'ମୋ ବସ୍'କୁ ମିଳିଲା ଜାତୀୟ ସମ୍ମାନ, ମିଳିଲା ସ୍ମାର୍ଟ ସଲ୍ୟୁସନ୍ ଚ୍ୟାଲେଞ୍ଜ ଆଣ୍ଡ୍ ଇନକ୍ଲୁସିଭ୍ ସିଟିଜ୍ ଆୱାର୍ଡ-୨୦୨୨

Mo Bus Gets National Level Award :CRUT Receives The Smart Solutions Challenge & Inclusive Cities Awards 2022:'ମୋ ବସ୍'କୁ ମିଳିଲା ଜାତୀୟ ସମ୍ମାନ

Updated: Wednesday, July 27, 2022, 14:01 [IST]

ଭୁବନେଶ୍ୱର: ସିଟି ବସ୍‍ ସେବା କ୍ଷେତ୍ରରେ ଯାତ୍ରୀମାନଙ୍କୁ ଉତ୍ତମ ଓ ସୁରକ୍ଷିତ ଯାତ୍ରାର ଅନୁଭୂତି ଦେଉଥିବା 'ମୋ ବସ୍‍'କୁ ପୁଣି ଥରେ ଜାତୀୟ ସ୍ତରରେ ମିଳିଛି ସଫଳତା । ସ୍ମାର୍ଟ ସଲ୍ୟୁସନ୍ ଚ୍ୟାଲେଞ୍ଜ ଆଣ୍ଡ୍ ଇନକ୍ଲୁସିଭ୍ ସିଟିଜ୍ ଆୱାର୍ଡ-୨୦୨୨ ମିଳିଛି 'ମୋ ବସ୍‍'କୁ । ପୂର୍ବରୁ ମଧ୍ୟ ଦେଶର ଅଗ୍ରଣୀ ସେବା ପ୍ରଦାନକାରୀ ଭାବେ ମୋ ବସ୍‍ ପରିଚାଳନା ସଂସ୍ଥା କ୍ରୁଟ୍‍କୁ ପୁରସ୍କାର ମିଳିଥିଲା । 'ମୋ ବସ୍' ଯୋଗୁଁ ରାଜ୍ୟରେ ସହରାଞ୍ଚଳରର ଜନସାଧାରଣ ସହଜରେ ଯାତାୟତ କରିପାରୁଛନ୍ତି । ଉନ୍ନତଧରଣର ମୋ ବସ୍ ସୁବିଧା ଯୋଗୁଁ ଲଗାତାର କ୍ରୁଟ୍କୁ ଜାତୀୟ ସ୍ତରରେ ସମ୍ମାନ ଓ ମାନ୍ୟତା ପାଇଆସୁଛି । ବଜାରର ଚାହିଦାକୁ ନଜରରେ ରଖି ସେବାରେ ଅଭିନବ ଓ ନିରାପଦ ଯାତ୍ରାର ଅନୁଭୂତି ଦେବା ପାଇଁ ମଧ୍ୟ ସମସ୍ତ ପଦକ୍ଷପ ନିଆଯାଉଛି ।

Another feather in our cap! CRUT receives the Smart Solutions Challenge & Inclusive Cities Awards 2022 in the category Implemented Solutions for its Innovative, Inclusive and Safe Mobility and Public Transport system in State.@CMO_Odisha @HUDDeptOdisha @MoHUA_India @ut_MoHUA pic.twitter.com/iyAcZklQ9S
— Capital Region Urban Transport (@CRUT_BBSR) July 26, 2022

ରାଜ୍ୟରେ 'ମୋ ବସ୍'ର ସଫଳତାକୁ ନଜରରେ ରଖି ଆଗକୁ ଇ. ବସ୍ ଏବଂ ଇ. ରିକ୍ସା ଆରମ୍ଭ କରିବାକୁ ଯୋଜନା କରି ଓଡ଼ିଶାରେ ଇଲେକ୍ଟ୍ରିକ୍ ଯାନ ନୀତିକୁ କାର୍ଯ୍ୟକାରୀ କରିବାକୁ ଯାଉଛି କ୍ରୁଟ୍ । ତେବେ ଆପଣଙ୍କୁ ଜଣାଇବା ପାଇଁ ଚାହିଁବୁ କ୍ରୁଟ୍ ହେଉଛି ଏକମାତ୍ର ସହରାଞ୍ଚଳ ପରିବହନ ସେବା ପ୍ରଦାନକାରୀ ସଂସ୍ଥା । ଯାହା ବରିଷ୍ଠ ନାଗରିକ ଯାତ୍ରୀଙ୍କ ପାଇଁ ସଂରକ୍ଷିତ ସିଟ୍ ସହିତ ୫୦% ରିହାତି ଦେଉଥିବା ବେଳେ ଭିନ୍ନକ୍ଷମ ଯାତ୍ରୀଙ୍କ ପାଇଁ ଟିକେଟ୍ ମୂଲ୍ୟରେ ସ୍ୱତନ୍ତ୍ର ରିହାତି ବ୍ୟବସ୍ଥା ମଧ୍ୟ କରିଛି । ସେହିପରି ମହିଳାଙ୍କ ପାଇଁ ମଧ୍ୟ ସଂରକ୍ଷିତ ସିଟ୍ ର ବ୍ୟବସ୍ଥା କରାଯାଇଛି ।

Congratulations @CRUT_BBSR on receiving the Smart Solutions Challenge & Inclusive Cities Awards 2022 in the category Implemented Solutions. With implementation of innovative solutions for safe and convenient transportation, CRUT is setting a precedent for others. #OdishaLeads https://t.co/J3H00j0Y0Q
— CMO Odisha (@CMO_Odisha) July 27, 2022

'କ୍ରୁଟ୍ ଦ୍ୱାରା ଯୋଗାଇ ଦିଆଯାଉଥିବା 'ମୋ ବସ୍' ସେବା ପ୍ରତିଟି ଜନସାଧାରଣଙ୍କ ପାଇଁ , ଯାତାୟତ ପାଇଁ ସରକାରଙ୍କ ପକ୍ଷରୁ ଯୋଗାଇ ଦିଆଯାଉଥିବା 'ମୋ ବସ୍' ର ବ୍ୟବହାର କଲେ ସହରରେ ଟ୍ରାଫିକ୍ ସମସ୍ୟା ମଧ୍ୟ ଦୁର ହୋଇପାରିବ । ତେବେ 'ମୋ ବସ୍‌' ବ୍ୟବହାର କରୁଥିବା ସାଧାରଣ ଜନତାଙ୍କ ପାଇଁ କ୍ରୁଟ୍କୁ ଏହି ସମ୍ମାନ ଓ ଜାତୀୟ ମାନ୍ୟତା ମିଳିପାରିଛ' ବୋଲି କହିଛନ୍ତି 'କ୍ରୁଟ୍ ପରିଚାଳନା ନିର୍ଦ୍ଦେଶକ ବିଜୟ ଅମୃତ କୁଲାଙ୍ଗେ'