ନବଜାତ ଶିଶୁ ଅଦଳ ବଦଳ ଅଭିଯୋଗ: ଖୁବ ଶୀଘ୍ର ହେବ ଡିଏନଏ ଟେଷ୍ଟ, ଆଟେଣ୍ଡାଣ୍ଟ ନିଲମ୍ବିତ
କ୍ୟାପିଟାଲ ହସ୍ପିଟାଲରେ ନବଜାତ ଶିଶୁ ଅଦଳ ବଦଳ ଅଭିଯୋଗ ଘଟଣାରେ ପ୍ରାଥମିକ ରିପୋର୍ଟ୍ ସାମ୍ନାକୁ ଆସିଛି । ତିନି ଜଣିଆ ଟିମର ତଦନ୍ତ ରିପୋର୍ଟ ଆସିଛି । ଡାକ୍ତର, ନର୍ସ, ଆଟେଣ୍ଡାଣ୍ଟ ଓ ସୁଇପରଙ୍କୁ ପଚାର ଉଚୁରା କରାଯାଇଛି ।
ପ୍ରାଣକୃଷ୍ଣଙ୍କ ଝିଅ ହୋଇଥିବା ତଦନ୍ତରୁ ଜଣା ପଡ଼ିଛି । ଅବହେଳା ପାଇଁ ଆଟେଣ୍ଡାଣ୍ଟକୁ ନିଲମ୍ବିତ କରାଯାଇଛି । ଡିଏନଏ ଟେଷ୍ଟ ପାଇଁ କ୍ୟାପିଟାଲ ଥାନାକୁ ଲିଖିତ ଆକାରରେ ଜଣାଇଛି କ୍ୟାପିଟାଲ ହସ୍ପିଟାଲ ।
ଥାନା ଅଧିକାରୀଙ୍କ ସହିତ କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ କଥା ହୋଇଛନ୍ତି । ପ୍ରାଣକୃଷ୍ଣ, ତାଙ୍କ ସ୍ତ୍ରୀ ଓ ନବଜାତ ଶିଶୁର ଡିଏନଏ ଟେଷ୍ଟ କରାଇବା ପୋଲିସ । ଏ ନେଇ କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ ସୂଚନା ଦେଇଛନ୍ତି ।
ଭୁବନେଶ୍ୱର ସ୍ଥିତ କ୍ୟାପିଟାଲ ଗତକାଲି, ପ୍ରଥମେ କହିଲେ ପୁଅ ଜନ୍ମ ହୋଇଛି ହେଲେ ଝିଅ ଦେଇଥିବା ଅଭିଯୋଗ ଆସିଥିଲା । ଏପରି ଅଭିଯୋଗ ଆଣିଥିଲେ କେନ୍ଦ୍ରାପଡ଼ା ଜିଲ୍ଲା ରାଜକନିକା ଅଞ୍ଚଳର ପ୍ରାଣକୃଷ୍ଣ ବିଶ୍ୱାଳ ।
ତାଙ୍କର ସନ୍ତାନ ପ୍ରସବ ପରେ ପୁଅ ହୋଇଛି ବୋଲି ନର୍ସ ଜଣାଇଥିଲେ । ହେଲେ ଶିଶୁ ହସ୍ତାନ୍ତର ବେଳେ ତାଙ୍କୁ କନ୍ୟା ସନ୍ତାନ ଦିଆଯାଇଥିଲା । ଅଭିଯୋଗ ପରେ ଘଟଣାର ତଦନ୍ତ କରାଯିବା ନେଇ ସୂଚନା ଦେଇଛନ୍ତି ନିର୍ଦ୍ଦେଶକ । ଏହା ସହ ଡିଏନଏ ଟେଷ୍ଟ କରାଯିବ ବୋଲି ନିର୍ଦ୍ଦେଶକ ସୂଚନା ଦେଇଥିଲେ ।
Click it and Unblock the Notifications
Sign in with Google