ଏମସ୍ ଭୁବନେଶ୍ୱରରେ ତୃତୀୟ ଆଇଏପିଏସଏମ ଜାତୀୟ ଯୁବ ସମ୍ମିଳନୀ ଉଦଯାପିତ

ଭୁବନେଶ୍ୱର: ଏମସ୍ ଭୁବନେଶ୍ୱରରେ ତ୍ରିଦିବସୀୟ ତୃତୀୟ ଆଇଏପିଏସଏମ ଜାତୀୟ ଯୁବ ସମ୍ମିଳନୀ ଉଦଯାପିତ ହୋଯାଇଛି। ଏମସ୍ ଭୁବନେଶ୍ୱର କମ୍ୟୁନିଟି ମେଡିସିନ୍ ଏବଂ ଫ୍ୟାମିଲି ମେଡିସିନ୍ ବିଭାଗ ପକ୍ଷରୁ ଚଳିତ ମାସ ୧୦ ରୁ ଆରମ୍ଭ ହୋଇଥିବା ଏହି ତିନିଦିନିଆ କାର୍ଯ୍ୟକ୍ରମ ଗତକାଲି ଶେଷ ହୋଇଛି । ସମ୍ମିଳନୀରେ ଏମ୍ସ ନୂଆଦିଲ୍ଲୀ, ପିଯିଆଇଏମଇଆର ଚଣ୍ଡିଗଡ, ଜିପମର ପୁଡୁଚେରୀ, ଏମ୍ସ ପାଟନା, ଏମ୍ସ ରାୟପୁର, ଏମ୍ସ ଯୋଧପୁର, ଏମ୍ସ ଭୋପାଳ, ଏମ୍ସ କଲ୍ୟାଣୀ, ଏମ୍ସ ଗୋରଖପୁର, ଏମସ୍ ବାଥିଣ୍ଡା, ଏମ୍ସ ବିବିନଗର, ଏମ୍ସ ମଙ୍ଗଳାଗିରି ଏବଂ ଏମଜିଆଇଏମଏସ ସେବାଗ୍ରାମ ଭଳି ଜାତୀୟ ପ୍ରତିଷ୍ଠାନର ବିଶେଷଜ୍ଞଙ୍କ ସମେତ ଦେଶର ବିଭିନ୍ନ ପ୍ରତିଷ୍ଠିତ ସ୍ୱାସ୍ଥ୍ୟ ପ୍ରତିଷ୍ଠାନରୁ ପାଞ୍ଚଶହରୁ ଅଧିକ ଯୁବ ଚିକିତ୍ସକ ଅଂଶ୍ରହଣ କରିଥଲେ ।

ଇଣ୍ଡିଆନ୍ ଆସୋସିଏସନ୍ ଅଫ୍ ପ୍ରିଭେଣ୍ଟିଭ୍ ଆଣ୍ଡ ସୋସିଆଲ୍ ମେଡିସିନ୍ ସହିତ 'ନିରନ୍ତର ସ୍ୱାସ୍ଥ୍ୟ ପାଇଁ ସମ୍ପ୍ରଦାୟର ଚିକିତ୍ସକ' ବିଷୟବସ୍ତୁକୁ ନେଇ ଏହି ସମ୍ମିଳନୀରେ ବ୍ୟାପକ ଆଲୋଚନା ହୋଇଥିଲା । ଏହି ମେଗା କାର୍ଯ୍ୟକ୍ରମକୁ ଏମ୍ସ ଭୁବନେଶ୍ୱର କାର୍ଯ୍ୟନିର୍ବାହୀ ନିର୍ଦ୍ଦେଶକ ପ୍ରଫେସର ଅଶୁତୋଷ ବିଶ୍ବାସ, ପଦ୍ମଶ୍ରୀ ଡାକ୍ତର ଅଭୟ ବାଙ୍ଗ, ପଦ୍ମଶ୍ରୀ ଡ. ସି. ଏସ. ପାଣ୍ଡବ, ଡାକ୍ତର ହରିବଂଶ ଚୋପ୍ରା, ଡାକ୍ତର ସୁନୀଲା ଗର୍ଗ ଏବଂ ଡ଼.ପୁରଷୋତ୍ତମ ଗିରି ପ୍ରମୁଖ ମାନ୍ୟଗଣ୍ୟ ବ୍ୟକ୍ତିବିଶଷ ଉଦଘାଟନ କରିଥିଲେ। ସମାଜର ତୃଣମୂଳ ସ୍ତରରେ ଗୁଣବତ୍ତାସମ୍ପନ୍ନ ସ୍ୱାସ୍ଥ୍ୟସେବା ଯୋଗାଇ ଦେବାରେ କମ୍ୟୁନିଟି ଚିକିତ୍ସକଙ୍କ ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ ଡକ୍ଟର ବିଶ୍ବାସ ।

