ଓଡ଼ିଶାରେ ପହଞ୍ଚିଛି ବିଜୁ ବାବୁଙ୍କ ଡାକୋଟା ବିମାନ

ଓଡ଼ିଶାରେ ପହଞ୍ଚିଛି ବିଜୁ ବାବୁଙ୍କ ଡାକୋଟା ବିମାନ । କୋଲକାତାରୁ ୩ଟି ଟ୍ରେଲରରେ ବୋଝୋଇ ହୋଇ ଆଜି ସକାଳୁ ଡାକୋଟା ବିମାନ ଜଳେଶ୍ୱର ଲକ୍ଷ୍ମଣନାଥ ଟୋଲ୍ ଗେଟ୍ ନିକଟରେ ପହଞ୍ଚିଥିଲା । ମାର୍ଚ୍ଚ ୫ ତାରିଖରେ ଏହାର ଲୋକାର୍ପଣ କରାଯିବାର ସୂଚନା ରହିଛି ।

ଭୁବନେଶ୍ୱର: ଶେଷରେ ଓଡ଼ିଶାରେ ପହଞ୍ଚିଛି ବିଜୁ ବାବୁଙ୍କ ପ୍ରିୟ ଡାକୋଟା ବିମାନ । କୋଲକାତାରୁ ୩ଟି ଟ୍ରେଲରରେ ବୋଝୋଇ ହୋଇ ଆଜି ସକାଳୁ ଡାକୋଟା ବିମାନ ଜଳେଶ୍ୱର ଲକ୍ଷ୍ମଣନାଥ ଟୋଲ୍ ଗେଟ୍ ନିକଟରେ ପହଞ୍ଚିଥିଲା । ଗତକାଲି ପ୍ରାୟ ରାତି ୧୦ଟାରୁ କୋଲକାତାରୁ ଓଡ଼ିଶା ଅଭିମୁଖେ ବାହାରିଥିଲା ଡାକୋଟା ବିମାନ । ଆଜି ସଂଧ୍ୟା ସୁଦ୍ଧା ଭୁବନେଶ୍ୱର ବିମାନ ବନ୍ଦରରେ ପହଞ୍ଚିବ ବୋଲି ସୂଚନା ରହିଛି । ରିପୋର୍ଟ ଅନୁସାରେ କୋଲକତାର ଏକ ସ୍ୱତନ୍ତ୍ର ଟିମ୍ ପଶ୍ଚିମବଙ୍ଗ ସୀମା ପର୍ଯ୍ୟନ୍ତ ସୁରକ୍ଷା ଯୋଗାଇ ଦେଇଥିଲା ।

ବିଜୁ ବାବୁଙ୍କ ପ୍ରିୟ ଡାକାଟୋ ବିମାନକୁ ଓଡ଼ିଶା ଆଣିବା ପାଇଁ ଦୀର୍ଘ ଦିନ ହେଲା ପ୍ରୟାସ ଜାରି ରହିଥିଲା । ଶେଷରେ କୋଲକାତା ସୁଭାସ ବୋଷ ଆନ୍ତାର୍ଜାତିୟ ବିମାନ ବନ୍ଦରକୁ ଛାଡି ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନ ବନ୍ଦର ଆଭିମୁଖେ ବାହାରିଛି ଡାକୋଟା ବିମାନ । ସୂଚନା ଅନୁସାରେ ବିଜୁ ବାବୁଙ୍କ ପ୍ରିୟ ଡାକୋଟା ବିମାନ ଭୁବନେଶ୍ୱର ଏୟାରପୋର୍ଟ ବାହାରେ ରଖାଯିବାର ବ୍ୟବସ୍ଥା କାଯାଇଛି । ଏୟାରପୋର୍ଟରେ ପହଁଚିବା ପରେ ଏକ ବିଶେଷଜ୍ଞ ଦଳ ଏହି ବିମାନର ଯାଞ୍ଚ କରିବ । ପରେ ଏହାକୁ ନିଜର ପୂର୍ବ ଅବସ୍ଥାକୁ ଅଣାଯିବ ଏବଂ ମାର୍ଚ୍ଚ ୫ ତାରିଖରେ ଏହାର ଲୋକାର୍ପଣ କରାଯିବାର ସୂଚନା ରହିଛି ।

English summary

Bjiu Babu's iconic Dakota aircraft arrived at Odisha.