ବାଲିଯାତ୍ରା 2022: ବ୍ୟବସାୟୀଙ୍କ ପାଇଁ ଜାଗା ଆଲଟମେଣ୍ଟ ନୋଟିସ ଜାରି

ଦୀର୍ଘ ଦୁଇ ବର୍ଷ ପରେ ସିଲଭର ସିଟିରେ ଆୟୋଜିତ ହେବାକୁ ଯାଉଛି ପ୍ରସିଦ୍ଧ ବାଲିଯାତ୍ରା। ଏନେଇ ଆରମ୍ଭ ହୋଇଛି ପ୍ରସ୍ତୁତି । ଆସନ୍ତା ନଭେମ୍ବର 8 ରୁ 14 ତାରିଖ ପର୍ଯ୍ୟନ୍ତ ମହାନଦୀ କୂଳରେ ପ୍ରସିଦ୍ଧ ବାଲିଯାତ୍ରା ଅନୁଷ୍ଠିତ ହେବ।

Published: Saturday, October 8, 2022, 13:43 [IST]

କଟକ: ଦୀର୍ଘ ଦୁଇ ବର୍ଷ ପରେ ସିଲଭର ସିଟିରେ ଆୟୋଜିତ ହେବାକୁ ଯାଉଛି ପ୍ରସିଦ୍ଧ ବାଲିଯାତ୍ରା। ଏନେଇ ଆରମ୍ଭ ହୋଇଛି ପ୍ରସ୍ତୁତି । ଆସନ୍ତା ନଭେମ୍ବର 8 ରୁ 14 ତାରିଖ ପର୍ଯ୍ୟନ୍ତ ମହାନଦୀ କୂଳରେ ପ୍ରସିଦ୍ଧ ବାଲିଯାତ୍ରା ଅନୁଷ୍ଠିତ ହେବ। ପ୍ରତିବର୍ଷ ଲକ୍ଷ ଲକ୍ଷ ଲୋକ ଏହି ମେଳା ବୁଲିବା ପାଇଁ ଆସିଥାନ୍ତି ।

କଟକ ମ୍ୟୁନିସିପାଲିଟି କର୍ପୋରେସନ୍ ଅନୁଯାୟୀ ଚଳିତ ବର୍ଷ ବାଲିଯାତ୍ରା ପାଇଁ ଏକ ରୋଡ୍ ମ୍ୟାପ୍ ପ୍ରସ୍ତୁତ କରାଯାଇଛି। ସେଥିପାଇଁ ପ୍ରାୟ ଶହେ ଏକର ଜାଗା ଚିହ୍ନଟ ମଧ୍ୟ କରାଯାଇଛି । ଆଗ୍ରହୀ ଥିବା ବ୍ୟବସାୟୀଙ୍କୁ ଜାଗା ପ୍ରଦାନ କରାଯିବ । ସେନେଇ ଆଜି ସଂସ୍କୃତି ବିଭାଗ ପକ୍ଷରୁ ଜାଗା ପାଇଁ ଜାରି କରାଯାଇଛି ନୋଟିସ । 1000 ରୁ 10 ହଜାର ସ୍କୋୟାର ଫୁଟ ସ୍ଥାନ ସଙ୍ଗଠନ ଆଦିଙ୍କୁ ପ୍ରଦାନ ନେଇ ସ୍ଥିର ହୋଇଥିବା ବେଳେ 1000ରୁ କମ ଜାଗା ବ୍ୟବସାୟୀ ଏବଂ ବ୍ୟକ୍ତିଗତ ବ୍ୟାପାର ଉଦ୍ଦେଶ୍ୟରେ ପ୍ରଦାନ କରାଯିବ ।

ଷ୍ଟଲ୍ ସଂଖ୍ୟା ପ୍ରାୟ 1600 କରିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି। ତେବେ ଦୀର୍ଘ 2 ବର୍ଷ ବ୍ୟବଧାନରେ ବାଲିଯାତ୍ରା ହେବାକୁ ଯାଉଛି, ତେଣୁ ଲୋକଙ୍କ ଭିଡ ନିହାତି ଭାବରେ ଅଧିକ ରହିବ , ତେଣୁ ଭିଡ ନିୟନ୍ତ୍ରଣ ପାଇଁ ଟ୍ରାଫିକ ମ୍ୟାନେଜମେଣ୍ଟ ଓ ପାର୍କିଂ ପାଇଁ ନିର୍ଦ୍ଧିଷ୍ଟ ବ୍ୟବସ୍ଥା କରିବା ଲାଗି ଅଧିକ ଗୁରୁତ୍ଵ ଦିଆଯାଇଛି।

Published On October 8, 2022