ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ଏହି ସବୁ ବିଭାଗରେ ଖୁବ୍‌ଶୀଘ୍ର ହେବ ୧୨୦୦୦ ନିଯୁକ୍ତି

ପୂରଣ ହେବ ଖାଲି ପଦବୀ। ଦିଲ୍ଲୀରେ ସ୍ୱରାଷ୍ଟ୍ର ମନ୍ତ୍ରୀଙ୍କୁ ଭେଟିଲା ପରେ ମୁଖ୍ୟମନ୍ତ୍ରୀଙ୍କ ସୂଚନା, ଦିଲ୍ଲୀ ଗସ୍ତରେ ଅଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଆଉ ଦିଲ୍ଲୀରେ ଅମିତ୍ ଶାହଙ୍କୁ ଭେଟିବା ପରେ ଏନେଇ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ। ମୁଖ୍ୟମନ୍ତ୍ରୀ କହିଛନ୍ତି- ଆଇନଶୃଙ୍ଖଳା ଓ ଅନ୍ୟାନ୍ୟ ପ୍ରସଙ୍ଗରେ ଆଲୋଚନା ହୋଇଛି। ଆଇନଶୃଙ୍ଖଳାକୁ ଅଧିକ ଗୁରୁତ୍ୱ ଦେବା ଉପରେ ଫୋକସ୍ ହୋଇଛି। ତ୍ୱରିତ ନ୍ୟାୟ ପ୍ରଦାନ କରିବା ଉପରେ ଆଲୋଚନା ହୋଇଛି। ସାଇବର କ୍ରାଇମ ନିୟନ୍ତ୍ରଣ ପାଇଁ ଗୁରୁତ୍ୱାରୋପ ଦିଆଯାଇଛି।

ଏହାସହ ଆଇନଶୃଙ୍ଖଳା ସହ ଜଡ଼ିତ ଖାଲି ପଦବୀ ସବୁ ପୂରଣ ହେବାନେଇ ଆଲୋଚନା ହୋଇଛି। ଖୁବଶୀଘ୍ର ଖାଲିଥିବା ୧୨ ହଜାର ପଦବୀ ପୂରଣ ହେବ। ଟ୍ରାଫିକ ସମସ୍ୟା, ସାଇବର ଅପରାଧ କମ୍ ପାଇଁ ମଧ୍ୟ ଆଲୋଚନା ହୋଇଛି। ନକ୍ସଲ ସମସ୍ୟା କମିଛି, କେବଳ ୧୦ଟି ଜିଲ୍ଲାରେ ଅଳ୍ପ ରହିଛି ବୋଲି କହିଛନ୍ତି ମୋହନ।

"ପୂର୍ବ ସରକାରଙ୍କ ସମୟରେ ଗୃହ ବିଭାଗର ଅଧିକାରୀମାନଙ୍କ ସମେତ ପୋଲିସ କର୍ମଚାରୀଙ୍କ ଅନେକ ଖାଲି ପଦବୀ ପୂରଣ କରିବାରେ ଅଭାବ ଥିଲା। ଆମ ସରକାର କ୍ଷମତାକୁ ଆସିବା ପରେ ଖାଲି ପଦବୀ ପୂରଣକୁ ତ୍ୱରାନ୍ୱିତ କରିବାକୁ ନିଷ୍ପତ୍ତି ନେଇଛି," ମୁଖ୍ୟମନ୍ତ୍ରୀ କହିଛନ୍ତି। "ଆମେ ପ୍ରାୟ ୧୨,୦୦୦ ଖାଲି ପଦବୀ ପୂରଣ କରିବାକୁ ଯାଉଛୁ।

ଖାଲି ପଦବୀଗୁଡ଼ିକ ମଧ୍ୟରେ ଓଡ଼ିଶା ସ୍ପେଶାଲ୍ ଷ୍ଟ୍ରାଇକିଂ ​​ଫୋର୍ସ (OSSF) (୩,୦୦୩ ପଦବୀ), ଓଡ଼ିଶା ଶିଳ୍ପ ସୁରକ୍ଷା ବାହିନୀ (OISF) (୩,୦୦୦ ପଦବୀ), ଟ୍ରାଫିକ୍ ପୋଲିସ (୨,୦୦୦ ପଦବୀ), ହୋମଗାର୍ଡ (୫,୦୦୦ ପଦବୀ), ପ୍ରସିକ୍ୟୁସନ୍ କ୍ୟାଡର (୨୬୭ ପଦବୀ), ଫରେନ୍ସିକ (୨୫୪ ପଦବୀ) ଏବଂ ଅନ୍ୟାନ୍ୟ ପଦବୀ ଅନ୍ତର୍ଭୁକ୍ତ," ମୁଖ୍ୟମନ୍ତ୍ରୀ ସାମ୍ବାଦିକ ମାନଙ୍କୁ କହିଛନ୍ତି।