ସୋସିଆଲ ମିଡିଆ ପୋଷ୍ଟକୁ ନେଇ ବିବାଦ: ଧାମନଗରରେ ଲାଗିଲା ୧୬୩ ଧାରା, ବନ୍ଦ ହେଲା ଇଣ୍ଟରନେଟ୍ ସେବା
Bhadrak News: ସୋସିଆଲ ମିଡିଆ ପୋଷ୍ଟକୁ ନେଇ ସୃଷ୍ଟି ହେଲା ବିବାଦ । ଭଦ୍ରକରେ ତୁମୁଳକାଣ୍ତ ପରେ ଧାମନଗରରେ ଅନିର୍ଦ୍ଦିଷ୍ଟ କାଳ ପାଇଁ ଲାଗିଲା ୧୬୩ ଧାରା । ଅନ୍ୟପଟେ ସହରରେ ଶାନ୍ତି ଫେରାଇ ଆଣିବା ପାଇଁ ପୋଲିସ ଓ ପ୍ରଶାସନ ପକ୍ଷରୁ ଉଦ୍ୟମ ଜାରି ରହିଛି । ଭଦ୍ରକ ସହରରେ ୧୦ ପ୍ଲାଟୁନ୍ ପୋସିଲ ଫୋର୍ସ ମୁତୟନ ହେବା ସହ ଅନେକ ଅଫିସର ନିୟୋଜିତ ଅଛନ୍ତି । ସେହିପରି ବନ୍ଦ ହେଲା ଇଣ୍ଟରନେଟ୍ ସେବା ।
ତେବେ କୌଣସି ମିଥ୍ୟା ଗୁଜବ ନ ଶୁଣି ବା ମିଥ୍ୟା ସୋସିଆଲ ମିଡିଆ ପୋଷ୍ଟ ଉପରେ ବିଶ୍ୱାସ ନ କରିବା ପାଇଁ ଏବଂ ଶାନ୍ତି ବଜାୟ ରଖିବାକୁ ବାଲେଶ୍ୱର ଡିଆଇଜି ଅପିଲ କରିଛନ୍ତି । ତେବେ ଏକ ସୋସିଆଲ ମିଡିଆ ପୋଷ୍ଟକୁ ନେଇ ବିରୋଧୀ ଗୋଷ୍ଠୀ ଓ ପୋଲିସ ମୁହାଁମୁହିଁ ହୋଇଛନ୍ତି । ରାଲି କରି ଯାଉଥିବା ବେଳେ ପୋଲିସ ଅଟକାଇବାରୁ କିଛି ଯୁବକ ପୋଲିସ ଉପରେ ଆକ୍ରମଣ କରିଥିଲେ । ଏଥିରେ ଜଣେ ପୋଲିସ ଏସଆଇଙ୍କ ସମେତ ଅନ୍ୟ ଜଣେ ପୋଲିସ କର୍ମଚାରୀ ଆହତ ହୋଇଛନ୍ତି । ଏପରିକି ପୋଲିସ ଗାଡ଼ି ଓ ତହସିଲଦାର ଗାଡ଼ିକୁ ମଧ୍ୟ ଭଙ୍ଗାରୁଜା କରାଯାଇଛି ।
ସେହିପରି ପୋଲିସ ଡିଆଇଜି କହିଛନ୍ତି, ବିବାଦୀୟ ପୋଷ୍ଟର ସାଇବର ସେଲ୍ ତଦନ୍ତ କରାଯିବ । ହେଲେ ପୋଲିସ ଉପରେ ଆକ୍ରମଣ କରିଥିବା ବ୍ୟକ୍ତିଙ୍କୁ ଛଡାଯିବ ନାହିଁ । ସେ ଆହୁରି କହିଛନ୍ତି, ସୋସିଆଲ ମିଡିଆରେ ଏକ ବିବାଦୀୟ ପୋଷ୍ଟ କରିଥିବା ବ୍ୟକ୍ତିଙ୍କୁ ଗିରଫ କରିବା ଦାବି କରି ରାଲି ଆରମ୍ଭ ହୋଇଥିଲା । ଯେଉଁ ସମୟରେ ପୋଲିସ ଓ ବିକ୍ଷୋଭକାରୀ ମୁହାଁମୁହିଁ ହୋଇଥିଲେ । ସ୍ଥିତି ନିୟନ୍ତ୍ରଣ କରିବା ପାଇଁ ଲାଠିଚାର୍ଜ କରାଯାଇଥିଲା । ଏହି ଘଟଣାରେ ୯ ଜଣଙ୍କୁ ଅଟକ ରଖାଯାଇଛି ।
Click it and Unblock the Notifications
Sign in with Google