରରେ ପହଞ୍ଚିଥିଲେ । ସେତେବେଳେ ତାଙ୍କୁ ଅଭିନନ୍ଦନ ଜଣାଇବା ପାଇଁ ଭିଡ ଜମାଇ ଥିଲେ ଶହ ଶହ ଛାତ୍ରଛାତ୍ରୀ ।
ତେବେ ଆମେ କହିରଖୁ, 21 ବର୍ଷ ବୟସ୍କା ଦମୟନ୍ତୀ ମାଝି ବିଶ୍ବବିଦ୍ୟାଳୟର କୌଣସି ସାଧାରଣ ଛାତ୍ରୀ ନୁହଁନ୍ତି । କାରଣ ସେ ହେଉଛନ୍ତି ଓଡିଶାର ସର୍ବ ପୁରାତନ ସହର କଟକର ନୂତନ ଡେପୁଟି ମେୟର । ତେବେ ଏହି ଲାଇମଲାଇଟ୍ ତାଙ୍କ ଏକାଡେମିକ୍ କାର୍ଯ୍ୟ ଉପରେ ପ୍ରଭାବ ପକାଇବାକୁ ଦେଇନାହିଁ । ଓଡିଶାରେ ଡେପୁଟି ମେୟର ପଦବୀ ଗ୍ରହଣ କରିଥିବା ଏହି ସର୍ବକନିଷ୍ଠ ଆଦିବାସୀ ଝିଅ ନିଜର ରାଜନୈତିକ ଯାତ୍ରା ଆରମ୍ଭ କରିବା ପୂର୍ବରୁ ଶିକ୍ଷା ସମାପ୍ତ କରିବାକୁ ସ୍ଥିର କରିଛନ୍ତି। ଦମୟନ୍ତୀ ବର୍ତ୍ତମାନ ବାଣିଜ୍ୟରେ ମାଷ୍ଟର୍ସର ଦ୍ୱିତୀୟ ବର୍ଷରେ ପଢୁଛନ୍ତି ।
"ମୁଁ ଶ୍ରେଣୀଗୃହ ବାହାରେ ଐତିହାସିକ ସହରର ଡେପୁଟି ମେୟର ହେବାର ଖ୍ୟାତି ଛାଡି ଜଣେ ନିୟମିତ ଛାତ୍ର ଭାବରେ ମୋ ଶ୍ରେଣୀରେ ପଢିବାକୁ ଆସିଛି । ମୋର ସ୍ନାତକୋତ୍ତର କାର୍ଯ୍ୟକ୍ରମ ଶେଷ ହେବା ପର୍ଯ୍ୟନ୍ତ ମୁଁ ଏହା ଜାରି ରଖିବି ବୋଲି ସେ କହିଛନ୍ତି।
ଦମୟନ୍ତୀ ମାଝିଙ୍କ ଜୀବନ ଶୈଳୀ
ତେବେ ଏହି ପଦବୀରେ ଅବସ୍ଥାପିତ ସର୍ବକନିଷ୍ଠ ପ୍ରାର୍ଥୀ ଦମୟନ୍ତୀ ମାଝିଙ୍କ ଜୀବନ ସଙ୍ଘର୍ଷରେ ଭରି ରହଥିଲା । ଏହି ପଦବୀରେ ଅବସ୍ଥାପିତ ହୋଇଥିବା ସର୍ବକନିଷ୍ଠ ବ୍ୟକ୍ତି ହୋଇଥିଲେ ହେଁ ଦାମୟନ୍ତୀ ମାଜି ସ୍ନାତକୋତ୍ତର ସମାପ୍ତ କରିବା ଉପରେ ଧ୍ୟାନ ଦେଇଛନ୍ତି। ବାପା-ମା ଦିନ ମଜୁରିଆ ଅଟନ୍ତି । ଦୁଇ ଭଉଣୀ, ଜଣେ ଭାଇ ଏବଂ ପିତାମାତାଙ୍କୁ ନେଇ ଦମୟନ୍ତୀ ଜଗତପୁର ନିକଟସ୍ଥ ବାଲିସାହି ବସ୍ତିରେ ରୁହନ୍ତି ।