ପ୍ରଫେସର ସୋନୁ ହାଙ୍ଗମା ସୁବା, ସଂଗଠନର ଅଧ୍ୟକ୍ଷ, ଯୁବ ନେତାଙ୍କ ଦକ୍ଷତା ବୃଦ୍ଧି, ଏକାଡେମୀ ଏବଂ ଅନୁସନ୍ଧାନର ଦୃଢତା କ୍ଷେତ୍ରରେ ବୈଜ୍ଞାନିକ ଏକ୍ସପୋଜରର ଆବଶ୍ୟକତା ସମ୍ପର୍କରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମରେ ଅନେକ ସାଧାରଣ ଅଧିବେଶନ, ସାମୂହିକ ଆଲୋଚନା ଏବଂ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିସହିତ ଜନସ୍ୱାସ୍ଥ୍ୟରେ ଭୌଗୋଳିକ ସୂଚନା ପ୍ରଣାଳୀ ଏବଂ ରିମୋଟ ସେନ୍ସିଂ ପ୍ରୟୋଗ ସମେତ ନଅଟି ବିଷୟବସ୍ତୁ ଉପରେ ବିଭାଗ ଦ୍ୱାରା ପୂର୍ବ-ସମ୍ମିଳନୀ କର୍ମଶାଳା ଆୟୋଜିତ ହୋଇଥିଲା । ଏନପିସିଡ଼ିସିଏସ ନିର୍ଦ୍ଦେଶାବଳୀ ଅନୁଯାୟୀ କର୍କଟ ରୋଗର ନିରାକରଣ ପାଇଁ ପରିବର୍ତ୍ତନକାରୀ ବିପଦ କାରଣଗୁଡିକ ସମାଧାନ କରିବା ପରି ଅନେକ ବିଷୟ ବସ୍ତୁ ଉପରେ ବ୍ୟାପକ ଆଲୋଚନା ହୋଇଥିଲା ।

ଅନ୍ତିମ ଦିନରେ, ଜନସ୍ୱାସ୍ଥ୍ୟ ଅନୁସନ୍ଧାନରେ ନୈତିକ ପ୍ରସଙ୍ଗ ତଥା ମାନସିକ ସ୍ଵାସ୍ଥ୍ୟ ପାଇଁ ଅପ୍ରାକୃତିକ ସ୍ତରରେ ପହଞ୍ଚିବା ଭଳି ସ୍ୱାସ୍ଥ୍ୟ ପ୍ରସଙ୍ଗରେ ଏମ୍ସ ନୂଆଦିଲ୍ଲୀର ବିଶେଷଜ୍ଞ ଡ. ଶଶିକାନ୍ତ ଏବଂ ନିମହାନ୍ସ ବାଙ୍ଗାଲୋରର ଡ. ଗିରିଶ ଏନ ରାଓ ଭଳି ବିଶିଷ୍ଟ ବକ୍ତାମାନଙ୍କ ଦ୍ୱାରା ଆଲୋଚନା ହୋଇଥିଲା । ଏହି କନକ୍ଲେଭରେ ଶତାଧିକ ଯୁବ ଚିକିତ୍ସକ, ଜୁନିଅର ଏବଂ ସିନିୟର ଆବାସିକ ଛାତ୍ରଛାତ୍ରୀ, ଏମପିଏଚ ଛାତ୍ର ଏବଂ ବିଦ୍ୱାନ ଉପସ୍ଥିତ ଥିଲେ ।

English summary

3rd IAPSM National Youth Conference organized at EMS Bhubaneswar