Cold Wave Return: ୧୦ ଡିଗ୍ରୀ ତଳେ ରାଜ୍ୟର ୮ ସହର

Odisha News: ରାଜ୍ୟରେ ଫେରିଲା ଶୀତ । ଓଡ଼ିଶାରେ ସର୍ବନିମ୍ନ ତାପମାତ୍ରା ୨ ରୁ ୪ ଡିଗ୍ରୀ ହ୍ରାସ ପାଇବା ନେଇ ଆକଳନ କରିଛି ପାଣିପାଗ ବିଭାଗ । ୪ ତାରିଖ ଯାଏଁ ରାଜ୍ୟର କିଛି କିଛି ସ୍ଥାନରେ ୧୦ ଡିଗ୍ରୀ ତଳକୁ ଖସିବାର ସମ୍ଭାବନା ରହିଛି । ଟ୍ୱିନ୍ ସିଟିରେ ମଧ୍ୟ ଆଜି ଶୀତ ଅନୁଭୂତ ହୋଇଛି । ତେବେ ବର୍ଷର ସବୁଠୁ ଥଣ୍ତା ସହର ରାଉରକେଲାରେ ରେକର୍ଡ କରାଯାଇଛି । ଯେଉଁଠି ତାପମାତ୍ରା ୭ ଡିଗ୍ରୀ ରହିଥିଲା ।

ସେହିପରି ଝାରସୁଗୁଡ଼ା ୮, କେନ୍ଦୁଝରରେ ୯.୫, ସୁନ୍ଦରଗଡ଼ରେ ୯.୭, ଫୁଲବାଣୀରେ ୯.୫ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ସେହିପରି ଅନୁଗୁଳ ଓ ସୋନପୁରରେ ୧୦ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ସେହିପରି ଭୁବନେଶ୍ୱରର ତାପମାତ୍ରା ୧୩.୨ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିବା ବେଳେ କଟକରେ ରହିଛି ୧୩ ଡିଗ୍ରୀ ତାପମାତ୍ରା ।