ପ୍ରକାଶ ପାଇଲା ଯୁକ୍ତ ୨ ରେଜଲ୍ଟ, ଝିଅଙ୍କ ପାସ୍ ହାର ୮୫.୬୭ ପ୍ରତିଶତ

Updated: Wednesday, May 31, 2023, 13:19 [IST]

ଭୁବନେଶ୍ୱର: ପ୍ରକାଶ ପାଇଲା ଯୁକ୍ତ ୨ ବିଜ୍ଞାନ ଓ ବାଣିଜ୍ୟ ରେଜଲ୍ଟ । CHSE କାର୍ଯ୍ୟାଳୟରେ ବିଧିବଦ୍ଧ ଭାବେ ପ୍ରକାଶ ପାଇଲା +2 ପରୀକ୍ଷା ଫଳ । ରେଜଲ୍ଟ ଘୋଷଣା କଲେ ଗଣ ଶିକ୍ଷା ମନ୍ତ୍ରୀ ସୁଦାମ ମାର୍ଣ୍ତି । ଯୁକ୍ତ ଦୁଇ ବିଜ୍ଞାନରେ ପାସ୍ ହାର ୮୪.୯୩ ପ୍ରତିଶତ । ସେହିପରି ଯୁକ୍ତ ଦୁଇ ବାଣିଜ୍ୟରେ ପାସ୍ ହାର ୮୧.୧୨ ପ୍ରତିଶତ ରହିଛି ।

ଛାତ୍ରଛାତ୍ରୀ ମାନେ orissaresults.nic.in ଏବଂ chseodisha.nic.in ୱେବସାଇଟ୍ ଜରିଆରେ ନିଜର ଫଳାଫଲଳ ଜାଣିପାରିବେ ।

ସୂଚନାଥାଉ ଯେ, ଚଳିତ ବର୍ଷ ବିଜ୍ଞାନରେ ପରୀକ୍ଷା ଦେଇଥିବା ଛାତ୍ରଛାତ୍ରୀଙ୍କ ସଂଖ୍ୟା ୯୩,୭୩୪ । ସେଥିମଧ୍ୟରୁ ୭୮, ୯୩୮ ଜଣ ପାସ୍ କରିଛନ୍ତି । ଯାହା ମଧ୍ୟରୁ ପ୍ରଥମ ଶ୍ରେଣୀରେ ୩୯,୫୭୩ ପରୀକ୍ଷାର୍ଥୀ ଉତ୍ତୀର୍ଣ୍ଣ ହୋଇଥିବା ବେଳେ ଦ୍ୱିତୀୟ ଶ୍ରେଣୀରେ ୨୪,୨୫୭ ଓ ତୃତୀୟ ଶ୍ରେଣୀରେ ୧୪,୮୫୨ ଜଣ ପାସ କରିଛନ୍ତି । ତେବେ ବାଣିଜ୍ୟରେ ମୋଟ୍ ୨୪,୦୮୨ ପରୀକ୍ଷାର୍ଥୀ ପରୀକ୍ଷା ଦେଥିଲେ ଯାହା ମଧ୍ୟରେ ୧୯,୫୩୬ ଜଣ ପାସ୍ କରିଛନ୍ତି ।

ଚଳିତବର୍ଷ ମୋଟ 3 ଲକ୍ଷ 57 ହଜାର 942 ଛାତ୍ରଛାତ୍ରୀ ବିଜ୍ଞାନ, କଳା ଓ ବାଣିଜ୍ୟ ବିଭାଗରେ ପରୀକ୍ଷା ଦେଇଛନ୍ତି । ଏଥିରେ 1 ଲକ୍ଷ 73 ହଜାର 534 ଜଣ ଛାତ୍ର ଥିବା ବେଳେ, ଛାତ୍ରୀଙ୍କ ସଂଖ୍ୟା ରହିଛି 1 ଲକ୍ଷ 84 ହଜାର 408 । କଳାରେ 2 ଲକ୍ଷ 29 ହଜାର 110 ଛାତ୍ରଛାତ୍ରୀ, ବିଜ୍ଞାନରେ 91 ହଜାର 378 ଏବଂ ବାଣିଜ୍ୟରେ 23 ହଜାର 148 ଜଣ ପିଲା ପରୀକ୍ଷା ଦେଇଛନ୍ତି । ଏଥି ପାଇଁ ରାଜ୍ୟରେ ମୋଟ୍ 1145 ଟି ପରୀକ୍ଷା କେନ୍ଦ୍ର ଏବଂ 202 ଟି ହବ୍ କରାଯାଇଥିଲା ।