ରାଉରକେଲା ରଘୁନାଥପାଲିରେ ଚାର୍ଟର ବିମାନର କ୍ରାସ୍ ଲ୍ୟାଣ୍ଡିଂ, ଦୁଃଖପ୍ରକାଶ କଲେ ମୁଖ୍ୟମନ୍ତ୍ରୀ

Published: Saturday, January 10, 2026, 15:04 [IST]

ରାଉରକେଲା ବିମାନ ଦୁର୍ଘଟଣାରେ ଦୁଃଖପ୍ରକାଶ କଲେ ମୁଖ୍ୟମନ୍ତ୍ରୀ । ମହାପ୍ରଭୁଙ୍କ କୃପାରୁ ସମସ୍ତ ଯାତ୍ରୀ ସୁରକ୍ଷିତ ଥିବା ଖବର ଆଶ୍ୱସ୍ତିକର ।ଆହତ ବ୍ୟକ୍ତିମାନଙ୍କୁ ସର୍ବୋତ୍ତମ ଚିକିତ୍ସା ସେବା ଯୋଗାଇବାକୁ ନିର୍ଦ୍ଦେଶ । ମୁଁ ବ୍ୟକ୍ତିଗତ ଭାବେ ସ୍ଥିତି ଉପରେ ନଜର ରଖିଛି ବୋଲି କହିଛନ୍ତି ମୁଖ୍ୟମନ୍ତ୍ରୀ । ମହାପ୍ରଭୁଙ୍କ ନିକଟରେ ସମସ୍ତଙ୍କର ଆଶୁ ଆରୋଗ୍ୟ ପାଇଁ ପ୍ରାର୍ଥନା କରୁଛି ।

ସୂଚନା ଯୋଗ୍ୟ ଯେ ରାଉରକେଲା ରଘୁନାଥପାଲିରେ ଛୋଟ ବିମାନ ଦୁର୍ଘଟଣା ଗ୍ରସ୍ତ ହୋଇଛି । ଜଲଦା ଏ ବ୍ଲକରେ ଛୋଟ ବିମାନ ଦୁର୍ଘଟଣା ହେବାରୁ ୬ଜଣ ଆହତ ହୋଇଥିବା ସୂଚନା ଦେଇଛନ୍ତି ପରିବହନ ମନ୍ତ୍ରୀ । ରାଉରକେଲାରୁ ଭୁବନେଶ୍ୱର ଆସୁଥିଲା ଯାତ୍ରୀବାହି ବିମାନ । ୯ ସିଟ ବିଶିଷ୍ଟ ବିମାନଟି ୧୦କିମି ଉଡାଣ ପରେ ଦୁର୍ଘଟଣା ହୋଇଥିବା ମନ୍ତ୍ରୀ କହିଛନ୍ତି । ଇଣ୍ଡିଆୱାନ୍‌ ଏୟାର ଫ୍ଲାଇଟ୍‌ ଭିଟି-୧୦୨ ଦୁର୍ଘଟଣା ଘଟିଛି । ଏଥିରେ କ୍ରୁ କ୍ୟାପଟେନ୍‌ ନବୀନ ଓ କ୍ୟାପଟେନ ଶ୍ରୀବାସ୍ତବ ରହିଥିଲେ ।

ଯାନ୍ତ୍ରିକ ତ୍ରୁଟି କାରଣରୁ ଇଣ୍ଡିଆୱାନ୍‌ ବିମାନଟି ଦୁର୍ଘଟଣା ଘଟିଥିବା କୁହାଯାଉଛି । ଘଟଣାସ୍ଥଳରେ ବରିଷ୍ଠ ଅଧିକାରୀମାନେ ପହଞ୍ଚି ତଦନ୍ତ କରୁଛନ୍ତି । ଆହତ ହୋଇଥିବା ସମସ୍ତ ୬ଜଣ ଏବେ ସୁରକ୍ଷିତ ଅଛନ୍ତି । ରଘୁନାଥପୁର ପୁଲିସ ପହଞ୍ଚି ତଦନ୍ତ କରୁଛି । ବିମାନଟି ରାଉରକେଲାରେ ଅପରାହ୍ନ ୧.୧୫ମିନିଟରେ ଅବତରଣ କରିବାର ଥିଲା । ହେଲେ ଜଲଦା ନିକଟରେ ଅବତରଣ କରିଥିଲା ।

Published On January 10, 2026