ରାଜ୍ୟସଭା ଅନୁସନ୍ଧାନ ପରାମର୍ଶଦାତା କମିଟିର ସଦସ୍ୟ ହେଲେ ବିଜେଡ଼ି ସାଂସଦ ଅମର ପଟ୍ଟନାୟକ

ରାଜ୍ୟସଭା ଅନୁସନ୍ଧାନ ପରାମର୍ଶଦାତା କମିଟିର ସଦସ୍ୟ ଭାବେ ମନୋନୀତ ହେଲେ ଅମର ପଟ୍ଟନାୟକ ।

Updated: Sunday, April 18, 2021, 13:52 [IST]

ଭୁବନେଶ୍ବର: ବିଜେଡିର ରାଜ୍ୟସଭା ସାଂସଦ ଅମର ପଟ୍ଟନାୟକଙ୍କୁ ଆଉ ଏକ ସଫଳତା । 'ରାଜ୍ୟସଭା ଅନୁସନ୍ଧାନ ପରାମର୍ଶଦାତା କମିଟି' ର ସଦସ୍ୟ ଭାବେ ମନୋନୀତ ହେଲେ ସାଂସଦ ଅମର ପଟ୍ଟନାୟକ ।

ରାଜ୍ୟସଭାର ଅଧ୍ୟକ୍ଷ ତାଙ୍କୁ ଏଥିପାଇଁ ମନୋନୀତ କରିଛନ୍ତି । ଏହି ପଦବୀ ପାଇଁ ଶ୍ରୀ ପଟ୍ଟନାୟକଙ୍କ ସହ ଅନ୍ୟ 5 ଜଣ ସଦସ୍ୟ ମନୋନୀତ ହୋଇଛନ୍ତି । ମାର୍ଚ୍ଚ ୧୨ରେ ଏହି କମିଟିରୁ ସାଂସଦ ସ୍ଵପ୍ନ ଦାସଗୁପ୍ତା ଇସ୍ତଫା ଦେଇଥିଲେ । ଫଳରେ ଏହାର ଗୋଟିଏ ସଦସ୍ୟ ପଦବୀ ଖାଲି ରହିଥିଲା । ଏବେ ଏଥିରେ ଅମରଙ୍କୁ ମନୋନୀତ କରାଯାଇଛି । ସେ ୨୦୨୨ ଜୁନ୍ ୩୦ ଯାଏଁ ଏହି କମିଟିର ସଦସ୍ୟ ରହିବେ ।

ତେବେ ଏହି କମିଟିରେ ଶ୍ରୀ ପଟ୍ଟନାୟକଙ୍କ କାର୍ଯ୍ୟକାଳ ଦୁଇ ବର୍ଷ ପର୍ଯ୍ୟନ୍ତ ରହିଛି । ଏନେଇ ସେ ରାଜ୍ୟସଭା ଓ ଉପରାଷ୍ଟ୍ରପତି ଭେଙ୍କେୟା ନାଇଡୁଙ୍କୁ ଟ୍ବିଟ କରି ଧନ୍ୟବାଦ ଦେଇଛନ୍ତି ।

I'm delighted and honoured to be nominated as member of the Research Advisory Committee of @RajyaSabha. I express my sincere gratitude to Hon @VPSecretariat Shri @MVenkaiahNaidu ji for this honour. pic.twitter.com/gBGOnrBwjB
— Dr. Amar Patnaik (@Amar4Odisha) April 18, 2021