ତାତିରେ ସିଝୁଛି ସାରା ଓଡ଼ିଶା: ବୌଦ୍ଧ ପାଲଟିଲା ଉତ୍ତପ୍ତ ସହର

ଓଡ଼ିଶାରେ ପ୍ରବଳ ଗ୍ରୀଷ୍ମ ପ୍ରବାହ ଅନୁଭୂତ ହେଉଛି। ରବିବାର ରାଜ୍ୟର ସାତଟି ସ୍ଥାନରେ ତାପମାତ୍ରା ୪୦ ଡିଗ୍ରି ସେଲସିୟସ ଉପରେ ରେକର୍ଡ କରାଯାଇଛି। ବୌଦ୍ଧ ସହର ୪୩.୬ ଡିଗ୍ରୀ ସେଲସିୟସ ତାପମାତ୍ରା ସହିତ ସବୁଠାରୁ ଉତ୍ତପ୍ତ ସ୍ଥାନ ଭାବରେ ଉଭା ହୋଇଛି।

ସାରା ରାଜ୍ୟରେ ପାରଦ ସ୍ତର ଲଗାତାର ବୃଦ୍ଧି ପାଇବାରେ ଲାଗିଛି। ଅନେକ ସହରରେ ଗରମ ହେଉଛି। ଲୋକେ ଦିନରେ ତାତିରେ କଲବଲ ହେଉଛନ୍ତି। ପାଣିପାଗ ବିଭାଗ ଅନୁଯାୟୀ, ସାରା ରାଜ୍ୟରେ ତାପମାତ୍ରା ବୃଦ୍ଧି ପାଇଛି। ଝାରସୁଗୁଡ଼ାରେ ୪୨ ଡିଗ୍ରି ସେଲସିୟସ୍, ବଲାଙ୍ଗୀରରେ ୪୧.୭ଡିଗ୍ରି ସେଲସିୟସ୍, ଅନୁଗୁଳରେ ୪୧.୧ ଡିଗ୍ରି ସେଲସିୟସ୍, ଟିଟଲାଗଡ଼ରେ ୪୦.୫ ଡିଗ୍ରି ସେଲସିୟସ୍, ସୁନ୍ଦରଗଡ଼ରେ ୪୦.୩ ଡିଗ୍ରି ସେଲସିୟସ୍ ଏବଂ ଭବାନୀପାଟଣାରେ ୪୦.୨ଡିଗ୍ରି ସେଲସିୟସ୍ ରେକର୍ଡ କରାଯାଇଛି।