ବିଜେଡିର ରାଜ୍ୟ ପରିଷଦ ବୈଠକ: ସରକାର ଓ ସଙ୍ଗଠନ ପାଇଁ ମତାମତ ମାଗିଲେ ନବୀନ

ବୈଠକରେ ଦଳୀୟ ସଦସ୍ୟମାନଙ୍କୁ ସରକାର ଓ ସଙ୍ଗଠନ ପାଇଁ ମତାମତ ମାଗିଛନ୍ତି ଦଳର ସୁପ୍ରିମୋ ନବୀନ ପଟ୍ଟନାୟକ ।

Updated: Monday, December 21, 2020, 15:03 [IST]

ଭୁବନେଶ୍ୱର: ଗତକାଲି କାର୍ଯ୍ୟକାରୀଣି ବୈଠକ ପରେ ଆଜି ବସିଛି ବିଜେଡିର ରାଜ୍ୟ ପରିଷଦ ବୈଠକ । ବୈଠକରେ ଦଳୀୟ ସଦସ୍ୟମାନଙ୍କୁ ସରକାର ଓ ସଙ୍ଗଠନ ପାଇଁ ମତାମତ ମାଗିଛନ୍ତି ଦଳର ସୁପ୍ରିମୋ ନବୀନ ପଟ୍ଟନାୟକ ।

ସରକାର ଓ ସଙ୍ଗଠନକୁ କିପରି ଆହୁରି ମଜବୁତ କରାଯାଇ ପାରିବ ସେ ନେଇ ଦଳୀୟ କାର୍ଯ୍ୟକର୍ତାଙ୍କୁ ମତାମତ ଲୋଡିଛନ୍ତି ନବୀନ । ଦଳୀୟ କାର୍ଯ୍ୟାଳୟରେ ରଖାଯାଇଥିବା ଡ୍ରପ ବକ୍ସରେ ସମସ୍ତ କାର୍ଯ୍ୟକର୍ତା ଆଜି ସନ୍ଧ୍ୟା ସୁଦ୍ଧା ଗୋଟିଏ ଲେଖା ମତାମତ ଦେବାକୁ କହିଛନ୍ତି ସେ ।

ଗତକାଲି ବିଜେଡି କାର୍ଯ୍ୟକରିଣୀରେ ଯାହା ପ୍ରସ୍ତାବ ଆଗତ ହୋଇଥିଲା, ତାକୁ ଆଜି ରାଜ୍ୟ ପରିଷଦରେ ପାରିତ କରାଯିବ । ଏହା ସହ ଅନେକ ରାଜନୈତିକ ଓ ସାଙ୍ଗଠନିକ ପ୍ରସ୍ତାବ ଆସିବା ସମ୍ଭାବନା ରହିଛି । ଏହି ବୈଠକରେ ତୃଣମୂଳ ସ୍ତରରେ ଦଳକୁ କିପରି ଆହୁରି ସଶକ୍ତ କରାଯିବ ସେ ନେଇ ଆଲୋଚନା କରାଯିବ। ଏହାସହ ଓଡ଼ିଶାକୁ ବାରମ୍ବାର କେନ୍ଦ୍ରୀୟ ଅବହେଳାର ବାର୍ତ୍ତା ଘରେ ଘରେ ପହଞ୍ଚାଇବାକୁ ପ୍ରସ୍ତୁତ ହେବ ରୋଡମ୍ୟାପ୍ ।