ଓଡିଆରେ ଗୀତ ଗାଇବା ପାଇଁ ଗ୍ରାମୀ ପୁରସ୍କାର ବିଜେତା ରିକି ଜି. କେଜଙ୍କୁ ଅନୁରୋଧ କଲେ ମୁଖ୍ୟମନ୍ତ୍ରୀ
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଥିରେ ଭିସି ଯୋଗେ ଯୋଗ ଦେଇଥିଲେ । ଡକ୍ଟର ରିକି ଜି କେଜଙ୍କୁ ତାଙ୍କ ସଙ୍ଗୀତ ମାଧ୍ୟମରେ ପରିବେଶ ପ୍ରତି ପ୍ରଶଂସନୀୟ କାର୍ଯ୍ୟ ପାଇଁ ପ୍ରଶଂସା କରିଥିଲେ। ସେ ତାଙ୍କୁ ଓଡିଆରେ ଗୀତ ଗାଇବାକୁ ଅନୁରୋଧ କରିଥିଲେ।
ଭୁବନେଶ୍ୱର: ଓଡ଼ିଶା ଲୋକସେବା ଭବନର ସମ୍ମିଳନୀ କକ୍ଷରେ ଆଜି (ସୋମବାର) 25 ତମ ଓଡିଶା ନଲେଜ୍ ହବ୍ ଲେକ୍ଚର୍ ସିରିଜ୍ ଆୟୋଜିତ ହୋଇଯାଇଛି । ଏଥିରେ ଯୋଗ ଦେଇ ଦୁଇଥର ଗ୍ରାମୀ ପୁରସ୍କାର ବିଜେତା ଭାରତୀୟ ସଂଗୀତଜ୍ଞ ତଥା ପରିବେଶବିତ୍ତ ଡକ୍ଟର ରିକି ଜି. କେଜ୍ "ମାଇଁ ଆର୍ଥ ସଙ୍ଗ" ଉପରେ ନିଜର ବାର୍ତ୍ତା ପ୍ରଦାନ କରିଛନ୍ତି ।
ସୂଚନାଥାଉ କି, ଜାନୁଆରୀ, 2016 ଠାରୁ ବିଭିନ୍ନ କ୍ଷେତ୍ରରେ ନୂତନ ତଥା ଉଦୀୟମାନ ଚିନ୍ତାଧାରାକୁ ପ୍ରୋତ୍ସାହିତ କରିବା ପାଇଁ ରାଜ୍ୟ ସରକାର ଓଲିଶା ନଲେଜ୍ ହବ୍ (ଓକେଏଚ୍) ଲେକ୍ଚର ସିରିଜ୍ ଆୟୋଜନ କରି ଆସୁଛନ୍ତି ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଥିରେ ଭିସି ଯୋଗେ ଯୋଗ ଦେଇଥିଲେ । ଡକ୍ଟର ରିକି ଜି କେଜଙ୍କୁ ତାଙ୍କ ସଙ୍ଗୀତ ମାଧ୍ୟମରେ ପରିବେଶ ପ୍ରତି ପ୍ରଶଂସନୀୟ କାର୍ଯ୍ୟ ପାଇଁ ପ୍ରଶଂସା କରିଥିଲେ। ସେ ତାଙ୍କୁ ଓଡିଆରେ ଗୀତ ଗାଇବାକୁ ଅନୁରୋଧ କରିଥିଲେ। ମାନ୍ୟବର ମନ୍ତ୍ରୀ, କୃଷି ଏବଂ କୃଷକ ସଶକ୍ତିକରଣ, ମାନ୍ୟବର ମନ୍ତ୍ରୀ, ଯୋଜନା ଏବଂ ସମ୍ମିଶ୍ରଣ, ଅଧ୍ୟକ୍ଷ ଓଡ଼ିଶା ଦକ୍ଷତା ବିକାଶ ପ୍ରାଧିକରଣ, ମାନ୍ୟବର ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା, ମୁଖ୍ୟ ଶାସନ ସଚିବ ଏବଂ ରାଜ୍ୟର ବରିଷ୍ଠ ଅଧିକାରୀମାନେ ଏହି ସମ୍ମିଳନୀରେ ଉପସ୍ଥିତ ଥିଲେ। ଶିକ୍ଷା, କଳା, ସଂସ୍କୃତି, ସାହିତ୍ୟ, ନୃତ୍ୟ ଏବଂ ସଙ୍ଗୀତ କ୍ଷେତ୍ରର ବିଶିଷ୍ଟ ବ୍ୟକ୍ତିତ୍ୱମାନେ ଏଥିରେ ଯୋଗ ଦେଇଥିଲେ ।
ଅନ୍ୟପଟେ ଡକ୍ଟର କେଜ୍ ଓଡିଶାର ସୌନ୍ଦର୍ଯ୍ୟ ଏବଂ ମହାନତାକୁ ପ୍ରଶଂସା କରିଥିଲେ । ତାଙ୍କର ସଂଗୀତ କ୍ୟାରିୟରର ଯାତ୍ରା ଏବଂ ତାଙ୍କ ସଙ୍ଗୀତ ପ୍ରକୃତି ସହିତ କିପରି ଜଡିତ ତାହା ବିଷୟରେ ବର୍ଣ୍ଣନା କରିଥିଲେ। ଜଣେ ପରିବେଶବିତ୍ ଭାବରେ ସେ ବଣୁଆ ଜନ୍ତୁ ଏବଂ ସେମାନଙ୍କ ବାସସ୍ଥାନକୁ ବଞ୍ଚାଇବା ଦିଗରେ ସଚେତନ ଉଦ୍ୟମ କରିଛନ୍ତି । ଜଳବାୟୁ ପରିବର୍ତ୍ତନ ଉପରେ ସେ ନିଜର ଅଭିଜ୍ଞତା ବାଣ୍ଟିଥିଲେ ଏବଂ କିରିବାଟି ଦ୍ୱୀପ ଦେଶର ଉଦାହରଣ ଦେଇଥିଲେ ।
ସେ କହିଥିଲେ ଯେ, ସଂଗୀତ ଲୋକମାନଙ୍କର ଭାବପ୍ରବଣତାକୁ ସ୍ପର୍ଶ କରେ । ବିଶେଷକରି ଯୁବକ ଏବଂ ଭାବପ୍ରବଣ ମନ ଏବଂ ସମସ୍ତ ଜୀବଙ୍କ ପ୍ରତି ସେମାନଙ୍କର ମନୋଭାବ ପରିବର୍ତ୍ତନ କରେ । ସେହି ଅନୁଯାୟୀ, ଜଳବାୟୁ ପରିବର୍ତ୍ତନ, ପରିବେଶ ସଂରକ୍ଷଣ, ସ୍ଥାୟୀ ଏବଂ ଦାୟିତ୍ୱପୂର୍ଣ୍ଣ ବିକାଶ ବିଷୟରେ ସଚେତନତା ସୃଷ୍ଟି କରିବା ପାଇଁ ସେ କେବଳ ନିଜ ସଙ୍ଗୀତ ପାଇଁ କାର୍ଯ୍ୟ କରିବାକୁ ଉତ୍ସର୍ଗ କରିଛନ୍ତି।
Click it and Unblock the Notifications
Sign in with Google