ବାହାନଗା ରେଳ ଦୁର୍ଘଟଣା:ଭୁବନେଶ୍ୱର ପହଞ୍ଚିଲା ୧୬୦ ମୃତଦେହ, BMC ଜାରିକଲା ହେଲ୍ପ ଲାଇନ୍ ନମ୍ବର

Updated: Sunday, June 4, 2023, 16:41 [IST]

ଭୁବନେଶ୍ୱର: : ବାଲେଶ୍ୱର ଜିଲ୍ଲା ବାହାନଗାରେ ଶୁକ୍ରବାର ସନ୍ଧ୍ୟା ପ୍ରାୟ ୭ଟା ପାଖାପାଖି କରମଣ୍ଡଳ ଏକ୍ସପ୍ରେସ୍‌ ଦୁର୍ଘଟଣାରେ ମୃତକଙ୍କ ସଂଖ୍ୟା ବଢିବାରେ ଲାଗିଛି । ବର୍ତ୍ତମାନ ସୁଦ୍ଧା 288 ଜଣଙ୍କର ମୃତ୍ୟୁ ହୋଇଛି । ଏହା ବାଦ୍ 803 ଜଣଙ୍କର ଚିକିତ୍ସା ଜାରି ରହିଛି ।

ଆଜି ଭୁବନେଶ୍ୱରରେ 160 ରୁ ଅଧିକ ମୃତଦେହ ପହଞ୍ଚିବ । ମୃତ ଶରୀରକୁ ଘରକୁ ନେବା ପାଇଁ ସମସ୍ତ ଖର୍ଚ୍ଚ ସରକାର ବହନ କରିବେ ଏବଂ ଏମ୍ସ ସମେତ ରାଜଧାନୀର ବିଭିନ୍ନ ଡାକ୍ତରଖାନାରେ ଏହି ମୃତଦେହ ରଖାଯିବ । ସେହିପରି ପରିଚୟ ମିଳିପାରୁ ନଥିବା ମୃତକଙ୍କ ଡିଏନଏ ସଂଗ୍ରହ କରାଯିବା ନେଇ ସୂଚନା ରହିଛି ।

ସୂଚନା ଅନୁସାରେ, 30 ରୁ 40 ମୃତକଙ୍କ ପରିଚୟ ମିଳିସାରିଥିବା ନେଇ ସୂଚନା ରହିଛି । କିଛି ଯାତ୍ରୀଙ୍କ ପ୍ରମାଣପତ୍ର ମଧ୍ୟ ମିଳିଛି । କେଉଁ ସ୍ଥାନରେ କାହାର ଚିକିତ୍ସା ଚାଲିଛି ସେନେଇ ତଥ୍ୟ ଅଛି । ସମସ୍ତ ଯାତ୍ରୀଙ୍କ ତଥ୍ୟ ସଂଗ୍ରହ ବଡ ଚ୍ୟାଲେଞ୍ଜ ପାଲଟିଛି ବୋଲି ମୁଖ୍ୟ ଶାସନ ସଚିବ କହିଛନ୍ତି ।

#WATCH | Odisha: Ambulances arrive at AIIMS Bhubaneshwar carrying unidentified bodies of people who died in #BalasoreTrainAccident

100 bodies will be kept in AIIMS Bhubaneshwar: Prateek Geeta Singh, DCP Bhubaneswar pic.twitter.com/REAZLiRI5t
— ANI (@ANI) June 4, 2023

BMC ଜାରିକଲା ହେଲ୍ପ ଲାଇନ୍ ନମ୍ବର

ରେଳ ଦୁର୍ଘଟଣାର ମୃତଦେହ ସମ୍ପର୍କରେ ଜାଣିବା ପାଇଁ BMC ପକ୍ଷରୁ ଜାରି କରାଯାଇଛି ହେଲ୍ପ ଲାଇନ୍ ନଂ-1929 । ଏହି ହେଲ୍ପ ଲାଇନକୁ ଫୋନ୍ କରି ଜାଣିହେବ ମୃତଦେହ ରଖାଯାଇଥିବା ସ୍ଥାନ । ଭୁବନେଶ୍ୱରର ଏକାଧିକ ଡାକ୍ତରଖାନାରେ ୧୭୦ଟି ମୃତଦେହ ରଖାଯାଇଛି ।

ତେବେ ରେଳ ଦୁର୍ଘଟଣାରେ ମୃତ୍ୟୁ ବରଣ କରିଥିବା ଲୋକଙ୍କର ସମ୍ପର୍କୀୟ ଚାହିଁଲେ ଭୁବନେଶ୍ୱରରେ ହିଁ ମୃତଦେହ ସଂସ୍କାର କରିପାରିବେ । BMC ୱେବସାଇଟରେ ମୃତକଙ୍କ ଫଟୋ ଓ ବିବରଣୀ ପାଇପାରିବେ । ଏନେଇ ସୂଚନା ଦେଇଛନ୍ତି BMC କମିଶନର ବିଜୟ ଅମୃତ କୁଲାଙ୍ଗେ ।