ଅକ୍ଟୋବରରେ ଆସୁଛି ଆଉ ଏକ ବାତ୍ୟା !, ଘରୋଇ ପାଣିପାଗ ସଂସ୍ଥାର ଆକଳନ
ଅକ୍ଟୋବର ଆଉ ଏକ ବାତ୍ୟାର ପୂର୍ବାନୁମାନ କରାଯାଉଛି । ଘରୋଇ ପାଣିପାଗ ସଂସ୍ଥା ଜିଏଫଏସ ଆକଳନ ଅନୁଯାଇ, ଆସନ୍ତା ୧୭ ତାରିଖରେ ଓଡ଼ିଶା ଉପକୂଳ ଅତିକ୍ରମ କରିପାରେ ଆଉ ଏକ ବାତ୍ୟା ।
ଭୁବନେଶ୍ବର: ଅକ୍ଟୋବର ଆଉ ଏକ ବାତ୍ୟାର ପୂର୍ବାନୁମାନ କରାଯାଉଛି । ଘରୋଇ ପାଣିପାଗ ସଂସ୍ଥା ଜିଏଫଏସ ଆକଳନ ଅନୁଯାଇ, ଆସନ୍ତା ୧୭ ତାରିଖରେ ଓଡ଼ିଶା ଉପକୂଳ ଅତିକ୍ରମ କରିପାରେ ଆଉ ଏକ ବାତ୍ୟା । ତେବେ ଏନେଇ ଭାରତୀୟ ପାଣିପାଗ ବିଭାଗ କିମ୍ବା ଆଞ୍ଚଳିକ ପାଣିପାଗ କେନ୍ଦ୍ର କୌଣସି ମତ ରଖିନାହାନ୍ତି ।
ସୂଚନା ଅନୁସାରେ ୧୪ ତାରିଖ ବେଳକୁ ପୂର୍ବ କେନ୍ଦ୍ରୀୟ ବଙ୍ଗୋପସାଗରର ପାଶ୍ୱର୍ବର୍ତ୍ତୀ ଉତ୍ତର ଆଣ୍ଡାମାନ ସାଗରରେ ଘୁର୍ଣ୍ଣିବଳୟ ସୃଷ୍ଟି ସମ୍ଭାବନା ରହିଛି । ଯାହା ପରବର୍ତୀ ସମୟରେ ଘନୀଭୂତ ହୋଇ ବାତ୍ୟାର ରୂପ ନେବାର ସମ୍ଭାବନା ଅଛି । ତେବେ ଏହାର ଗତି କୁଆଡେ ରହିବ, ତାହା ଏ ଯାଏ ସ୍ପଷ୍ଟ ହୋଇପାରି ନାହିଁ । ଅକ୍ଟୋବରରେ ମୁଖ୍ୟତଃ ଓଡିଶାକୁ ବାତ୍ୟା ବିପଦ ରହିଥାଏ ।
କେତେକ ମଡେଲ ଅନୁଯାଇ ଉତ୍ତର ଆନ୍ଧ୍ରପ୍ରଦେଶ ଓ ଦକ୍ଷିଣ ଓଡିଶାରେ ଏହାର ପ୍ରଭାବ ଅନୁଭୂତ ହୋଇପାରେ । ଯଦି ଏହି ଆକଳନ ସତ ପ୍ରମାଣିତ ହୁଏ ତେବେ ପାର୍ବଣ ସମୟରେ ବର୍ଷାର ପ୍ରଭାବ ଯଥେଷ୍ଟ ଅଧିକ ରହିବ । ପୂର୍ବରୁ ବି ଅକ୍ଟୋବର ମାସରେ ହୋଇଥିବା ବାତ୍ୟାର ଗମ୍ଭୀରତା ଯଥେଷ୍ଟ ଅଧିକ ରହୁଥିବାରୁ ସୃଷ୍ଟି ହେବାକୁ ଥିବା ଏହି ବଳୟ ଉପରେ ସତର୍କ ଦୃଷ୍ଟି ରଖାଯାଇଛି ।
Click it and Unblock the Notifications
Sign in with Google