ମିଳିଲା ଜଗା ଦର୍ଶନ, ଭକ୍ତ-ଭଗବାନ ମଝିରୁ ହଟିଲା କଟକଣା
ଭକ୍ତ-ଭଗବାନ ମଧ୍ୟରେ ଆଉ ନାହଁ କୌଣସି କଟକଣା । କାରଣ ଆଜିଠାରୁ ଶ୍ରୀମନ୍ଦିରରେ ଆରମ୍ଭ ହୋଇଛି ସାଧାରଣ ଦର୍ଶନ । ଏଣିକି ବିନା କୋଭିଡ ରିପୋର୍ଟରେ ଶ୍ରୀମନ୍ଦିରକୁ ପସି ପାରିବେ ଭକ୍ତ ।
ପୁରୀ: ଶେଷ ହେଲା ମହାମରୀ ମହାପ୍ରକୋପ । ଏବେ ପୁଣି ଶ୍ରୀମନ୍ଦିରରେ ଲାଗିବ ଭକ୍ତଙ୍କ ଭିଡ । ନିଜର ପ୍ରାଣପ୍ରିୟ ଠାକୁରଙ୍କୁ ଦେଖିବେ ଭକ୍ତ । ଭକ୍ତ-ଭଗବାନ ମଧ୍ୟରେ ଆଉ ନାହଁ କୌଣସି କଟକଣା । କାରଣ ଆଜିଠାରୁ ଶ୍ରୀମନ୍ଦିରରେ ଆରମ୍ଭ ହୋଇଛି ସାଧାରଣ ଦର୍ଶନ । ଏଣିକି ବିନା କୋଭିଡ ରିପୋର୍ଟରେ ଶ୍ରୀମନ୍ଦିରକୁ ପସି ପାରିବେ ଭକ୍ତ । କିନ୍ତୁ ଜାରି ରହିବ ମାସ୍କ ଓ ସାମାଜିକ ଦୂରତା ନିୟମ ।
ଭକ୍ତଙ୍କ ଦର୍ଶନ ପାଇଁ ସ୍ୱତନ୍ତ୍ର ବ୍ୟାରିକେଡ୍ ବ୍ୟବସ୍ଥା ହୋଇଛି। ସୁରକ୍ଷା ଦାୟିତ୍ୱରେ ରହିଛନ୍ତି ୨୬ ପ୍ଲାଟୁନ ପୋଲିସ ଫୋର୍ସ । ସକାଳ ୬ଟାରୁ ୭ଟା ପୁରୀବାସୀ ମହାପ୍ରଭୁଙ୍କ ଦର୍ଶନ କରିଛନ୍ତି । ପୁରୀବାସୀ ନିଜର ପରିଚୟ ପତ୍ର ଦେଖାଇ ସିଂହଦ୍ୱାର ଦେଇ ପ୍ରବେଶ କରି ଶ୍ରୀଜିଉଙ୍କ ଦର୍ଶନ କରିଛନ୍ତି ।
ପ୍ରତିଦିନ ପାଖାପାଖି ୩୦ହଜାର ଭକ୍ତ ଶ୍ରୀଜିଉଙ୍କୁ ଦର୍ଶନ କରିବେ । ଏଥିପାଇଁ ପ୍ରଶାସନ ପକ୍ଷରୁ ବ୍ୟବସ୍ଥା କରାଯାଇଛ। ଥର୍ମାଲ ସ୍କ୍ରିନିଂ ସମୟରେ ୧୦୦ଡିଗ୍ରୀ ଉପରକୁ ତାପମାତ୍ରା ଥିଲେ ଶ୍ରୀମନ୍ଦିର ଭିତରକୁ ଭକ୍ତଙ୍କୁ ଛଡ଼ାଯିବ ନାହିଁ ବୋଲି ନିର୍ଦ୍ଦେଶ ରହିଛି।
ଉଲ୍ଲେଖଥାଉ
କି,
ଡିସେମ୍ବର
୨୩ରୁ
ଖୋଲିଥିଲା
ଶ୍ରୀମନ୍ଦିର।
ପ୍ରଥମେ
ସେବାୟତଙ୍କ
ପରିବାର
ଓ
ପୁରୀବାସୀ
ଜଗା
ଦର୍ଶନ
କରିଥିଲେ
।
ଏହା
ପରେ
ଜାନୁଆରୀ
୩ରୁ
ସର୍ବସାଧାରଣଙ୍କ
ପାଇଁ
ମନ୍ଦିର
ଖୋଲାଯାଇଥିଲା
।
କିନ୍ତୁ
କୋଭିଡ
ନେଗେଟିଭ
ରିପୋର୍ଟ
ବାଧ୍ୟତାମୂଳକ
କରାଯାଇଥିଲା
।
ଯାହା
ପାଇଁ
ଅନେକ
ଭକ୍ତ
ଦୂରଦୁରାନ୍ତରୁ
ଆସି
ନିରାଶ
ହୋଇ
ଫେରୁଥିଲେ
।