ଘୁଞ୍ଚିଲା ଓଟିଇଟି ପରୀକ୍ଷା ତାରିଖ, ଜାଣନ୍ତୁ କେବେ ହେବ

କଟକ,୨୪।୭: ଘୁଞ୍ଚିଲା ଓଡ଼ିଶା ଶିକ୍ଷକ ଯୋଗ୍ୟତା ପରୀକ୍ଷା (ଓଟିଇଟି) ପରୀକ୍ଷା। ଅଗଷ୍ଟ ୯ ବଦଳରେ ୧୭ ତାରିଖରେ ପରୀକ୍ଷା ହେବ। ଉକ୍ତ ଦିନ ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଥିବା ଯୋଗୁ ଏଭଳି ନିଷ୍ପତ୍ତି ନିଆଯାଇଥିବା ବୋର୍ଡ ପକ୍ଷରୁ ସୂଚନା ଦିଆଯାଇଛି। ବିଏସଇ ସୂଚନା ଅନୁଯାୟୀ, ପରୀକ୍ଷା ହେବା ପାଇଁ ପୂର୍ବରୁ ଅଗଷ୍ଟ ୯ ତାରିଖରେ ଧାର୍ଯ୍ୟ କରାଯାଇଥିଲା ।

ମାତ୍ର ଏହାକୁ ଅଗଷ୍ଟ 17 ତାରିଖକୁ ଘୁଞ୍ଚାଇ ଦିଆଯାଇଛି । BSE ଏହାର ଅଫିସିଆଲ୍ ୱେବସାଇଟରେ ସଂଶୋଧିତ OTET ପରୀକ୍ଷା ତାରିଖ ଘୋଷଣା କରିଛି । ସପ୍ଲିମେଣ୍ଟାରୀ ପରୀକ୍ଷା ଚାଲି ଥିବାରୁ ଏହି ପରୀକ୍ଷାକୁ ପରିବର୍ତ୍ତନ କରାଯାଇଥିବା ବୋର୍ଡ କର୍ତ୍ତୃପକ୍ଷଙ୍କ ପକ୍ଷରୁ ସୂଚନା ଦିଆଯାଇଛି । ପରୀକ୍ଷା ପାଇଁ ଆଡମିଟ୍ କାର୍ଡ ଅଗଷ୍ଟ 12 ତାରିଖରୁ BSE ୱେବସାଇଟ୍ www.bseodisha.ac.inରେ ଉପଲବ୍ଧ ହେବ ।