ରାଜ୍ୟରେ 4G ଦରରେ ମିଳିବ 5G ସେବା

ଓଡିଶାରେ ଆଜିଠୁ ଆରମ୍ଭ ହୋଇଛି 5G ଟେଲିକମ ସେବା । ଏହା ୨ବର୍ଷ ଭିତରେ ସାରା ରାଜ୍ୟରେ ପହଁଚିବ । କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, ଅଗଷ୍ଟ ୧୫, ୨୦୨୪ ସୁଦ୍ଧା ରାଜ୍ୟର ସବୁ ଜାଗାରେ ଟାୱାର କନେକ୍ଟିଭିଟି ହୋଇଯିବ ।

ଭୁବନେଶ୍ବର: ଓଡିଶାରେ ଆଜିଠୁ ଆରମ୍ଭ ହୋଇଛି 5G ଟେଲିକମ ସେବା । ଏହା ୨ବର୍ଷ ଭିତରେ ସାରା ରାଜ୍ୟରେ ପହଁଚିବ । କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, ଅଗଷ୍ଟ ୧୫, ୨୦୨୪ ସୁଦ୍ଧା ରାଜ୍ୟର ସବୁ ଜାଗାରେ ଟାୱାର କନେକ୍ଟିଭିଟି ହୋଇଯିବ । ଫାଇବର କେବୁଲ ବିଛାଇବା ପାଇଁ ପ୍ରଧାନମନ୍ତ୍ରୀ ୧୧ଶହ କୋଟି ଟଙ୍କା ଦେଇଛନ୍ତି । ଓଡ଼ିଶାର ପ୍ରତି ଗାଁ ଓ ସ୍କୁଲକୁ ହାଇସ୍ପିଡ କେବୁଲ ପହଞ୍ଚିବ ।

ତେବେ ସେବା ଆରମ୍ଭ ହେବା ପରେ 5G ଦର 4G ସହ ସମାନ ରହିବ । ଦର ସଂପର୍କରେ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, 4G ଦର ସହ 5G ଦର ପାଖାପାଖି ସମାନ ରହିବ । ସାରା ଦେଶରେ 5G ଲାଗୁ ପାଇଁ ଅଢ଼େଇରୁ ୩ ଲକ୍ଷ କୋଟି ଟଙ୍କା ଖର୍ଚ୍ଚ ହେବ । 5G ପାଇଁ ୯୦ ହଜାର ନୂଆ ନିଯୁକ୍ତି ସୁଯୋଗ ସୃଷ୍ଟି ହେବ ।

ସୂଚନାଯୋଗ୍ୟ ଯେ, ଓଡିଶାରେ ଆଜିଠୁ ୫ଜି ସେବା ଆରମ୍ଭ ହୋଇଛି । ୫ଜି ସେବାର ଶୁଭାରମ୍ଭ କଲେ କେନ୍ଦ୍ର ଆଇଟି ମନ୍ତ୍ରୀ ଅଶ୍ୱିନୀ ବୈଷ୍ଣବ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପ୍ରଥମ ପର୍ଯ୍ୟାୟରେ ଟ୍ୱିନସିଟିରେ ୫ଜି ଯୋଡି ହୋଇଛି । ପରବର୍ତ୍ତୀ ପର୍ଯ୍ୟାୟରେ ୫ଟି ସହରରେ ଏହି ସେବା ଆରମ୍ଭ ହେବ । 5G ସେବା ଆରମ୍ଭ ହେଲେ ଟେଲିକମ୍ ଓ ଇଣ୍ଟରନେଟ୍ ଗ୍ରାହକମାନେ ଉନ୍ନତମାନର ସେବା ପାଇବେ ।

English summary

5G Service to Available at 4G Price in Odisha