ଭୁବନେଶ୍ୱର ଭିଏସଏସ ନଗରରେ ବାଣ ବିସ୍ଫୋରଣ, ଜଣେ ମୃତ

Updated: Tuesday, April 4, 2023, 8:36 [IST]

ବାଣ ବିସ୍ଫୋରଣ ନେଇଛି ଜଣଙ୍କ ଜୀବନ
ଭୁବନେଶ୍ୱର:ଭୁବନେଶ୍ୱର ଭିଏସଏସ ନଗରରେ ବାଣ ବିସ୍ଫୋରଣ ନେଇଛି ଜଣଙ୍କ ଜୀବନ । ଘର ଭିତରେ ବାଣ ଭିଡୁଥିବା ବେଳେ ଘଟିଥିଲା ବିସ୍ଫୋରଣ । ଏଥିରେ ଗୁରୁତର ଆହତ ହୋଇଛନ୍ତି ଶିବାନନ୍ଦ ତାଡ । ଗୁରୁତର ଅବସ୍ଥାରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଯେଉଁଠି ତାଙ୍କୁ ଡାକ୍ତର ମୃତ ଘୋଷଣା କରିଥିଲେ ।

ବିସ୍ଫୋରଣରେ ଘର ଛାତ ଉଡିଯାଇଛି

ସୂଚନା ଅନୁସାରେ, ଭୁବନେଶ୍ୱର ସହିଦନଗର ଥାନା ଭିଏଏସ ନଗର ଜିଏଲ କଲୋନୀ ଠାରେ ଶିବାନନ୍ଦ ତାଡ ନାମକ ଜଣେ ଯୁବକ ନିଜ ଘର ଭିତରେ ବାଣ ତିଆରି କରୁଥିଲେ ତାଙ୍କ ହାତରେ ବାଣ ଫୁଟିଥିଲା । ବିସ୍ଫୋରଣରେ ତାଙ୍କ ଘର ଛାତ ମଧ୍ୟ ଉଡିଯାଇଛି ।

ସ୍ଥିତି ଅନୁଧ୍ୟାନ କରିଛନ୍ତି ଭୁବନେଶ୍ୱର ମେୟର

ଗତକାଲି ଶିବାନନ୍ଦଙ୍କୁ ଗୁରୁତର ଅବସ୍ଥାରେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ଯେଉଁଠି ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ସେପଟେ ଘଟଣା ସ୍ଥଳରେ କମିଶନରେଟ୍ ପୋଲିସ ପହଞ୍ଚି ଘଟଣାର ଜାଞ୍ଚ୍ ଆରମ୍ଭ କରିଛି । ସେହିପରି ଅଘଟଣ ଘଟିଥିବା ସ୍ଥାନକୁ ଯାଇ ସ୍ଥିତି ଅନୁଧ୍ୟାନ କରିଛନ୍ତି ଭୁବନେଶ୍ୱର ମେୟର ଏବଂ ବିଧାୟକ ।