ବର୍ଷା-ଅନୁଭବ ବିବାଦ: ମଧ୍ୟସ୍ତତା କେନ୍ଦ୍ରକୁ ଆସିଲେନି ଅନୁଭବ
SDJM କୋର୍ଟରେ ବର୍ଷା ଅନୁଭବ ବିବାଦ । ମଧ୍ୟସ୍ତତା କେନ୍ଦ୍ରକୁ ଆସିଲେନି ସାଂସଦ ଅନୁଭବ ମହାନ୍ତି ।
କଟକ: ସ୍ଥାନୀୟ SDJM କୋର୍ଟରେ ବର୍ଷା ଅନୁଭବ ବିବାଦ । ମଧ୍ୟସ୍ତତା କେନ୍ଦ୍ରକୁ ଆସିଲେନି ସାଂସଦ ଅନୁଭବ ମହାନ୍ତି । ଏଥିପାଇଁ ସମୟ ମାଗିଛନ୍ତି ଅନୁଭବ । SDJM କୋର୍ଟ ଅନୁଭବ ଓ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ମଧ୍ୟରେ ମଧ୍ୟସ୍ଥତା ପାଇଁ କହିଥିଲେ। ମଧ୍ୟସ୍ଥତା ପାଇଁ ଆଜି ଦିନ ଧାର୍ଯ୍ୟ କରିଥିଲେ SDJM। ତେବେ ଫେବୃଆରୀ ୨୩ରେ ମଧ୍ୟସ୍ଥତା ପାଇଁ ପରବର୍ତ୍ତୀ ତାରିଖ ଚୂଡାନ୍ତ ହୋଇଛି ।
ପାରିବାରିକ ବିବାଦରେ ଛନ୍ଦି ହୋଇ ରହିଛି ଅନୁଭବ ମହାନ୍ତି ଓ ବର୍ଷା ପ୍ରିୟଦର୍ଶିନୀଙ୍କ ସମ୍ପର୍କ। ବର୍ଷା ଏନେଇ ମହିଳା କମିଶନରେ ଦ୍ୱାରସ୍ଥ ହୋଇଥିଲେ। ଅଭିଯୋଗକୁ ଭିତ୍ତିକରି କମିଶନ ଅନୁଭବ, ବର୍ଷା, ଅନୁଭବଙ୍କ ବାପା ଓ ମାଆଙ୍କୁ ହାଜର ପାଇଁ କମିଶନ ନୋଟିସ୍ କରିଥିଲେ। ନୋଟିସ୍ ମୁତାବକ ପ୍ରଥମେ ବର୍ଷା ମହିଳା କମିଶନଙ୍କ ଅଫିସରେ ପହଞ୍ଚିଥିଲେ । ପରେ ଅନୁଭବ ଆସିଥିଲେ। ହେଲେ ଅନୁଭବଙ୍କ ବାପା-ମାଆ ଆସିନଥିଲେ।
ପରବର୍ତ୍ତୀ ସମୟରେ ବର୍ଷା -ଅନୁଭବ ବିବାଦ ଦିନକୁ ଦିନ ଗମ୍ଭୀର ହେବାରେ ଲାଗିଥିଲା । ବର୍ଷାଙ୍କ ଏତଲା ଆଧାରରେ ପୁରୀଘାଟ ଥାନାରେ ମାମଲା ରୁଜୁ ହୋଇଥିଲା । ଅନୁଭବ ଓ ତାଙ୍କ ଦୁଇ ସହଯୋଗୀଙ୍କ ନାଁରେ ମାମଲା ରୁଜୁ କରିଥିଲା ପୋଲିସ । ବର୍ଷାଙ୍କ ଏହି ଅଭିଯୋଗ ପରେ ପୁଲିସ୍ ଅନୁଭବଙ୍କ ବାସଭବନକୁ ମଧ୍ୟ ଯାଇ ତଦନ୍ତ କରିଥିଲା।
Click it and Unblock the Notifications
Sign in with Google