ଚିଲିକାରେ ସରିଲା ପକ୍ଷୀ ଗଣନା, ଏଥର ଆସିଛନ୍ତି ୧୮୭ ପ୍ରଜାତିର ପକ୍ଷୀ
ଚିଲିକା:ଏସିଆ ମହାଦେଶର ସର୍ବବୃହତ୍ତମ ହ୍ରଦ ଭାବେ ପରିଚିତ ମରାଳ ମାଳିନୀ ନୀଳାମ୍ବୁ ଚିଲିକାକୁ ଚଳିତ ବର୍ଷ ୧୧ଲକ୍ଷ ୩୭ ହଜାର ୭୫୯ ପକ୍ଷୀ ଆସିଛନ୍ତି । ଚିଲିକା ବନ୍ୟପ୍ରାଣୀ ବନଖଣ୍ଡ ବିଭାଗ ଓ ଚିଲିକା ଉନ୍ନୟନ କର୍ତ୍ତୃପକ୍ଷ (ସିଡିଏ )ର ମିଳିତ ଆନୁକୂଲ୍ୟରେ ଗୁରୁବାର ପକ୍ଷୀ ଗଣନା କାର୍ଯ୍ୟକ୍ରମରୁ ଏହା ସ୍ପଷ୍ଟ ହୋଇଛି । ବିଭାଗ ପକ୍ଷରୁ ପ୍ରକାଶିତ ଗଣନା ରିପୋର୍ଟ ଅନୁଯାୟୀ ଗତବର୍ଷ ସମଗ୍ର ଚିଲିକାରେ ୧୧ ଲକ୍ଷ ୩୧ହଜାର ୯୨୯ ପକ୍ଷୀ ସମାଗମ ହୋଇଥିଲା ।
କିନ୍ତୁ ଚଳିତ ବର୍ଷ ଏହି ସଂଖ୍ୟା ବୃଦ୍ଧି ପାଇ ୧୧ ଲକ୍ଷ ୩୭ ହଜାର ୭୫୯ରେ ପହଞ୍ଚିଛି । ଅର୍ଥାତ ଗତ ବର୍ଷ ତୁଳନାରେ ଚଳିତ ବର୍ଷ ୫ ହଜାର ୮୩୦ ଅଧିକ ପକ୍ଷୀ ଚିଲିକାକୁ ଆସିଛନ୍ତି । ୧୫୫୩ ବର୍ଗ କିମି ପରିବ୍ୟାପ୍ତ ପକ୍ଷୀ ଅଭୟାରଣ୍ୟ ନଳବଣରେ ଚଳିତ ବର୍ଷ ୩ ଲକ୍ଷ ୪୭ ହଜାର ୨୮୦ ପକ୍ଷୀଙ୍କ ସମାଗମ ହୋଇଥିବାବେଳେ ଗତ ବର୍ଷ ଏଠାରେ ୩ ଲକ୍ଷ ୪୨ ହଜାର ୮୯୭ ଟି ପକ୍ଷୀଙ୍କ ବେ ସମାଗମ ହୋଇଥିଲା । ଅର୍ଥାତ ଚଳିତ ବର୍ଷ ୪ ହଜାର ବର୍ଷ ୩୮୩ ପକ୍ଷୀ ବୃଦ୍ଧି ପାଇଛି । ବିଗତ ବର୍ଷ ଗୁଡିକରେ ୧୮୩ ଥିବାବେଳେ ପ୍ରଜାତିର ପକ୍ଷୀଙ୍କୁ ଚିହ୍ନଟ କରାଯାଇଥିବା ବେଳେ ଚଳିତ ବର୍ଷ ୧୮୭ ପ୍ରଜାତି ପକ୍ଷୀ ଆସିଛନ୍ତି ।
ସେଥିରୁ ସେଥ୍ରୁ ବିଦେଶ ଗତ ପକ୍ଷୀ ୧୦୮ ପ୍ରଜାତିର ୧୦ ଲକ୍ଷ ୯୮ ହଜାର୮୩୦ ଓ ଦେଶୀୟ ପକ୍ଷୀ ୭୯ ପ୍ରଜାତିର ୩୮ ହଜାର ୯୪୬ ଥିଲେ । ଏଥର ଅଧିକ ୩ ପ୍ରଜାତିର ପକ୍ଷୀ ଆସିଛନ୍ତି । ଗତବର୍ଷ ତୁଳନାରେ ଚଳିତ ବର୍ଷ ପାଗର ଅନୁକୂଳ ଥିବାରୁ ବିଦେଶାଗତ ପକ୍ଷୀଙ୍କ ଆଗମନ ଚିଲିକାରେ ବଢିଛି । ନୂତନ ଅତିଥି ଭାବେ ଚଳିତ ବର୍ଷ ପଲାଜ ଫିସ ଇଗଲ ଦୃଷ୍ଟି ଗୋଚର ହୋଇଛନ୍ତି । ନଳବଣରେ କେବଳ କ୍ଷ୍ୟ ୧୮୭ ପ୍ରଜାତିର ପକ୍ଷୀଙ୍କୁ ଚିହ୍ନଟ କରାଯାଇଛି ।
ବିଦେଶୀ ପକ୍ଷୀଙ୍କ ମଧ୍ୟରେ ସର୍ବାଧିକ ନର୍ଦଲ ପିଙ୍କଟେଲ ପ୍ରଜାତିର ୨ ଲକ୍ଷ ୧୮ ହଜାର ୬୧୪ ଥିବାବେଳେ ସର୍ବ ନିମ୍ନ ପେଲିକାନମାତ୍ର ଗୋଟିଏ ଦେଖା ଯାଇଛି । ଚଳିତବର୍ଷ ଚିଲିକାକୁ ୮୨୦ଟି ଫ୍ଲେମିଙ୍ଗୋ ଆସିଛନ୍ତି । ସେହିଭଳି ୧ ଲକ୍ଷ ୪୦ ହଜାର ୩୮୨ଉଇଜନ, ୨ ଲକ୍ଷ ୧୮ ହଜାର ୨୫୪ ନର୍ଦନ ପ୍ରିଣ୍ଟେଲ ଏବଂ ୧ ଲକ୍ଷ ୫୬ ହଜାର ୬୩୬ ଗଡ଼ୱାଲ ତଥା କମନକୁଟ୍ ଆସିଛନ୍ତି । ଚଳିତବର୍ଷ ଆଲାଜଫିସ୍ ଫିଗର ନାମକ ନୂଆ ପକ୍ଷୀ ଚିଲିକାକୁ ଆସିବା ଗଣନାକାରୀଙ୍କୁ ଉତ୍ସାହିତ କରିଛି । ସେହିଭଳି ଫାଇକେଡଟିଲ୍ ଓ ଇଉରାଶିଆନ୍ ପ୍ରଜାତିର ପକ୍ଷୀ ମଧ୍ୟ ଏଥର ଚିଲିକାରେ ଦେଖିବାକୁ ମିଳିଛନ୍ତି ।
Click it and Unblock the Notifications
Sign in with Google