କରୋନାକୁ ଭୟ କରନ୍ତୁ ନାହିଁ, ନିଜ ସୁରକ୍ଷା ପାଇଁ ମାସ୍କ ପିନ୍ଧନ୍ତୁ

Updated: Wednesday, December 28, 2022, 19:00 [IST]

ଭୁବନେଶ୍ୱର: ବିଶ୍ୱରେ ଚିନ୍ତା ବଢାଉଛି କରୋନା । ଓଡ଼ିଶାରେ ନିୟନ୍ତ୍ରଣରେ ରହିଛି କୋଭିଡ୍ ସ୍ଥିତି । ଭାରତରେ ଏବେ ଶହେରୁ ୨ ଶହ ଭିତରେ କରୋନା ଆକ୍ରାନ୍ତ ସଂଖ୍ୟା ରହୁଥିବା ବେଳେ ଓଡ଼ିଶାରେ ପ୍ରତିଦିନ ୫ ରୁ ୭ ଭିତରେ ଚିହ୍ନଟ ହେଉଛନ୍ତି କୋଭିଟ୍ ପଜିଟିଭ୍ । ଗତ ତିନି ମାସ ଧରି ଓଡ଼ିଶାରେ କେସ୍ ରେଟ୍ କମ ରହିଛି । ଜାତୀୟ ସ୍ଥର ତୁଳନାରେ ଓଡ଼ିଶାରେ ଏଧିକ ଟେଷ୍ଟିଂ ହେଉଛି । ପ୍ରତିଦିନ ପ୍ରାୟ ୬ ହଜାରରୁ ୭ ହଜାର ଲୋକଙ୍କ ଟେଷ୍ଟିଂ ହେଉଛି ବୋଲି ଆଜି ପ୍ରେସମିଟରେ ସୂଚନା ଦେଇଛନ୍ତି ସ୍ୱାସ୍ଥ୍ୟ ସଚିବ
ଶାଳିନୀ ପଣ୍ତିତ ।

ରାଜ୍ୟରେ ୯୦ ପ୍ରତିଶତରୁ ଅଧିକ ଲୋକ ଦୁଇଟି ଡୋଜ୍ ଟିକା ନେଇ ସାରିଛନ୍ତି । କରୋନାକୁ ନେଇ ବର୍ତ୍ତମାନ ଚିନ୍ତିତ ହେବା ଆବଶ୍ୟକ ନାହିଁ । ଯଦି ଗହଳି ସ୍ଥାନକୁ ଯାଉଛନ୍ତି ତେବେ ନିଜ ସୁରକ୍ଷା ପାଇଁ ମାସ୍କ ପିନ୍ଧନ୍ତୁ । ହେଲେ ବର୍ତ୍ତମାନ ରାଜ୍ୟରେ କରୋନା କଟକଣା ସମ୍ପୁର୍ଣ୍ଣନ ଉଠି ଯାଇଛି । ତେବେ କରୋନା BF.7 ଭାରିଏଣ୍ଟ ଓଡ଼ିଶା ଏବଂ ଭାରତରେ ଗତ ୩ରୁ ୪ ମାସ ଧରି ରହିଛି । ହେଲେ ଏହା ଦ୍ୱାରା ସଂକ୍ରମଣ ହାର ବୃଦ୍ଧି ପାଉ ନାହିଁ ବୋଲି କହିଛନ୍ତି ସ୍ୱାସ୍ଥ୍ୟ ସଚିବ । ସେହିପରି ଓଡ଼ିଶାର ପ୍ରତ୍ୟେକ ଡାକ୍ତରଖାନାରେ ଟେଷ୍ଟିଂ କିଟ୍, ଔଷଧ, ଅକ୍ସିଜେନ୍ ଯଥେଷ୍ଟ ପରିମାଣରେ ମହଜୁଦ ରହିଛି ।