ଭରତପୁର ଥାନା ଘଟଣା: ଉଦବେଗ ପ୍ରକାଶ କଲେ ହାଇକୋର୍ଟ, ଜନସ୍ୱାର୍ଥ ମାମଲା ରୁଜୁ
Bharatpur Police Station Incident: ଭରତପୁର ଥାନା ଘଟଣା ବର୍ତ୍ତମାନ ସାରା ଦେଶରେ ଚର୍ଚ୍ଚାରେ ରହିଛି । ଏହି ମାମଲାକୁ ଉଦବେଗ ପ୍ରକାଶ କଲେ ହାଇକୋର୍ଟ ଏବଂ ନିଜ ଆଡୁ ଜନସ୍ୱାର୍ଥ ମାମଲା ରୁଜୁ କଲେ ହାଇକୋର୍ଟ । ସେହିପରି ମେଜର ଏବଂ ତାଙ୍କ ବାନ୍ଧବୀଙ୍କ ନାମ ବ୍ୟବହାର ନକରିବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଏହି ମାମଲାର ଆସନ୍ତା ଶୁଣାଣି ଅକ୍ଟୋବର ୯ ତାରିଖରେ କରାଯିବ ।
ଅନ୍ୟପକ୍ଷରେ ସମସ୍ତ ଥାନାରେ ସିସିଟିଭ ଲାଗିବା ଉଚିତ୍ ବୋଲି ମଧ୍ୟ କୋର୍ଟ କହିଛନ୍ତି । ୬୫୦ ରୁ ୫୭ ଥାନାରେ ସିସିଟିଭ ଲାଗି ନାହିଁ ତେଣୁ ତୁରନ୍ତ ସମସ୍ତ ଥାନାରେ ସିସିଟିଭି ଲଗାଇବା ପାଇଁ ପୋଲିସ ଆଧୁନିକୀକରଣ ଏଡିଜିଙ୍କୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଭରତପୁର ଥାନାରେ ସିସିଟିଭି ନଥିବା ନେଇ ମଧ୍ୟ ହାଇକୋର୍ଟ ଅସନ୍ତୋଷ ପ୍ରକାଶ କରିଛନ୍ତି । ଯଦି CCTV ଲାଗିଥାନ୍ତା ତେବେ ସେଦିନର ସମ୍ପୁର୍ଣ୍ଣ ଘଟଣା ସାମ୍ନାକୁ ଆସିପାରିଥାନ୍ତା ।
ତେବେ ଏପରି ଘଟଣା ଚିନ୍ତାଜନକ ବୋଲି ହାଇକୋର୍ଟ କହିଛନ୍ତି, ଏପରି ହେଲେ ସାଧାରଣ ଲୋକ ଥାନାକୁ ଯିବା ପାଇଁ ଭୟ କରିବେ । ତେଣୁ ତୁରନ୍ତ ଏହି ମାମଲା ନେଇ ପଦକ୍ଷେପ ନେବା ପାଇଁ ସରକାରୀ ପକ୍ଷଙ୍କୁ ପରାମର୍ଶ ଦେଇଛନ୍ତି ହାଇକୋର୍ଟ । ନିରପେକ୍ଷ ଓ ଉପଯୁକ୍ତ ତଦନ୍ତ କରିବା ପୋଲିସର ଅଧିକାର, ସେଥିରେ କୋର୍ଟ ହସ୍ତକ୍ଷେପ କରିବେ ନାହିଁ ବୋଲି ମୁଖ୍ୟ ବିଚାରପତି କହିଛନ୍ତି ।
Click it and Unblock the Notifications
Sign in with Google