ରାଜନୀତିରୁ ଅବସର ନେଲେ ଅଚ୍ୟୁତ ସାମନ୍ତ
Achyuta Samanta: ପ୍ରତ୍ୟେକ ରାଜନୀତିରୁ ଅବସର ନେଲେ ବିଜେଡି ନେତା ତଥା କନ୍ଧମାଳ ପୂର୍ବତନ ସାଂସଦ ଅଚ୍ୟୁତ ସାମନ୍ତ । ଆଜି ଏନେଇ ସେ ସୋସିଆଲ ମିଡିଆରେ ସୂଚନା ଦେଇଛନ୍ତି । ଜୁନ୍ ୯ ତାରିଖଠୁ ସେ ରାଜନୀତିରୁ ଅବ୍ୟାହତି ନେବେ ବୋଲି ପ୍ରକାଶ କରିଛନ୍ତି ।
ଗତକାଲି ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଭେଟିଥିଲେ ଅଚ୍ୟୁତ ସାମନ୍ତ । ଉଭୟ ଲୋକସଭା ଏବଂ ରାଜ୍ୟସଭାରେ ତାଙ୍କୁ ସୁଯୋଗ ଦେଇଥିବାରୁ ସେ ବିଜେଡି ସୁପ୍ରିମୋଙ୍କୁ କୃତଜ୍ଞ ଜଣାଇଛନ୍ତି । ସେ ରାଜନୀତିରୁ ଅବସର ନେବେ ବେଲେ ସମାଜସେବାରେ ସକ୍ରିୟ ରହିବେ ବୋଲି ମଧ୍ୟ ସାଂସଦ ଅଚ୍ୟୁତ ସାମନ୍ତ ସୂଚନା ଦେଇଛନ୍ତି ।
ସୂଚନାଥାଉ ଯେ, ଶ୍ରୀ ସାମନ୍ତ ୨୦୧୮ ମସିହା ମାର୍ଚ୍ଚ ୭ ତାରିଖରେ ରାଜନୀତିରେ ପ୍ରବେଶ କରିଥିଲେ । ସେହିପରି ସମାନ ବର୍ଷ ଏପ୍ରିଲ ୪ ତାରିଖରେ ସେ ବିଜୁ ଜନତା ଦଳ ପକ୍ଷରୁ ରାଜ୍ୟସଭା ଯାଇଥିଲେ । ୨୦୧୯ ସାଧାରଣ ନିର୍ବାଚନରେ ସେ ବିଜେପି ପାର୍ଥୀ ଖାରବେଳ ସ୍ୱାଇଁଙ୍କୁ ପରାସ୍ତ କରି ପ୍ରାୟ ଏକ ଲକ୍ଷ ଭୋଟ ବ୍ୟବଧାନରେ ନିର୍ବାଚନ ଜିତିଥିଲେ । ହେଲେ ଚଳିତ ବର୍ଷ ଅର୍ଥାତ୍ ୨୦୨୪ ଲୋକସଭା ନିର୍ବାଚନରେ ସେ କନ୍ଧମାଳ ସଂସଦୀୟ କ୍ଷେତ୍ରରୁ ଲଢି ପରାଜିତ ହୋଇଥିଲେ । ସେହିପରି ସେ କନ୍ଧମାଳ ସଂସଦୀୟ କ୍ଷେତ୍ରର ସମସ୍ତ ଜନସାଧାରଣଙ୍କୁ ମଧ୍ୟ କୃତଜ୍ଞତା ଜଣାଇଛନ୍ତି ।
Click it and Unblock the Notifications
Sign in with Google