ପୁଣି ଥରେ ମୁହଁ ଖୋଲିଲେ ପାଟକୁରା ବିଧାୟକ ଅରବିନ୍ଦ ମହାପାତ୍ର,କହିଲେ ନବୀନ ବାବୁଙ୍କୁ କିଛି ପଚାରିବାର ନାହିଁ

ନିଲମ୍ବନ ଓ ପରବର୍ତ୍ତୀ ରାଜନୀତିକୁ ନେଇ ପୁଣି ଥରେ ମୁହଁ ଖୋଲିଛନ୍ତି ପାଟକୁରା ବିଧାୟକ ଅରବିନ୍ଦ ମହାପାତ୍ର ,ନିଲମ୍ବନ ନେଇ ବିଜେଡି ସୁପ୍ରିମୋ ନବୀନ ବାବୁଙ୍କ ଠାରୁ କୌଣସି ଉତ୍ତରର ଆବଶ୍ୟକତା ନାହିଁ ବୋଲି ଅରବିନ୍ଦ ମହାପାତ୍ର ତାଙ୍କ ପ୍ରତିକ୍ରିୟାରେ କହିଛନ୍ତି । ଯେଉଁ କାରଣକୁ ନେଇ ତାଙ୍କୁ ନିଲମ୍ବନ କରାଯାଇଛି ସେ କାରଣର କୌଣସି ସତ୍ୟତା କେହି ରଖି ପାରୁନାହାଁନ୍ତି। ତେଣୁ ବିଜେଡିର ନିଷ୍ପତ୍ତିକୁ ନେଇ ନବୀନ ବାବୁଙ୍କ ସହ ଏକମତ ନୁହଁନ୍ତି ।

ତଥାପି କେଉଁ ଆଧାରରେ ତାଙ୍କୁ ନିଲମ୍ବନ କରାଗଲା ନିଷ୍ପତ୍ତି ନିଆଗଲା ତାହା ସେ ଜାଣିବାକୁ ଚାହିଁବେ । ବିଧାନସଭାରେ ଯଦି ଦେଖା ହୁଅନ୍ତି ତାହେଲେ ସମ୍ମାନ ଜଣାଇବି । ଯଦି ସେମାନଙ୍କ ତରଫରୁ ମୋତେ ପଚାଯାଏ, ତାହେଲେ ଉତ୍ତର ଖୋଜିବି । ଅନ୍ୟପକ୍ଷରେ ତାଙ୍କୁ ନିର୍ବାଚନରେ କିଛି ବିଜେଡି ଲୋକ ହିଁ ବିରୋଧ କରିଥିଲେ । ସେମାନେ କୁଚକ୍ରୀ ଗୋଷ୍ଠୀ, ଯାହା ଫଳରେ ତାଙ୍କ ଭୋଟ ହାର କମି ଯାଇଥିଲା । ସମ୍ପ୍ରତି ପାଟକୁରା ରାଜନୀତିକୁ ନେଇ ସେ ନିଜ ପ୍ରତିକ୍ରିୟାରେ କହିଛନ୍ତି ଯେ ପାଟକୁରାବାସୀ ତାଙ୍କ ସହିତ ଅଛନ୍ତି।