କ୍ରେଡିଟ୍ କାର୍ଡ ମାଧ୍ୟମରେ ୮ କୋଟି ଟଙ୍କା ଠକେଇ:୬ ଗିରଫ
ଭୁବନେଶ୍ୱର: କ୍ରେଡିଟ୍ କାର୍ଡ ମାଧ୍ୟମରେ ୮ କୋଟି ଟଙ୍କା ଠକେଇ । ୬ ଜଣ ଗିରଫ ହେବା ସହ ୪୫୦ଟି କ୍ରେଡିଟ୍ ଓ ଡେବିଟ୍ କାର୍ଡ ସହ ୪ଟି କିଓସ୍କ ମେସିନ୍ ଜବତ କରାଯାଇଛି । ଏହାସହ ନଗଦ ୭ ଲକ୍ଷ ଟଙ୍କା ସହ ଏକାଧିକ ବ୍ୟାଙ୍କ ପାସବୁକ୍ ମଧ୍ୟ ପୋଲିସ ଜବତ କରିଛି । ରାକେଶ କୁମାର ନାମକ ଜଣେ ବ୍ୟକ୍ତି ଲୋକ ପାଇଁ ଆବେଦନ କରିବା ସମୟରେ ତାଙ୍କ ନାଁରେ କ୍ରେଡିଟ୍ କାର୍ଡ ଥିବା ସେ ଜାଣିବା ପାଇଁ ପାଇଥିଲେ ଏହାପରେ ସେ ସାଇବର ଥାନାର ଦ୍ୱାରସ୍ଥ ହୋଇଥିଲେ । ଯାହା ପରେ ତଦନ୍ତ ଆରମ୍ଭ କରିଥିଲା ପୋଲିସ ।
ମିଳିଥିବା ସୂଚନା ଅନୁସାରେ, ନକଲି ଡକ୍ୟୁମେଣ୍ଟ ଦେଇ ଅନ୍ୟ ନାଁରେ କ୍ରେଡିଟ୍ କାର୍ଡ ବନାଇ ବ୍ୟବହାର କରୁଥିଲେ ଅଭିଯୁକ୍ତ । ଜବତ ହୋଇଥିବା ସମସ୍ତ କ୍ରେଡିଟ୍ କାର୍ଡ ବିଭିନ୍ନ ହସ୍ପିଟାଲରେ ବ୍ୟବହାର କରାଯାଉଥିଲା । ଡାକ୍ତରଖାନା ବିଲିଂ ଏଜେଣ୍ଟ ସହ ମିଶି ଏପରି ଲୋକଙ୍କୁ ଠକୁ ଥିଲେ ଅଭିଯୁକ୍ତ ।
ସୂଚନା ଅନୁସାରେ, ଟଙ୍କା ଦେଲେ ମଧ୍ୟ ରୋଗୀଙ୍କ ପେମେଣ୍ଟ କ୍ରେଡିଟ୍ କାର୍ଡରେ କରୁଥିଲେ । ରୋଗୀଙ୍କ ପରିବାର ଲୋକେ ଦେଉଥିବା ଟଙ୍କା ନିଜ ପାଖରେ ରଖି ବିଲିଂ ଏଜେଣ୍ଟ କ୍ରେଡିଟ୍ କାର୍ଡରେ ସ୍ୱାଇପ୍ କରି ପେମେଣ୍ଟ ନେଉଥିଲେ । ସେହିପରି ଏହି ସବୁ ଟଙ୍କା ଠକ ଅଭିଯୁକ୍ତ ନିକଟକୁ ଯାଉଥିଲା ।
ତେବେ ରାକେଶ କୁମାର ନାମକ ଜଣେ ବ୍ୟକ୍ତିଙ୍କ ଅଭିଯୋଗ ପରେ ସମସ୍ତ ଅଭିଯୁକ୍ତଙ୍କୁ ଗିରଫ କରାଯାଇଛି ଏବଂ ୭ ଲକ୍ଷ ଟଙ୍କା ସହ ୪୫୦ଟି କ୍ରେଡିଟ୍ ଏବଂ ଡେବିଟ୍ କାର୍ଡ ସହ ୬ଟି ମୋବାଇଲ୍ ଏବଂ ଅନେକ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରାଯାଇଛି ।
Click it and Unblock the Notifications
Sign in with Google