ରାଜଧାନୀ ଘର ମାଲିକମାନେ ହୋଇ ଯାଆନ୍ତୁ ସାବଧାନ, ରହିବା ଘରେ ବ୍ୟବସାୟ କରୁଥିଲେ ହେବ କଡା କାର୍ଯ୍ୟାନୁଷ୍ଠାନ
ଭୁବନେଶ୍ବର: ରାଜଧାନୀର ଘର ମାଲିକ ସାବଧାନ୍ ! ବାସସ୍ଥାନ ଉଦ୍ଦେଶ୍ୟରେ ଘର କରି ତାକୁ ବ୍ୟବସାୟିକ ଉଦ୍ଦେଶ୍ୟରେ ବ୍ୟବହାର କଲେ ଘର ମାଲିକ ଗଣିବେ ତଣ୍ଡ । ସହରିଆଙ୍କୁ ତାଗିଦ୍ କରିବା ପାଇଁ ବିଏମସି ଅଭଳି କଡା ଆଭିମୁଖ୍ୟ ଗ୍ରହଣ କରିଛି ।
ହୋଲଡିଂ ଟିକସ ଏବଂ ଟ୍ରେଡ ଲାଇସେନ୍ସ ସମୟ ଅନୁସାରେ ପୈଠ କରିବା ପାଇଁ କମିଶନରଙ୍କ ପକ୍ଷରୁ ସ୍ମାର୍ଟ ସିଟି ବାସିନ୍ଦାଙ୍କୁ ଅନୁରୋଧ କରାଯାଇଛି । ବାସ ଉଦ୍ଦେଶ୍ୟରେ ଘର କରି ବହୁ ଲୋକ ସେଠାରେ ବ୍ୟବସାୟ କରୁଥିବା ନଜିର ରହିଛି । ଯାହାକି ଅନୁଚିତ ବୋଲି ବିଏମସି କମିଶନର କହିଛନ୍ତି । ଘର ମାଲିକମାନେ ଭୁବନେଶ୍ୱର ଡଟ୍ ମି ଆପ୍ ମାଧ୍ୟମରେ ତାହାକୁ ପୁନଃ ପରିବର୍ତ୍ତନ କରି ସଠିକ୍ ଟ୍ୟାକ୍ସ ପୈଠ କରନ୍ତୁ । ନଚେତ୍ ଆଗକୁ ବିଏମସି ଏନେଇ କଡା କାର୍ଯ୍ୟାନୁଷ୍ଠାନ ନେବ ।
ଅନ୍ୟପଟେ ଏଣିକି ପ୍ରତି ଶନିବାର ୱାର୍ଡମାନଙ୍କରେ ହେବ ରାଜସ୍ୱ ଦିନ । ପ୍ରତି ଶନିବାରକୁ ରାଜସ୍ୱ ଦିବସ ଭାବରେ ପାଳନ କରିବ ବିଏମସି । କର୍ପୋରେଟରଙ୍କ ସହଯୋଗରେ ପ୍ରତି ୱାର୍ଡରେ ଏହି ଦିବସ କ୍ୟାମ୍ପେନ ଭଳି ପାଳନ କରାଯିବ । ବର୍ତ୍ତମାନ ସମୟରେ କିଭଳି ଟ୍ୟାକ୍ସ ପୈଠ କରିବେ ଅନେକ ଲୋକଙ୍କର ସମସ୍ୟା ରହୁଛି । ଅନଲାଇନ୍ରେ ଘରେ ବସି କିଭଳି ଟ୍ୟାକ୍ସ ଦେଇପାରିବେ ସେନେଇ ଲୋକମାନଙ୍କୁ ବିଏମସି ଅଧିକ ସଚେତନ କରିବ ।
Click it and Unblock the Notifications
Sign in with Google