ରାଜ୍ୟର ୫ ଦୋକାନୀ ବିକୁଥିଲେ ନକଲି ସୁନା

ଭୁବନେଶ୍ବର : ଅଳଙ୍କାର ଦୋକାନୀ ବିକୁଥିଲେ ନକଲି ସୁନା । ରାଜ୍ୟର ୫ ଅଳଙ୍କାର ଦୋକାନରେ ବିକ୍ରି ହେଉଥିଲା ନକଲି ସୁନା । ବିଧାନସଭାରେ ଲିଖିତ ଉତ୍ତର ରଖିଛନ୍ତି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ।

ନକଲି ହଲମାର୍କ ପାଇଁ ଅମ୍ବିକା ଜୁଏଲର୍ସ ବିରୁଦ୍ଧରେ କୁଚିଣ୍ଡା କୋର୍ଟରେ ମାମଲା ପଞ୍ଜିକୃତ ହୋଇଛି । ଜଗତସିଂହପୁର ଜିଲ୍ଲା କୁଜଙ୍ଗର ରାଜଶ୍ରୀ ଜୁଏଲର୍ସ, ପୁରୀର ସୁନା ଏବଂ ଚାନ୍ଦି, ସମ୍ବଲପୁରର ଅଳଙ୍କାର ଜୁଏଲର୍ସ ଏବଂ ବରଗଡ଼ର ରାଧାକାନ୍ତ ଜୁଏଲରର ଲାଇସେନ୍ସ ବାତିଲ କରାଯାଇଛି ।

ଏ ନେଇ ୨୦୨୨-୨୩ରେ ମାପକ ତ୍ରୁଟି ଯୋଗୁଁ ୬ଟି ମାମଲା ରୁଜୁ, ୨୩୫୦୦ ଜରିମାନା ଆଦାୟ କରାଯାଇଥିଲା। ୨୦୨୩-୨୪ରେ ୬ଟି ମାମଲା, ୧ ଲକ୍ଷ ୫୫ ହଜାର ଏବଂ ୨୦୨୪-୨୫ ନଭେମ୍ବର ସୁଦ୍ଧା ୪ଟି ମାମଲା, ୪୮ ହଜାର ଫାଇନ ଆଦାୟ ହୋଇଛି।