ଆପଣ ନେଉଛନ୍ତି କି କରୋନା ଟିକା ? ଜାଣନ୍ତୁ, କେଉଁଠି ନେବେ ଟିକା ? କେମତି କରିବେ ପଞ୍ଜୀକରଣ ?

ତେବେ କେଉଁଠି ନେବେ ଟିକା, କେମିତି କରିବେ ପଞ୍ଜୀକରଣ । ଆପଣଙ୍କ ଏହି ସବୁ ପ୍ରଶ୍ନର ଉତ୍ତର ଦେବୁ ଆମେ...

corona vaccination in odisha: ଆଜିଠୁ ସାରା ଦେଶରେ ସାଧାରଣ ଲୋକଙ୍କୁ ଦିଆଯାଉଛି କରୋନା ଟିକା । ଦେଶରେ ପୁଣି କରୋନାର ନୂଆ ଷ୍ଟ୍ରେନ ଦେଖିବାକୁ ମିଳିଥିବା ବେଳେ ଆଜିଠୁ 2ୟ ପର୍ଯ୍ୟାୟ କରୋନା ଟିକାକରଣ ଆରମ୍ଭ ହୋଇଛି । ତେବେ ଓଡିଶାରେ ମଧ୍ୟ ଜାରି ରହିଛି ଟିକାକରଣ ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ନେଇଛନ୍ତି କରୋନା ଟିକା । ୬୦ ବର୍ଷରୁ ଅଧିକ ବୟସର ଲୋକେ ପରିଚୟପତ୍ର ଦେଖାଇ ଟିକା ନେଉଛନ୍ତି। ଉଭୟ ସରକାରୀ ଓ ପ୍ରାଇଭେଟ ହସ୍ପିଟାଲରେ ଟିକା ଦିଆଯିବ। ସେହିପରି ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ କରୋନା ଟିକା ନେଇଛନ୍ତି।

ତେବେ କେଉଁଠି ନେବେ ଟିକା, କେମିତି କରିବେ ପଞ୍ଜୀକରଣ । ଆପଣଙ୍କ ଏହି ସବୁ ପ୍ରଶ୍ନର ଉତ୍ତର ଦେବୁ ଆମେ...

କେଉଁଠି କରିବେ ପଞ୍ଜିକରଣ ?

1. COWIN ଆପରେ ପଞ୍ଜୀକରଣ କରି ପାରିବେ ।
2. ଆରୋଗ୍ୟ ସେତୁ ଆପରେ ମଧ୍ୟ ପଞ୍ଜୀକରଣ କରି ପାରିବେ ।
3. COWIN.GOV.IN ୱେବସାଇଟରେ ମଧ୍ୟ ପଞ୍ଜୀକରଣ କରି ପାରିବେ ।

ପଞ୍ଜିକରଣ ପରେ କ'ଣ ହେବ ?

1. ଅନଲାଇନ ପଞ୍ଜୀକରଣ ପରେ ମୋବାଇଲକୁ ଆସିବ ଓଟିପି ।
2. ମୋବାଇଲରେ ଓଟିପି ଦେଇ ଆକାଉଣ୍ଟ ତିଆରି କରିବେ ।
3. ଟିକା ନେବାକୁ ଥିବା ବ୍ୟକ୍ତିଙ୍କ ନାଁ, ବୟସ ଓ ଲିଙ୍ଗ ଦର୍ଶାଇବେ ।
4. କୌଣସି ଏକ ବୈଧ ପରିଚୟ ପତ୍ର ଦେବାକୁ ପଡିବ ।
5. ୪୫ ବର୍ଷରୁ ୫୯ବର୍ଷ ହୋଇଥିଲେ ରୋଗ ପ୍ରମାଣ ପତ୍ର ଦେବାକୁ ହେବ ।
6. ଦିଆଯାଇଥିବା ତାଲିକାରୁ ଆପଣଙ୍କ ନିକଟସ୍ଥ ଟିକାକରଣ କେନ୍ଦ୍ର ଚୟନ କରିପାରିବେ ।

ଟିକା କେନ୍ଦ୍ରକୁ କେଉଁ କାଗଜପତ୍ର ନେଇଯିବେ ?

1. ଟିକା କେନ୍ଦ୍ରକୁ ନିଜର ପରିଚୟ ପତ୍ର ନେବା ଅତ୍ୟନ୍ତ ଆବଶ୍ୟକ ।
2. ୪୫ରୁ ୫୯ ବର୍ଷର ଲୋକ ଜଟିଳ ରୋଗ ସଂପର୍କିତ ପ୍ରମାଣ ପତ୍ର ନେବେ ।

English summary

corona vaccination in odisha: Where to get the vaccine? How to register?