ଭାରସାମ୍ୟ ହରାଇ ଘରର କାନ୍ଥକୁ ପିଟିଲା କାର; ଗଲା ୪ ଜୀବନ
ଭାରସାମ୍ୟ ହରାଇ ଘରର କାନ୍ଥକୁ ପିଟିଲା କାର । ଗଲା ୪ ଜୀବନ । ତିଗିରିଆ ଥାନା ଗଦାଧରପୁର ଗାଁ ନିକଟରେ ମର୍ମନ୍ତୁଦ ଦୁର୍ଘଟଣା ଦେଖିବାକୁ ମିଳିଛି । ସମସ୍ତ ୪ ମୃତକ ଯୁବକ ହୋଇଥିବା ବେଳେ ପରିଚୟ ମିଳିପାରି ନାହିଁ । କୋଇଲିକନ୍ୟା ଗାଁରୁ ବିବାହ ଭୋଜି ସାରି ଫେରିବା ବେଳେ ଦୁର୍ଘଟଣା ଦେଖିବାକୁ ମିଳିଛି ।
ସୂଚନା ଅନୁସାରେ, ବିବାହ ଭୋଜି ଖାଇ ସେଠାରୁ ୪ ଜଣ ବିଳମ୍ବିତ ରାତିରେ ଫେରୁଥିଲେ । ଏହି ସମୟରେ ଘନ କୁହୁଡି ଲାଗି ତିଗିରିଆ ଥାନା ଗଦାଧରପୁରରେ ବିନ୍ଧାଣୀ ମା ରାସ୍ତା ନିକଟରେ କାର୍ଟି ଭାରସାମ୍ୟ ହରାଇ ଏକ କାନ୍ଥରେ ପିଟି ହୋଇ ଯାଇଥିଲା । ଯାହାଫଳରେ କାର୍ରେ ଥିବା ୪ ଜଣଙ୍କର ମୃତ୍ୟୁ ହୋଇଯାଇଛି ।
ଦୁର୍ଘଟଣା ସଂପର୍କରେ ସୂଚନା ପାଇ ଘଟଣାସ୍ଥଳରେ ପହଞ୍ଚିଛି ତିଗିରିଆ ପୋଲିସ । ତେବେ ପୋଲିସର ପ୍ରାଥମିକ ଅନୁଧ୍ୟାନରୁ ମୃତକଙ୍କ ମଧ୍ୟରେ ଜଣେ ବାଙ୍କି ହରିରାଜପୁର , ଜଣେ ବାଙ୍କି ପାଳପୁଟ, ଜଣେ ବଡମ୍ବା ସହ ଅନ୍ୟ ଜଣଙ୍କର ଘର ଖଜୁରିପଦା ଗାଁରେ ବୋଲି ଜଣାପଡିଛି ।
Click it and Unblock the Notifications
Sign in with Google