ଡେଲି ମାର୍କେଟରେ ଭୟାବୟ ଅଗ୍ନିକାଣ୍ତ, ଜଳିଗଲା ୫୦ ଦୋକାନ
କେନ୍ଦୁଝର:ଡେଲି ମାର୍କେଟରେ ଭୟାବହ ଅଗ୍ନିକାଣ୍ତ । ଜଳିଗଲା ୫୦ରୁ ଅଧିକ ଦୋକାନ । ଅଗ୍ନିକାଣ୍ତରେ ଲକ୍ଷାଧିକ ଟଙ୍କାର ସାମଗ୍ରୀ ଜଳିପୋଡି ପାଉଁଶ ହୋଇଯାଇଛି । ନିଆଁ ଲିଭାଇଲା ଅଗ୍ନିଶମ ବାହିନୀ । କାରଣ ଅସ୍ପଷ୍ଟ ।
ସୂଚନା ଅନୁସାରେ, ସୋମବାର ସକାଳ ୫ଟାରେ ଡେଲି ମାର୍କେଟରେ ଭୟଙ୍କର ନିଆଁ ଲାଗିଯାଇଥିଲା । ପ୍ରଥମେ ଏକ ବାସନ ଦୋକାନରେ ନିଆଁ ଲାଗିଥିଲା ପରେ ପୂରା ମାର୍କେଟକୁ ନିଆଁ ବ୍ୟାପି ଯାଇଥିଲା । ସୂଚନା ପାଇ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା ୩ଟି ଦମ କଳବାହିନୀ ଗାଡ଼ି ।
ତେବେ ମାର୍କେଟରେ ସର୍ଟସର୍କିଟ ଯୋଗୁଁ ନିଆଁ ଲାଗିଥାଇ ପାରେ ବୋଲି ସନ୍ଦେହ କରାଯାଉଛି । ହେଲେ ନିଆଁ ଲାଗିବାର ପ୍ରକୃତ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇପାରି ନାହିଁ । ଏହି ଘଟଣାରେ ଲକ୍ଷାଧିକ ସମ୍ପତ୍ତି ନଷ୍ଟ ହୋଇଛି ହେଲେ କେହି ମୃତାହତ ହୋଇ ନାହାନ୍ତି । ଘଟଣାସ୍ଥଳରେ ପୋଲିସ ଏବଂ କେନ୍ଦୁଝର ଉପଜିଲ୍ଲାପାଳ ପହଞ୍ଚି ଯାଞ୍ଚ ଆରମ୍ଭ କରିଛନ୍ତି ।
ଅନ୍ୟପକ୍ଷରେ କେନ୍ଦୁଝର ମାର୍କେଟ କମିଟି ସମ୍ପାଦକ କହିଛନ୍ତି ଯେ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଥିବାରୁ ଦୋକାନୀମାନଙ୍କୁ ଆର୍ଥିକ ସହାୟତା ଦେବା ପାଇଁ ଜିଲ୍ଲାପାଳଙ୍କୁ ଭେଟିବୁ।
Click it and Unblock the Notifications
Sign in with Google