ବାଇକ ଦରଠୁ ବଳିଗଲା ଜରିମାନାର ଦର
ବାଇକ ଚାଳକଙ୍କୁ ୧ ଲକ୍ଷ ୧୩ ହଜାରରୁ ଅଧିକ ଟଙ୍କାର ଫାଇନ୍ ଧାର୍ଯ୍ୟ ହୋଇଛି । ତାଙ୍କ ଉପରେ ଲାଗିଥିବା ଫାଇନ ଯେ, ତାଙ୍କ ଗାଡି ମୂଲ୍ୟଠାରୁ ଯଥେଷ୍ଟ ଅଧିକା ବୋଲି ସେ କହିଛନ୍ତି ।
ଭୁବନେଶ୍ବର: ରାଜ୍ୟରେ କଡାକଡି ହୋଇଛି ନୂଆ ମଟର ଯାନ ଆଇନ । ଆକ୍ସନ ମୋଡରେ ଟ୍ରାଫିକ ପୋଲିସ । ନିୟମ ଉଲଙ୍ଘନ କଲେ କାହାରିକୁ ନିସ୍ତାର ନାହିଁ । ଡିଏଲ, ଆରସି, ପଲ୍ୟୁସନ, ଫିଟନେସ, ଡବଲ ହେଲମେଟ ଫୁଲ କଡାକଡି ନିୟମ । ନିୟମରେ ଖିଲାପ ହେଲେ ଭରିବେ ମୋଟାଅଙ୍କର ଫାଇନ । ମାତ୍ର ଏହି ମୋଟା ଅଙ୍କ ଏତେ ମୋଟା ହୋଇଯାଇଛି ଯେ, ଯାହାକୁ ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ରାୟଗଡା ଜିଲ୍ଲାରୁ ଆସିଛି ଏମିତି ଏକ ଚିତ୍ର ।
ବାଇକ ଚାଳକଙ୍କୁ ୧ ଲକ୍ଷ ୧୩ ହଜାରରୁ ଅଧିକ ଟଙ୍କାର ଫାଇନ୍ ଧାର୍ଯ୍ୟ ହୋଇଛି । ଏହି ଚାଳକ ହେଲେ ମଧ୍ୟପ୍ରଦେଶ ଅମରପୁରର ପ୍ରକାଶ ବନଜରା। ପ୍ରକାଶ ବାଇକରେ ବୁଲି ଡ୍ରମ ବ୍ୟବସାୟ କରନ୍ତି। ତେବେ ତାଙ୍କ ଉପରେ ଲାଗିଥିବା ଫାଇନ ଯେ, ତାଙ୍କ ଗାଡି ମୂଲ୍ୟଠାରୁ ଯଥେଷ୍ଟ ଅଧିକା ବୋଲି ସେ କହିଛନ୍ତି ।
ଓଡିଶା ପରିବହନ ବିଭାଗର ବିନା ଅନୁମତିରେ ସେ ନିଜ ରାଜ୍ୟର ଗାଡି ଓଡିଶାରେ ଚଳାଇ ବ୍ୟବସାୟ କରୁଥିଲେ । ଆଉ ଆଜି ପରିବହନ ବିଭାଗର ଯାଞ୍ଚ କରିବା ବେଳେ ସେ ଧରାପଡ଼ିଯାଇଥିଲେ।
Click it and Unblock the Notifications
Sign in with Google