ପୁରୀ ରଥଯାତ୍ରା ପ୍ରସ୍ତୁତି ଓ ସୁରକ୍ଷା ବ୍ୟବସ୍ଥା ନେଇ ସମୀକ୍ଷା କରିବେ ମୁଖ୍ୟମନ୍ତ୍ରୀ
ଆସନ୍ତା ୧୨ ତାରିଖରେ ବିଶ୍ୱ ପ୍ରସିଦ୍ଧ ରଥଯାତ୍ରା । ଗତକାଲି ୩ ରଥର ରଙ୍ଗ କାମ ଶେଷ ହୋଇଛି । ଆଜିଠାରୁ ୩ରଥରେ କନା ପଡ଼ିବା ନେଇ ଦର୍ଜୀ ସେବକଙ୍କ ସୂଚନା ଦେଇଛନ୍ତି ।
ପୁରୀ: ଆସନ୍ତା ୧୨ ତାରିଖରେ ବିଶ୍ୱ ପ୍ରସିଦ୍ଧ ରଥଯାତ୍ରା । ଗତକାଲି ୩ ରଥର ରଙ୍ଗ କାମ ଶେଷ ହୋଇଛି । ଆଜିଠାରୁ ୩ରଥରେ କନା ପଡ଼ିବା ନେଇ ଦର୍ଜୀ ସେବକଙ୍କ ସୂଚନା ଦେଇଛନ୍ତି । ତେବେ କିଭଳି ଚାଲିଛି ରଥଯାତ୍ରାର ପ୍ରସ୍ତୁତି, କିଭଳି ହୋଇଛି ସୁରକ୍ଷା ବ୍ୟବସ୍ଥା.. ଏହାର ସମୀକ୍ଷା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଗତକାଲି ଭର୍ଚୁଆଲ ମାଧ୍ୟମରେ ଗଜପତି ମହାରାଜଙ୍କ ଅଧ୍ୟକ୍ଷତାରେ ବୈଠକ ବସିଥିଲେ । ବୈଠକରେ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ସମେତ ଆଇନ୍ ବିଭାଗର ବରିଷ୍ଠ ଅଧିକାରୀ ଜିଲ୍ଲାପାଳ, ଏସ୍ପିଙ୍କ ସମେତ ଶ୍ରୀମନ୍ଦିର ବହୁ ଅଧିକାରୀ ଯୋଗ ଦେଇଥିଲେ । ଘୋଷଯାତ୍ରାକୁ ଶୃଙ୍ଖଳିତ କରିବାକୁ ବୈଠକରେ ଆଲୋଚନା ହୋଇଛି ।
ସେପଟେ ଅଣସର ଘରେ ୧୫ ଦିନ ଧରି ଗୁପ୍ତ ଉପଚାର ପରେ ସୁସ୍ଥ ହେଉଛନ୍ତି ଶ୍ରୀଜିଉ । ଅଣସର ଘର ତାଟି ଫିଟିଥିବା ବେଳେ ପଟି ଦିଅଁ ମଧ୍ୟ କତା ହୋଇଛନ୍ତି ।
Click it and Unblock the Notifications
Sign in with Google