ଆଜି ବାହୁଡା ଯାତ୍ରା, ରତ୍ନବେଦୀକୁ ବାହୁଡିବେ ଶ୍ରୀଜୀଉ

ଆଜି ଜନ୍ମବେଦୀରୁ ସିଂହଦ୍ବାର ଫେରିବେ ଚତୁର୍ଦ୍ଧାମୂର୍ତ୍ତି। ବଡି ଭୋରୁ ଆରମ୍ଭ ହୋଇଛି ନୀତି । ଗୁଣ୍ଡିଚା ମନ୍ଦିର ସାମନାରେ ପ୍ରସ୍ତୁତ ତ୍ରିରଥ । ଆଉ କିଛି ସମୟ ପରେ ପହଣ୍ଡି ହୋଇ ରଥାରୂଢ କରାଯିବ ଠାକୁରମାନଙ୍କୁ ।

Published: Saturday, July 9, 2022, 7:54 [IST]

ପୁରୀ: ଆଜି ଜନ୍ମବେଦୀରୁ ସିଂହଦ୍ବାର ଫେରିବେ ଚତୁର୍ଦ୍ଧାମୂର୍ତ୍ତି। ବଡି ଭୋରୁ ଆରମ୍ଭ ହୋଇଛି ନୀତି । ଗୁଣ୍ଡିଚା ମନ୍ଦିର ସାମନାରେ ପ୍ରସ୍ତୁତ ତ୍ରିରଥ । ଆଉ କିଛି ସମୟ ପରେ ପହଣ୍ଡି ହୋଇ ରଥାରୂଢ କରାଯିବ ଠାକୁରମାନଙ୍କୁ । ଏନେଇ ଶ୍ରୀକ୍ଷେତ୍ରରେ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ସମାଗମ ହୋଇଛି ।

ପ୍ରତିବର୍ଷ ଆଷାଢ଼ ଶୁକ୍ଳ ପକ୍ଷ ଦଶମୀ ତିଥିରେ ଏହି ବାହୁଡା ଯାତ୍ରା ଅନୁଷ୍ଠିତ ହୁଏ । ବାହୁଡ଼ା ଦିନ ପ୍ରାତଃ କାଳରୁ ମହାପ୍ରଭୁଙ୍କର ମଙ୍ଗଳ ଆଳତି, ଅବକାଶ, ମଇଲମ, ତଡପଲାଗି, ଦ୍ବାରପାଳ ପୂଜା ପରେ ସ୍ବତନ୍ତ୍ର ଖେଚେଡ଼ି ଭୋଗ ହୋଇଥାଏ । ପରେ ଡୋର ଲାଗି, ପୁଷ୍ପାଞ୍ଜଳି ନୀତି ପରେ ଚତୁର୍ଦ୍ଧାମୂର୍ତ୍ତି ରଥ ଅଭିମୁଖେ ଧାଡି ପହଣ୍ଡିରେ ଆସନ୍ତି। ଯେଉଁମାନେ ଏହି ବାହୁଡ଼ା ଯାତ୍ରାରେ ମହାପ୍ରଭୁଙ୍କୁ ଦର୍ଶନ କରନ୍ତି ସେମାନେ ଅଶ୍ବମେଧ ଯଜ୍ଞର ଫଳ ଲାଭ କରି ବୈକୁଣ୍ଠ ପ୍ରାପ୍ତି ହୁଅନ୍ତି ବୋଲି ବିଶ୍ବାସ ରହିଛି ।

ମହାପ୍ରଭୁଙ୍କର ଏହି ବାହୁଡା ଯାତ୍ରାର ଏକ ଅନନ୍ୟ ପରମ୍ପରା ହେଉଛି ମାଉସୀ ମା' ଅର୍ଦ୍ଧ୍ବଶ୍ବଶିନୀ ବା ଅର୍ଦ୍ଧାଶିନୀଙ୍କ ପୋଡ଼ପିଠା । ଯେତେବେଳେ ନନ୍ଦିଘୋଷ ରଥ ବଳଗଣ୍ଡି ନିକଟତର ହୁଏ ସେତେବେଳେ ମାଉସୀ ମା'ଙ୍କ ମନ୍ଦିର ନିକଟରେ ରଥ କିଛି ସମୟ ଅଟକିଯାଏ । ଆଉ ମାଉସୀ ଅର୍ଦ୍ଧାଶିନୀଙ୍କ ଦ୍ଵାରା ପ୍ରସ୍ତୁତ ସ୍ବତନ୍ତ୍ର ପୋଡ଼ ପିଠା ସେବନ କରନ୍ତି ମହାପ୍ରଭୁ ।

Published On July 9, 2022