ଲିଙ୍ଗରାଜ ମନ୍ଦିର ଭିତରେ ସିଗାରେଟ୍ ଟାଣିଲେ ଯୁବକ, ଏପରି ଫଟୋ ହେଲା ଭାଇରାଲ

Lingaraj Temple: ଲିଙ୍ଗରାଜ ମନ୍ଦିର ଭିତରେ ସିଗାରେଟ୍ ଟାଣିଲେ ଯୁବକ । ଏପରି ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି ଯାହାକୁ ନେଇ ଏବେ ଜୋର ଧରିଛି ଚର୍ଚ୍ଚା । devi_105 ନାମକ ଏକେ ଇନଷ୍ଟାଗ୍ରାମ ଆଇଡିରେ ଏହି ଯୁବକଙ୍କ ଫଟୋ ପୋଷ୍ଟ କରାଯାଇଛି । ଭାଇରାଲ ଫଟୋରେ ଯୁବକ ଜଣକ ହାତରେ ସିଗାରେଟ୍ ଧରିଥିବାର ଦେଖିବାକୁ ମିଳୁଛି । ଏହିପରି ଘଟଣାକୁ ବିଭିନ୍ନ ମହଲରେ କଡ଼ା ନିନ୍ଦା କରାଯାଉଛି । ସେପଟେ ମନ୍ଦିର ସେବାୟତ ମାନେ ଉକ୍ତ ଯୁବକଙ୍କ ଗିରଫ ଦାବି କରିଛନ୍ତି। ବ୍ୟକ୍ତି ଜଣଙ୍କ ନାଁ ଦେବି ପ୍ରସାଦ ଦାସ ବୋଲି ସୂଚନା ରହିଛି ।

ସୂଚନା ଅନୁସାରେ, ଏହି ଫଟୋ ସୋମବାର ଅପଲୋଡ୍ କରାଯାଇଥିଲା । ଭାଇରାଲ ଫଟୋରେ ଯୁବକ ଜଣକ ମନ୍ଦିର ରୋଷେଇ ଘର ପାଖରେ ଠିଆ ହୋଇଥିବାର ଦେଖିବାକୁ ମିଳୁଛି । ତେବେ ଏହି ଯୁବକ ଜଣ ସ୍ଥାନୀୟ ଅଞ୍ଚଳର ବାସିନ୍ଦା ବୋଲି ଦାବି କରାଯାଉଛି । ତେବେ ବର୍ତ୍ତମାନ ପ୍ରଶ୍ନ ଉଠୁଛି ମନ୍ଦିର ପରିସର ମଧ୍ୟକୁ ମୋବାଇଲ ଏବଂ ନିଶାଦ୍ରବ୍ୟ ବାରଣ ସତ୍ୱେ କିପରି ଏହି ଯୁଦ୍ଧ ଜଣ ସିଗାରେଟ୍ ଟାଣିଲେ । ନିକଟରେ ଅଭିନେତ୍ରୀ ଶିଳ୍ପା ଶେଟ୍ଟି ମନ୍ଦିର ମଧ୍ୟରେ ଅନେକ ଫଟୋ ଉଠାଇବା ସହ ଭିଡିଓ ମଧ୍ୟ ତିଆରି କରିଥିଲେ ଯାହାକୁ ମଧ୍ୟ ଖୁବ୍ ବିବାଦ ସୃଷ୍ଟି ହୋଇଥିଲା ।