ଅତିରିକ୍ତ CSOଙ୍କ ଘରେ ଭିଜିଲାନ୍ସ, ଏକକାଳିନ ୭ଟି ସ୍ଥାନରେ ଚଢାଉ

ଭଞ୍ଜନଗର :ଭିଜିଲାନ୍ସ ଜାଲରେ ଭଞ୍ଜନଗର ଅତିରିକ୍ତ ସିଭିଲ୍ ସପ୍ଲାଇ ଅଫିସର । ଅତିରିକ୍ତ ସିଭିଲ୍ ସପ୍ଲାଇ ଅଫିସର ସଞ୍ଜୟଙ୍କ ଘରେ ଭିଜିଲାନ୍ସ ପକ୍ଷରୁ ଚଢାଉ କରାଯାଇଛି । ଆଜି ସକାଳେ ଏକକାଳିନ ୭ଟି ସ୍ଥାନରେ ଚଢାଉ କରାଯାଇଥିବା ନେଇ ସୂଚନା ରହିଛି ।

ସଞ୍ଜୟଙ୍କ ଘର ଅଫିସ ସମେତ ମୋଟ୍ ୭ଟି ସ୍ଥାନରେ ଆଜି ସକାଳେ ଚଢାଉ କରାଯାଇଛି । ଭୁବନେଶ୍ୱର, ମୟୂରଭଞ୍ଜ ଓ ଗଞ୍ଜାମ ଜିଲ୍ଲାରେ ଚଢାଉ କରାଯାଇଛି । ଖବର ଅନୁସାରେ, ଭୁବନେଶ୍ୱରରେ ଏକ ପ୍ଲାଟ୍ ଥିବାବେଳେ ପଟିଆ ଓ ଚନ୍ଦ୍ରଶେଖରପୁର ଅଞ୍ଚଳରେ ତାଙ୍କର ୨ଟି ପ୍ଲଟ ରହିଛି ।

ସେହିପରି ତାଙ୍କର ଗଞ୍ଜାମ ଜିଲ୍ଲା ସ୍ଥିତ ଭଡା ଘରେ ଏବଂ ମୟୂରଭଞ୍ଚରେ ଥିବା ଘରେ ମଧ୍ୟ ଭିଜିଲାନ୍ସ ଟିମ୍ ଚଢାଉ କରିଛି । ଭିଜିଲାନ୍ସର ୭ ଜଣ ଡିଏସସି ଓ ୧୨ ଜଣ ଅଫିସର ଏହି ଚଢାଉରେ ସାମିଲ ଅଛନ୍ତି । ଚଢାଉ ବେଳେ କିଛି ଗୁରୁତ୍ୱପୂର୍ଣ୍ଣ କାଗଜପତ୍ର ମିଳିଥିବା ନେଇ ସୂଚନା ରହିଛି । ସୂଚନାଥାଉ ଯେ, କାମାକ୍ଷାନଗର ଆସିଷ୍ଟାଣ୍ଟ ସିଭିଲ୍ ଅଫିସର ଥିବା ସଞ୍ଜୟଙ୍କର କିଛି ଦିନ ପୂର୍ବରୁ ହିଁ ପଦନ୍ନୋତି ହୋଇଥିଲା ।

English summary

Additional CSO's house vigilance raid , at a time 7 places raided.