ଆଗେଇ ଚାଲିଛି ରଥ ନିର୍ମାଣ କାର୍ଯ୍ୟ: ପ୍ରଥମ ଭୂଇଁର 3 ରଥରେ ଉଠିଛି 6 କାଠ
ଆଉ ମାତ୍ର ଦିନ କେତେଟା ପରେ ମହାପ୍ରଭୁ ଜଗନ୍ନାଥଙ୍କ ବିଶ୍ବ ପ୍ରସିଦ୍ଧ ରଥଯାତ୍ରା। ଏଥିପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ରଥଖଳାରେ ସୁରୁଖୁରୁରେ ଆଗେଇ ଚାଲିଛି ତିନି ରଥର ନିର୍ମାଣ କାର୍ଯ୍ୟ । ତିନି ରଥରେ ପ୍ରଥମ ଭୂଇଁର 6 କାଠ ଉଠି ସାରିଛି ।
ପୁରୀ: ଆଉ ମାତ୍ର ଦିନ କେତେଟା ପରେ ମହାପ୍ରଭୁ ଜଗନ୍ନାଥଙ୍କ ବିଶ୍ବ ପ୍ରସିଦ୍ଧ ରଥଯାତ୍ରା। ଏଥିପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ରଥଖଳାରେ ସୁରୁଖୁରୁରେ ଆଗେଇ ଚାଲିଛି ତିନି ରଥର ନିର୍ମାଣ କାର୍ଯ୍ୟ । ତିନି ରଥରେ ପ୍ରଥମ ଭୂଇଁର 6 କାଠ ଉଠି ସାରିଛି । ଦ୍ଵିତୀୟ ଓ ତୃତୀୟ ଭୂଇଁ ପାଇଁ କାର୍ଯ୍ୟ ଶେଷ ହୋଇଛି । 14 ନାହାକ ନିର୍ମାଣ କାର୍ଯ୍ୟ ମଧ୍ୟ ଶେଷ ହୋଇଛି। 196 ମହାରଣା ସେବକ, ଭୋଇ ସେବକ, କରତି ସେବକ, ରୂପକାର ଓ କମାର ସେବକ ରଥ ନିର୍ମାଣ କାର୍ଯ୍ୟରେ ନିୟୋଜିତ ହୋଇଛନ୍ତି।
ସ୍ନାନ ପୂର୍ଣ୍ଣିମା ତିଥିରେ ତିନି ରଥରେ 14 ନାହାକ ପାଇଁ ମାପଚୁପ କରାଯାଇଥିଲା । 6ଟି ଓରା ସମେତ 4 ଗୋଟି ଖମି ସଂଯୋଗ କରାଯାଇଥିଲା । ଏହାଛଡା ଭୂଇଁର ପ୍ରଥମ ଭାଗରେ କନକମୁଣ୍ଡି ସଂଯୋଗ ପାଇଁ କାର୍ଯ୍ୟ ଆରମ୍ଭ ହୋଇଥିଲା । ତିନିରଥରେ 8ଟି ଲେଖାଏଁ ଗାରେଡି ଏବଂ 4ଟି ଲେଖାଏଁ ଅଁଳା ନିର୍ମାଣ ଶେଷ ହୋଇଥିଲା। ରୂପକାର ସେବକ ରଥର ସିଂହାସନରେ କୁମ୍ଭ, ଡାଳିଲତା ଓ ପଦ୍ମପାଖୁଡା ଖୋଦେଇ କରୁଛନ୍ତି। ନାଟଗୋଡ ଗୁଡିକରେ ଗନ୍ଧର୍ବ ରୂପ ଖୋଦେଇ କରାଯାଉଛି । ଅସ୍ଥାୟୀ କମାରଶାଳରେ ଓଝା ସେବକମାନେ ବିଡ଼ିଆ କଣ୍ଟା ଓ ଫାନ୍ଦକଣ୍ଟା ପ୍ରସ୍ତୁତ କରୁଛନ୍ତି।
Click it and Unblock the Notifications
Sign in with Google