ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ଅପରାଜିତା

Bhubaneswar :Aparajita Sarangi Wrote A letter To Chif Minister Naveen Patnaikମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ଅପରାଜିତା

Updated: Sunday, August 28, 2022, 17:33 [IST]

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଲେ ସାଂସଦ ଅପରାଜିତା ଷଡ଼ଙ୍ଗୀ । ଭୁବନେଶ୍ୱର ନାଇଜର ଠାରେ କ୍ୟାନସର ହସ୍ପିଟାଲ ନିର୍ମାଣ ହେବା ପାଇଁ ଯାଉଛି । ଗତକାଲି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ହସ୍ପିଟାଲ ନିର୍ମାଣର ସମୀକ୍ଷା କରିଥିଲେ । ୬୫୦ କୋଟି ଟଙ୍କା ବିନିଯୋଗରେ ଟାଟା ମେମୋରିଆଲ ସହଯୋଗରେ କ୍ୟାନ୍ସର ହସ୍ପିଟାଲ ନିର୍ମାଣ ହେବ । ଆସନ୍ତା ୩ ମାସ ମଧ୍ୟରେ ଭିତ୍ତିପ୍ରସ୍ତର ସ୍ଥାପନ କରାଯିବ ଏବଂ ପରବର୍ତ୍ତୀ ୧୮ ମାସ ମଧ୍ୟରେ ନିର୍ମାଣ କାର୍ଯ୍ୟ ସମାପ୍ତ ହେବାର ସୂଚନା ରହିଛି ।

ତେବେ ୬୫୦ କୋଟି ବିନିଯୋଗରେ ନିର୍ମାଣ ହେବାକୁ ଥିବା ଏହି ପ୍ରକଳ୍ପରେ ରାଜ୍ୟ ସରକାର ଆବଶ୍ୟକୀୟ ସହାୟତା ଯୋଗାଇ ଦେବା ପାଇଁ ସାଂସଦ ଅପରାଜିତା ଷଡଙ୍ଗୀ ଚିଠି ଲେଖି ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି । ରାଜ୍ୟ ସରକାର କ୍ୟାନ୍ସର ହସ୍ପିଟାଲ ନିର୍ମାଣ ହେଉଥିବା ଜମି ଲାଗି ୫୦ଏକର ଜମି ଯୋଗାଇ ଦିଅନ୍ତୁ , ଭୁବନେଶ୍ୱର ରେଳ ଷ୍ଟେସନ ଏବଂ ବିମାନବନ୍ଦର ପାଇଁ ପବ୍ଲିକ୍ ଟ୍ରାନ୍ସପୋର୍ଟ ବ୍ୟବସ୍ଥା , ଅରୁଗୁଳ ଏବଂ ମେଣ୍ଢାଶାଳ ଗ୍ରୀଡକୁ ବିଦ୍ୟୁତ୍ ୟୋଗାଣ, ହସ୍ପିଟାଲ ପରିସରକୁ ଜଳ ଯୋଗାଣ ,ପାଇଁ ରାଜ୍ୟ ସରକାରଙ୍କ ସାହାର୍ଯ୍ୟ ଲୋଡିଛନ୍ତି ସାଂସଦ ।

Went to NISER campus today to review the progress of Rs 650 crore worth TATA MEMORIAL HOSPITAL for Cancer-recently appd by PM @narendramodi.
Talked to all, saw the site.Wrote to CM Sri @Naveen_Odisha for the required support. Work is likely to commence in 3 months. Will monitor. pic.twitter.com/ay4vRGQqjr
— Aparajita Sarangi, Member of Parliament (@AprajitaSarangi) August 27, 2022

ଡାକ୍ତରଖାନା ବ୍ୟତୀତ ହଷ୍ଟେଲ, ଧର୍ମଶାଳା, ଗେଷ୍ଟ ହାଉସ, ଷ୍ଟାଫ କ୍ୱାଟର, ବିଦ୍ୟାଳୟ ଆଦି ନିର୍ମାଣ ହେବ । ରୋଗୀ ଚିକିତ୍ସା ସହ ରିସର୍ଚ୍ଚ ଏବଂ ଔଷଧ ତିଆରି ହେବାର ବ୍ୟବସ୍ଥା ମଧ୍ୟ ହେବା ।