ନିର୍ଦ୍ଧାରିତ ସମୟରେ ମିଳୁନି ସାର, କେନ୍ଦ୍ରକୁ ଚିଠି ଲେଖିଲେ ମୁଖ୍ୟମନ୍ତ୍ରୀ

Naveen Patnaik: Chief Minister Writes To Centre For Irregular Timings Of Fertilizer Availability . ନିର୍ଦ୍ଧାରିତ ସମୟରେ ମିଳୁନି ସାର, କେନ୍ଦ୍ରକୁ ଚିଠି ଲେଖିଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ନିର୍ଦ୍ଧାରିତ ସମୟରେ ରାଜ୍ୟକୁ ମିଳୁନି ସାର । ବର୍ଷା ପରେ ଏବେ ରାଜ୍ୟରେ ସାରକୁ ନେଇ ଟେନ୍‌ସନ୍‌ । ଚାଷୀମାନଙ୍କୁ ଏବେ ସାର ଚିନ୍ତା । କାରଣ କେନ୍ଦ୍ର ପକ୍ଷରୁ ଧାର୍ଯ୍ୟ ସମୟରେ ରାଜ୍ୟକୁ ମିଳୁ ନାହିଁ ସାର । ଜୁଲାଇ ଶେଷ ସୁଦ୍ଧା ରାଜ୍ୟକୁ ମାତ୍ର ୪୭ ହଜାର ମେଟ୍ରିକ ଟନ ଡିଏପି ଏବଂ ୧ ହଜାର ମେଟ୍ରିକ ଟନ ଏମଓପି ସାର ମିଳିଛି ।

ତେବେ ଓଡିଶାକୁ ସଠିକ୍ ସମୟରେ ଆବଶ୍ୟକ ଅନୁସାରେ ସାରା ଯୋଗାଇଦେବା ପାଇଁ କେନ୍ଦ୍ର ସାର ଓ ରସାୟନ ମନ୍ତ୍ରୀ ମନସୁଖ ମାଣ୍ଡଭ୍ୟଙ୍କୁ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟକୁ ଯେତିକି ସାର ଦରକାର ସେହି ଅନୁସାରେ କମ୍ ସାର ମିଳୁଥିବାରୁ କେନ୍ଦ୍ର ସାର ମନ୍ତ୍ରୀଙ୍କ ବ୍ୟକ୍ତିଗତ ହସ୍ତକ୍ଷେପ ଲୋଡିଛନ୍ତି ମୁଖ୍ୟମନ୍ତ୍ରୀ । ତେବେ ଖରିଫ ଋତୁରେ ଡିଏପି ସାର ୩୧ ପ୍ରତିଶତ କମ ମିଳିଛି ସେହିପରି ଚାଷୀଙ୍କ ପାଇଁ କେନ୍ଦ୍ର ସରକାର ଓଡ଼ିଶାର ମାସିକିଆ କୋଟା ସାର ଯୋଗାଇ ଦେଉ ବୋଲି ଚିଠିରେ ଉଲ୍ଲେଖ କରିଛନ୍ତି ମୁଖ୍ୟମନ୍ତ୍ରୀ ।

ଭାରତୀୟ ପାଣିପାଗ ବିଭାଗର ପୂର୍ବାନୁମାନ ଅନୁସାରେ ଚଳିତ ବର୍ଷ ରାଜ୍ୟରେ ଫସଲ ପାଇଁ ପାଣିପାଗ ଅନୁକୂଳ ଅଛି । ତେଣୁ ଅଗଷ୍ଟ ଓ ସେପଟେମ୍ବର ମାସରେ ଏମଓପି ଏବଂ ଡିଏପି ସାର ଅଧିକ ପରିମାଣରେ ଦରକାର ପଡିବ । ତେଣୁ ରାଜ୍ୟକୁ ଆବଶ୍ୟକ ଅନୁସାରେ ସାର ଯୋଗାଣ କରାଯାଉ ବୋଲି ନବୀନ ଦାବି କରିଛନ୍ତି ।

English summary

Naveen Patnaik: Chief Minister Writes To Centre For Irregular Timings Of Fertilizer Availability .