Anubhab Mohanty: ଅଭିନେତା ଅନୁଭବ ମହାନ୍ତିଙ୍କ ବାପା ଅଭୟ ମହାନ୍ତିଙ୍କ ପରଲୋକ
Anubhab Mohanty: ଅଭିନେତା ତଥା କେନ୍ଦ୍ରପଡ଼ା ସାଂସଦ ଅନୁଭବ ମହାନ୍ତିଙ୍କ ବାପା ଅଭୟ ମହାନ୍ତିଙ୍କ ପରଲୋକ । କଟକ ନନ୍ଦସାହି ସ୍ଥିତ ବାସଭବନପେ ତାଙ୍କର ଦେହାନ୍ତ ହୋଇଥିବା ନେଇ ସୂଚନା ରହିଛି । ମୃତ୍ୟୁ ବେଳକୁ ତାଙ୍କୁ ୭୪ ବର୍ଷ ବୟସ ହୋଇଥିଲା । ଦୀର୍ଘଦିନ ହେବ ସେ କିଡନୀ ରୋଗରେ ପୀଡିତ ଥିଲେ । ଚିକିତ୍ସାଧୀନ ଅବସ୍ଥାରେ ତାଙ୍କର କଟକ ନିଜ ବାସଭବନରେ ଦେହାନ୍ତ ହୋଇଛି । ପୁରା ପରିବାରରେ ବର୍ତ୍ତମାନ ଶୋକର ଛାୟା ଖେଳିଯାଇଛି ।
ସୂଚନା ଅନୁସାରେ, ଦୀର୍ଘଦିନ ହେବ ଅନୁଭବ ମହାନ୍ତିଙ୍କ ପିତା କିଡନୀ ରୋଗରେ ପୀଡିତ ଥିଲେ ଏବଂ ତାଙ୍କ ଡାଇଲିସିସ୍ ଚାଲିଥିଲା । ନିୟମିତ ଡାକ୍ତରଖାନାରେ ତାଙ୍କର ଚିକିତ୍ସା ଚାଲିଥିଲା । ନିକଟରେ ଅଭୟ ମହାନ୍ତିଙ୍କର ଅପରେସନ ମଧ୍ୟ ହୋଇଥିଲା ଯାହାକୁ ନେଇ ଅନୁଭବ ମହାନ୍ତି ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ସୂଚନା ଦେଇଥିଲେ । ହେଲେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । ନନ୍ଦିସାହି ସ୍ଥିତ ବାସଭବନରେ ଉଭୟ ମହାନ୍ତିଙ୍କ ଶେଷ ଦର୍ଶନ କରିବା ପାଇଁ ବହୁ ବିଶିଷ୍ଚ ବ୍ୟକ୍ତି ପହଞ୍ଚିଛନ୍ତି ।
Click it and Unblock the Notifications
Sign in with Google