Odisha Train Accident Live: ଓଡ଼ିଶା ଟ୍ରେନ ଦୁର୍ଘଟଣାରେ ୨୮୮ ଛୁଇଁଲା ମୃତ୍ୟୁ ସଂଖ୍ୟା, ମାମଲା ରୁଜୁ କଲା CBI
Odisha Train Accident Live Update: ଓଡ଼ିଶାର ବାଲେଶ୍ୱର ବାହାନଗା ନିକଟରେ ଦୁଇ ଏକ୍ସପ୍ରେସ ଓ ଗୋଟିଏ ମାଲବାହୀ ଟ୍ରେନ୍ ଦୁର୍ଘଟଣାଗ୍ରସ୍ତ ହୋଇଛି । କରମଣ୍ଡଳ ଏକ୍ସପ୍ରେସ ଓ ବେଙ୍ଗଲୁରୁ ହାୱଡ଼ା ଏକ୍ସପ୍ରେସ ଦୁର୍ଘଟଣା ହୋଇଛି । ବାହାନଗା ନିକଟରେ ପ୍ରଥମେ ଲାଇନଚ୍ୟୁତ ହୋଇଥିଲା କରମଣ୍ଡଳ ଏକ୍ସପ୍ରେସ୍ । ପରେ ସେହି ବାଟେ ଆସୁଥିବା ବେଙ୍ଗଲୁରୁ-ହାୱଡ଼ା ଏକ୍ସପ୍ରେସ କରମଣ୍ଡଳକୁ ଧକ୍କା ଦେଇଥିଲା । ଉଭୟ ଏକ୍ସପ୍ରେସର ଅନେକ ବଗି ଓଲଟି ପଡ଼ିଛି । ଦୁର୍ଘଟଣାରେ ଅନେକ ଯାତ୍ରୀ ମୃତାହତ ହୋଇଛନ୍ତି । ଅନେକ ଯାତ୍ରୀ ଟ୍ରେନ୍ ତଳେ ଚାପିହୋଇ ମଧ୍ୟ ରହିଛନ୍ତି । ଉଦ୍ଧାର କାର୍ଯ୍ୟ ଜାରି ରହିଛି । ବାଲେଶ୍ୱର ଟ୍ରେନ୍ ଟ୍ରାଜେଡ଼ି (ଓଡ଼ିଶା ଟ୍ରେନ ଦୁର୍ଘଟଣା)ର ଟିକିନିକି ଲାଇଭ୍ ଅପଡେଟ୍ ପାଇବେ କେବଳ 'ୱାନଇଣ୍ଡିଆ ଓଡିଆ' ରେ...
ଭିଡିଓ
ପଶ୍ଚିମବଙ୍ଗ ସିଏମ୍ ମମତା ବାନାର୍ଜୀ ବାଲେଶ୍ୱର ଟ୍ରେନ୍ ଦୁର୍ଘଟଣାରେ ଆହତଙ୍କୁ ମେଦିନୀପୁରର ଡାକ୍ତରଖାନାରେ ଭେଟିଛନ୍ତି ।
#WATCH | West Bengal CM Mamata Banerjee meets the injured of #BalasoreTrainAccident who are admitted to a hospital in Paschim Medinipur. pic.twitter.com/pDPEwRT9jq
— ANI (@ANI) June 6, 2023
ଓଡ଼ିଶା ଟ୍ରେନ୍ ଦୁର୍ଘଟଣା
ଓଡିଶାର ମୁଖ୍ୟ ଶାସନ ସଚିବ ପ୍ରଦୀପ ଜେନା କହିଛନ୍ତି ଯେ, "ଯେଉଁମାନେ ରାସ୍ତା ଦେଇ ଶବ ସ୍ଥାନାନ୍ତର କରିବାକୁ ଚାହୁଁଛନ୍ତି ସେମାନଙ୍କ ପାଇଁ ରାଜ୍ୟ ସରକାର ଆମ୍ବୁଲାନ୍ସ ଯୋଗାଇ ଦେବେ । ମୃତଦେହ ସ୍ଥାନାନ୍ତର ପାଇଁ ଆମେ ସମସ୍ତ ଖର୍ଚ୍ଚ ବହନ କରିବୁ ଏବଂ ରେଳବାଇ ମାଧ୍ୟମରେ ସେହି ସଂସ୍ଥାଗୁଡ଼ିକୁ ସ୍ଥାନାନ୍ତର କରିବା ପାଇଁ ଆମର ବ୍ୟବସ୍ଥା ଅଛି। ଅଜ୍ଞାତ ବ୍ୟକ୍ତିଙ୍କ ପାଇଁ ଆମେ ଡିଏନ୍ଏ ନମୁନା ସଂଗ୍ରହ କରିବୁ । ସଂସ୍ଥା। ପ୍ରଭାବିତ ପରିବାର ପ୍ରତି କୌଣସି ଅସୁବିଧା ନହେବା ପାଇଁ ରାଜ୍ୟ ସରକାର କାର୍ଯ୍ୟ କରୁଛନ୍ତି ।"
ଭୁବନେଶ୍ୱର AIIMSରେ ଆଉ ୫୨ ମୃତଦେହ ରହିଛି
ଭୁବନେଶ୍ୱର AIIMSରେ ଆଉ ୫୨ ମୃତଦେହ ରହିଥିବା କହିଲେ ଏମ୍ସ କାର୍ଯ୍ୟନିର୍ବାହୀ ନିର୍ଦ୍ଦେଶକ ଆଶୁତୋଷ ବିଶ୍ୱାସ । ଭୁବନେଶ୍ୱର AIIMSକୁ ମୋଟ ୧୨୩ଟି ମୃତଦେହ ଆସିଥିଲା । ୭୧ଟି ମୃତଦେହକୁ ଚିହ୍ନଟ କରାଯାଇ ପରିବାରକୁ ହସ୍ତାନ୍ତର ହୋଇଛି । ଆଉ ୫୨ଟି ମୃତଦେହ ରହିଛି, DNA ସାମ୍ପଲ ନିଆଯାଇଛି । ପରିବାର, ନିକଟ ସଂପର୍କୀୟ ଆସିଲେ DNA ମ୍ୟାଚିଂ କରାଯାଉଛି ।
READ MORE
Click it and Unblock the Notifications
Sign in with Google