ପଚିଶ ବର୍ଷ ପୂର୍ବେ, ତାଙ୍କ ପିତାମାତା ନିର୍ମାଣ ଶ୍ରମିକ ଭାବେ କାମ କରିବାକୁ କେନ୍ଦଝରରୁ କଟକ ସ୍ଥାନାନ୍ତର ହୋଇଥିଲେ । ନିଜ ପିଲାମାନଙ୍କୁ ଭଲ ଶିକ୍ଷା ଦେବା ପାଇଁ ଉଭୟେ ଯଥାସମ୍ଭବ ଚେଷ୍ଟା କରିଥିଲେ । ଦମୟନ୍ତୀ ଶୈଳବାଳା ମହିଳା କଲେଜ ହଷ୍ଟେଲରେ ରହି ନିଜର ଯୁକ୍ତ ଦୁଇ ପାଠପଢା ସମାପ୍ତ କରିଥିଲେ । ଏତିକିରେ ଦୁଃଖ ତାଙ୍କ ଜୀବନରୁ ଦୂରେଇ ଯାଇନଥିଲା । 2017 ରେ ତାଙ୍କ ପିତା ମହାନଦୀ ନଦୀରେ ବୁଡ଼ି ଯାଇଥିଲେ। ତାଙ୍କ ପିତାଙ୍କ ଦେହାନ୍ତ ପରେ ଦମୟନ୍ତୀ ପରିବାର ଚଳାଇବା ବହୁ ପରିଶ୍ରମ କରିଥିଲେ । ଟ୍ୟୁସନ କରି ମିଳୁଥିବା ଅର୍ଥ ତାଙ୍କ ଅଧ୍ୟୟନ ଏବଂ ଭଉଣୀଙ୍କ ଶିକ୍ଷା ପାଇଁ ଅର୍ଥ ପ୍ରଦାନ କରୁଥିଲେ ।
"ଯେତେବେଳେ ପୌର ନିର୍ବାଚନ ମତଦାନର ତାରିଖ ଘୋଷଣା କରାଯାଇଥିଲା, ମୁଁ ନିର୍ବାଚନ ଲଢିବାକୁ ନିଷ୍ପତ୍ତି ନେଇଥିଲି । କାରଣ ମୋର ୱାର୍ଡ ଆଦିବାସୀ ମହିଳା ପ୍ରାର୍ଥୀଙ୍କ ପାଇଁ ସଂରକ୍ଷିତ ଥିଲା। ମୁଁ ବିଜୁ ଜନତା ଦଳ ନିକଟକୁ ଯାଇଥିଲି, ଯିଏ ମୋତେ ଟିକେଟ ଦେଇଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଶୀର୍ବାଦ ଏବଂ ବସ୍ତି ବାସିନ୍ଦାଙ୍କ ସହ ମୋର ପରିଚୟ ମୋତେ ନିର୍ବାଚନରେ ଜିତିବାରେ ସାହାଯ୍ୟ କରିଛି ବୋଲି ଦମୟନ୍ତୀ ମାଝି କହିଛନ୍ତି।
"ଡେପୁଟି ମେୟର ପଦ ପାଇଁ ମୋର ଚୟନ ଅପ୍ରତ୍ୟାଶିତ ଥିଲା। ବୋଧହୁଏ ଦଳ ମୋ ଉପରେ ବିଶ୍ୱାସ କରିଥିଲା । କାରଣ ମୁଁ ଶିକ୍ଷିତ ଏବଂ ଯୁବ । ଲୋକଙ୍କ ପାଇଁ କାମ କରିବାକୁ ମୋର ଶକ୍ତି ଏବଂ ସାହସ ଅଛି । ସର୍ବୋପରି, ଏକ ବସ୍ତି ବାସିନ୍ଦା ହୋଇଥିବାରୁ ମୁଁ ସମାଜର ସର୍ବନିମ୍ନ ସ୍ତରର ଲୋକଙ୍କ ଅସୁବିଧା ଜାଣେ ବୋଲି ଦମୟନ୍ତୀ କହିଛନ୍ତି।
Click it and Unblock the Notifications
Sign in with Google