ମଝି ସମୁଦ୍ରରେ ଡଙ୍ଗାରେ ଲାଗିଲା ନିଆଁ, ୧୦ ମତ୍ସ୍ୟଜୀବୀ ଉଦ୍ଧାର

ଭଦ୍ରକ: ମଝି ସମୁଦ୍ରରେ ପୁଣି ଅଘଟଣ । ଆଜି ପୂର୍ବାହ୍ନରେ ମଝି ସମୁଦ୍ରରେ ଏକ ମାଛଧରା ବୋଟରେ ନିଆଁ ଲାଗିଯାଇଛି । ଅଘଟଣରୁ ଅଳ୍ପକେ ବର୍ତ୍ତିଲେ ୧୦ ମତ୍ସ୍ୟଜୀବୀ । ଏପରି ଘଟଣା ଅବଦୁଲ୍‌ କଲାମ ହୁଇଲର ଦୀପ ନିକଟରେ ଘଟିଛି ।

ସୂଚନା ଅନୁସାରେ ଭଦ୍ରକ ଜିଲ୍ଲା ଧାମରା ଦୋସିଙ୍ଗା ଗାଁର ସମରେଶ ପରିଡାଙ୍କ ବୋଟ୍‌ 'ମାଆ ପଦ୍ମାବତୀ'ରେ ଲାଗିଛି ନିଆ । ଯେଉଁଥିରେ ୧୦ଜଣ ମତ୍ସ୍ୟଜୀବୀ ସମୁଦ୍ର ମଧ୍ୟକୁ ମାଛ ଧରିବା ପାଇଁ ଯାଇଥିଲେ । ଅବଦୁଲ୍‌ କଲାମ ହୁଇଲର ଦୀପ ନିକଟରେ ମାଛ ମାରୁଥିବା ସୟରେ ହଠାତ୍ ଡଙ୍ଗାରେରେ ଲାଗିଥିଲା ନିଆଁ । ମତ୍ସ୍ୟଜୀବୀମାନେ ତୁରନ୍ତ କୋଷ୍ଟଗାର୍ଡକୁ ସୂଚନା ଦେଇଥିଲେ । ଯାହାପରେ କୋଷ୍ଟଗାର୍ଡ ସେଠାରେ ପହଞ୍ଚି ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରି କୂଳକୁ ଆଣିବାରେ ସଫଳ ହୋଥିଲେ । ଡଙ୍ଗାରେ ଥିବା ସମସ୍ତ ୧୦ ମତ୍ସ୍ୟଜୀବୀଙ୍କ ଜୀବନ ଅଳ୍ପକେ ବର୍ତ୍ତି ଯାଇଥିଲା । ତେବେ ଏ ପର୍ଯ୍ୟନ୍ତ ବୋଟରେ ନିଆଁ ଲାଗିଲା କାରଣ ଅସ୍ପଷ୍ଟ ରହିଛି ।

ତେବେ ଏହା ପ୍ରଥମ ଘଟଣା ନୁହେଁ ପୂର୍ବରୁ ମଧ୍ୟ ଅନେକ ଥର ମାଛ ଧରା ଡଙ୍ଗାରେ ନିଆଁ ଲାଗିଥିବାର ସୂଚନା ରହିଛି । ଏପରି ବାରମ୍ବାର ଅଘଟଣ ମତ୍ସ୍ୟଜୀବୀ ମହଲରେ ଆଲୋଡ଼ନ ସୃ‌ଷ୍ଟି କରିଛି ।

English summary

Boat caught fire in mid Sea