ରାଜ୍ୟରେ ଜାରି ରହିଛି ଶୀତ ଲହରି, ସୁନ୍ଦରଗଡ଼ର କିରେଇ ସବୁଠୁ ଥଣ୍ଡା ସ୍ଥାନ
ଭୁବନେଶ୍ୱର:ରାଜ୍ୟରେ ଶୀତ ପ୍ରକୋପ ଜାରି ରହିଛି । ତଳ ମୁହାଁ ହେବାରେ ଲାଗିଛି ପାରଦ । ପ୍ରବଳ ଥଣ୍ଡାରେ ଥରୁଛି ସାରା ଓଡ଼ିଶା । ବିଳମ୍ବରେ ହେଉ ପଛେ, ସାରା ରାଜ୍ୟରେ ଶୀତର ପ୍ରକୋପ ଅନୁଭୂତ ହୋଇଛି । ସକାଳ ବେଳା ରାଜ୍ୟର ଅଧିକାଂଶ ଅଞ୍ଚଳରେ କୁହୁଡ଼ି ଅନୁଭୂତ ହେଉଥିବା ବେଳେ ସନ୍ଧ୍ୟା ବେଳେ ଭୀଷଣ ଜାଡ଼ ମାଡ଼ିଆସୁଛି ।
କୋହଲା ପବନ ସାଙ୍ଗକୁ ତାପମାତ୍ରାରେ ଅଚାନକ ହ୍ରାସ କାରଣରୁ ଶନିବାର ରାଜ୍ୟବାସୀ ଶୀତରେ ଥରିଛନ୍ତି । ୬ ସହରର ରାତି ତାପମାତ୍ରା ୧୦ ଡିଗ୍ରୀ ତଳେ ରହିଛି । ଅନେକ ସହରର ତାପମାତ୍ରା ୧୫ ଡିଗ୍ରୀଠାରୁ କମ୍ ଅଛି । ସୁନ୍ଦରଗଡ଼ କିରେଇରେ ସବୁଠୁ ଥଣ୍ଡା ସ୍ଥାନ ହୋଇଥିବା ବେଳେ ଏଠାରେ ସର୍ବନିମ୍ନ ତାପମାତ୍ରା ୮.୩ ଡିଗ୍ରୀ ରେକର୍ଡ କରାଯାଇଚି ।
ଦ୍ୱିତୀୟରେ ୮.୪ ଡିଗ୍ରୀ ସହ ରହିଛି କନ୍ଧମାଳର ଜି. ଉଦୟଗିରି । ସେହିପରି ଫୁଲବାଣୀରେ ୮.୫ଡିଗ୍ରୀ, କୋରାପୁଟରେ ୯.୫ଡିଗ୍ରୀ, ଭଦ୍ରକର ରାଣୀତାଲରେ ୯.୬ଡିଗ୍ରୀ, ରାଉରକେଲାରେ ୯.୮ଡିଗ୍ରୀ ରହିଛି । ସେହିପରି ସମ୍ୱଲପୁର ଚିପିଲିମା, ଅନୁଗୋଳ, କେନ୍ଦୁଝର, ସୁନ୍ଦରଗଡ଼, କନ୍ଧମାଳର ଦାରିଙ୍ଗିବାଡ଼ିରେ ୧୦ଡିଗ୍ରୀ ରେକର୍ଡ କରାଯାଇଛି । ଝାରସୁଗୁଡ଼ାରେ ତାପମାତ୍ରା ୧୦.୨ଡିଗ୍ରୀ ରହିଛି ।
Click it and Unblock the Notifications
Sign in with Google