ଆସନ୍ତା କାଲି ଅଁଳା ନବମୀ: ରାଧା ପାଦ ଦର୍ଶନ ପାଇଁ ଅନୁମତି, ଛୁଇଁବା ମନା

Updated: Tuesday, November 1, 2022, 23:49 [IST]

ପୁରୀ: ଆସନ୍ତା କାଲି ଅଁଳା ନବମୀ । ରାଧା ପାଦ ଦର୍ଶନ ପାଇଁ ବିଶ୍ୱ ପ୍ରସିଦ୍ଧ ସାକ୍ଷୀଗୋପାଳ ମନ୍ଦିରରେ ପ୍ରତି ବର୍ଷ ଶହ ଶହ ଭକ୍ତଙ୍କ ଭିଡ ଦେଖିବା ପାଇଁ ମିଳିଥାଏ । ହେଲେ ଦୁଇ ବର୍ଷ ହେବ କରୋନା କଡକଣା ପାଇଁ ମନ୍ଦିରରେ ସାଧାରଣର ଦର୍ଶନ ବନ୍ଦ ରହିଥିଲା । ହେଲେ ଚଳିତ ବର୍ଷ କଟକଣା ହଟିଥିବାରୁ ଭକ୍ତଙ୍କୁ ରାଧା ପାଦ ଦର୍ଶନ କରିବା ପାଇଁ ଅନୁମତି ମଳିଛି । ହେଲେ ଏଥର ମଧ୍ୟ ପ୍ରଶାସନ ପକ୍ଷରୁ ନିୟମ କଡାକଡି କରାଯାଇଛି । ଶ୍ରଦ୍ଧାଳୁ କେବଳ ରାଧା ପାଦ ଦର୍ଶନ କରିପାରିବେ ସ୍ପର୍ଶ କରିପାରିବେ ନାହିଁ । ଏ ନେଇ ସୂଚନା ଦେଇଛନ୍ତି ଉପଜିଲ୍ଲାପାଳ ଭାବ ତରଣ ସାହୁ ।

ଆସନ୍ତା କାଲି ଭକ୍ତଙ୍କୁ ଓଡ଼ିଆଣୀ ବେଶରେ ଦର୍ଶନ ଦେବେ ମା' ରାଧା । ଭକ୍ତଙ୍କ ଭିଡ଼କୁ ନଜରରେ ରଖି ସୁରକ୍ଷା ବ୍ୟବସ୍ଥା କଡକଡି କରାଯାଇଛି । ପ୍ରଶାସନ ପକ୍ଷରୁ ୨୦ ପ୍ଲାଟୁନ୍ ଫୋର୍ସ, ୨୦ ଜଣ ଗୃହରକ୍ଷୀ ମୁତୟନ କରାଯିବ । ଆସନ୍ତା କାଲି ପାଇଁ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ । ବ୍ୟାରିକେଟ୍ ବ୍ୟବସ୍ଥା ସହ ପାନୀୟ ଜଳ, ପାର୍କିଂ ଆଦିର ବ୍ୟବସ୍ଥା ମଧ୍ୟ ଜିଲ୍ଲା ପ୍ରଶାସନ ପକ୍ଷରୁ କରାଯାଇଛି ।