ବିଏମସି ପାଳିଲା ସ୍ୱାୟତ୍ତ ଶାସନ ଦିବସ, ବିଭିନ୍ନ ପ୍ରକଳ୍ପର ହେବ ଶିଳାନ୍ୟାସ
ଆଜି ସ୍ବାୟତ୍ତ ଶାସନ ଦିବସ ପାଳନ କରିଛି ଭୁବନେଶ୍ବର ମହାନଗର ନିଗମ । କୋଭିଡ କଟକଣା ଯୋଗୁଁ ଦୀର୍ଘ 2ବର୍ଷ ପରେ ସ୍ବାୟତ୍ତ ଶାସନ ଦିବସ ପାଳୁଛନ୍ତି ବିଏମସି ନବନିର୍ବାଚିତ ପ୍ରତିନିଧି ।
ଭୁବନେଶ୍ବର: ଆଜି ସ୍ବାୟତ୍ତ ଶାସନ ଦିବସ ପାଳନ କରିଛି ଭୁବନେଶ୍ବର ମହାନଗର ନିଗମ । କୋଭିଡ କଟକଣା ଯୋଗୁଁ ଦୀର୍ଘ 2ବର୍ଷ ପରେ ସ୍ବାୟତ୍ତ ଶାସନ ଦିବସ ପାଳୁଛନ୍ତି ବିଏମସି ନବନିର୍ବାଚିତ ପ୍ରତିନିଧି । ବିଏମସି କାର୍ଯ୍ୟାଳୟ ପରିସରରେ ମେୟର ସୁଲୋଚନା ଦାସ ପତାକା ଉତ୍ତୋଳନ କରିବା ସହିତ ସ୍ବାୟତ୍ତ ଶାସନ ଦିବସର ଶୁଭେଚ୍ଛା ଜଣାଇଛନ୍ତି ।
ପତାକା ଉତ୍ତୋଳନ ପରେ ମେୟର ଓ କମିଶନରଙ୍କ ଉପସ୍ଥିତିରେ ଆୟୋଜିତ ସ୍ବତନ୍ତ୍ର ବୈଠକରେ ସମସ୍ତ କର୍ପୋରେଟର ଓ ଅଧିକାରୀ ଉପସ୍ଥିତ ରହିଥିଲେ । ଏଥିସହ ରାଜଧାନୀର ସର୍ବାଙ୍ଗୀନ ଉନ୍ନତି ସହ ସହରବାସୀଙ୍କୁ ମୌଳିକ ସୁବିଧା ଯୋଗାଇ ଦିଆଯିବ ସେ ନେଇ ଆଲୋଚନା କରାଯାଇଛି ।
ଆସନ୍ତାକାଲି ଓ ଶୁକ୍ରବାର ଦୁଇଦିନ ବିଭିନ୍ନ ୱାର୍ଡରେ ପ୍ରାୟ 61କୋଟି ଅର୍ଥର 40ରୁ ଅଧିକ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରାଯିବ । ମୁଖ୍ୟତଃ ଡ୍ରେନେଜ, ରାସ୍ତାଘାଟ, ଆଲୋକୀକରଣ, ପାର୍କ ଓ ଜଳାଶୟ ଆଦିର ଉନ୍ନତିକରଣ କରାଯିବ । ସ୍ମାର୍ଟସିଟିକୁ ଅଧିକ ସ୍ଵଚ୍ଛ ନିର୍ମଳ ଓ ସୁନ୍ଦର ଭାବେ ଗଢି ତୋଳାଯାଇ ପାରିବ ସେ ଦିଗରେ ମଧ୍ୟ କାର୍ଯ୍ୟ କରାଯିବ ।
Click it and Unblock the Notifications
Sign in with Google